Ez 31:10 - Chuj San Sebastian Bible

¹⁰ Yuj cha, a Jehová Cajlil a tzaln 'ixtic: Caw cob' niwquil x'aj sq'uib' stel jun te cha, 'ix 'ec' stel 'a jun tzo'n̈ xo yit te'al. Yujto niwquil x'aj ste'il, yuj cha, caw b'an̈quintac xyutj sb'a.

Chuj San Mateo Bible

¹⁰ Yuj chi' a in Jehová Yajal in sval icha tic: A jun te te' chi', te chaan̈ ix aj steel te'. Ix ec'b'at steel te' chi' d'a juntzan̈xo te te' te chaan̈ steel, aton vin̈ sreyal Asiria sch'oxcot te te' tic, ix yic' val chaan̈ sb'a vin̈.

Ez 31:10 ပူးပေါင်းရင်းမြစ်များ

2 Cr 25:19

Ach tic tzala, to x'ajx ganar eb' edomita o'oj, yuj cha, tza b'an̈n a b'a. Palta yel xo wach' tzach can 'a atut. ¿Tas yuj tza nib'j tzej cot junc yailal 'a eb'an̈, yet' 'a yib'n̈ chon̈b' Judá? xchi cot 'a Amasías.

2 Cr 32:25

Wach'xam a Ezequías caw niwn swach'l 'ix scha'aj, palta ma'ix yac' yuj diosal yuj jun tzo'n̈ cha, a yico' to 'ix yij chan̈ sb'a yet' snab'en. Yuj cha, 'ix cot yowl sc'ojl Jehová 'a 'a, an̈jtona yet' 'a eb' 'a Jerusalén yet' 'a jun tzo'n̈ xo eb' 'a Judá.

Pr 16:18

Toto tzqui b'an̈c qui b'a, tzon̈ 'ijxec 'ejmi; toto tzquijec chan̈ qui b'a, 'oj quijxec 'ejm 'a slajub'.

Pr 18:12

A b'an̈quinal, tzon̈ yijec 'ejmi, ax 'emmquilal tzon̈ 'ijxec chan̈ yu'uj.

Is 10:12

A yic tox xlajw 'el'ch 'icha tas nab'il yuj Dios 'a yib'n̈ tzaln Sión yet' Jerusalén, 'ixta to b'i'an, ax ya'n 'och syailal win sreyl Asiria cha. Yujto cob' xyij chan̈ sb'a, sb'an̈n sb'a yuj tas xlaj sb'o cha.

Ez 28:17

Yuj wal swach'l elxi, yuj cha, xa b'an̈n a b'a, yuj pax snib'jub'tacl elx cha, yuj cha, 'ix 'ixtx 'el a jelnal. An wal ach in jul 'ejm 'a sat lu'um, yic ach wa'n 'och ch'oxnb'ilal 'a eb' rey.

Ez 31:14

Man̈x 'a junc te te 'oj q'uib' 'icha jun tic, smasnil eb' te tzq'uib' 'a sti eb' a a cha, wach'xam 'aych yalil eb' te', palta man̈x 'a junc te 'oj 'ec' stel 'a eb' te yit tel cha. Smasnil eb' yajl 'a yolyib'n̈q'uinl to lajn snab'en 'icha jun te tic, 'ayx 'och chaml 'a yib'n̈ eb'. 'Oj cham eb' 'icha tz'aj scham eb' comn 'anma', ax s'atcn eb' 'a campusan.

Ez 31:3

'Oj ach in lajb'tzoc yet' junc te c'ute 'a Líbano. A te te cha, caw wach' yilx sc'ab' te', tzlaj yac' te yen̈l 'a eb' te yit tel 'a stz'ey cha, caw niwquil 'ajnc ste'il, 'ec'b'al stel 'a yib'n̈ jun tzo'n̈ xo te te cha.

Dn 4:14

Caw 'ip x'awj cha'an̈, xyaln 'ixtic: Ch'acc 'el jun te cha, tzu'c 'el sc'ab', tzeyi'n 'el xi'il, sactzicnac tzeyutj can 'at sat te'. 'At cab' e no calte'al noc' 'eloc, atn e no 'ayc' 'a yen̈l yich te', yet' e no ch'ic 'ayc' 'a sc'ab' te'.

Dn 4:30

'Ix yaln win 'ixtic: ¡'Iltec wal yilx niwquil chon̈b' Babilonia tic! An xin b'o yet' in jelnal, yet' wip xin b'oni, yic tzwa'n yajlil 'a 'a, sec a tzch'oxn 'eli, chajtlto caw niwn wel'chi, xchi winac.

Dn 5:20

Palta caw spitj sb'a yet' sb'an̈quinal, yuj cha, x'ijx 'ec' yopiso 'a sreyal, yet' sb'inab'ilal.

Abdías 1:3

A e b'an̈quintaquil a tzex 'ixtni, yujto axn̈ej 'a yoltc sjatlil eb' q'uen niwc tenam, ata 'ay eyet'ul, yet' pax 'a eb' lum jolmctac witz, yuj cha, xe nani to may junc mach tztac' ex ya'n lajwoc.

Mt 23:12

Tzann̈j eb' tzyij chan̈ sb'a, 'oj 'ijxoc 'ejm eb', ax eb' tzyij 'ejm sb'a, 'oj 'ijxoc chan̈ eb'.

Santiago 4:6

Yuj cha, yel xo niwn swach'c'ojlal tzyac' 'ayn̈ec. A Ch'an̈ U'un̈ tzaln pax 'ixtic: A Dios tzchac sb'a yet' eb' b'an̈quintac yeq'ui. Palta ax 'a eb' 'emmquilal yeq'ui, tzyac' swach'c'ojlal 'a eb', xchi.