Ez 30:4 - Chuj San Sebastian Bible

⁴ 'Oj 'och owl 'a Egipto, til wal 'anma 'oj cham yuj owl cha, ax yijx 'ec' smasnil sricoal. 'Oj ma'xoc can 'ejm smuroal, masnto 'aj 'ay yipnub'al yich. A yuj cha, ax xiw chan̈ eb' 'aj Etiopía.

Chuj San Mateo Bible

⁴ Ol javoc oval d'a Egipto. Axo Etiopía ol ib'xocq'ue yuj xivelal. A d'a jun c'ual chi', tzijtum eb' aj Egipto chi' ol miljocchamoc, ol ic'jocb'at sb'eyumal eb'. Ol mac'joquem vecnaj Egipto chi' masanto d'a yipumal yich.

Ez 30:4 ပူးပေါင်းရင်းမြစ်များ

Is 16:7

Yuj wal cha, smasnil eb' 'aj Moab 'oj 'oc' eb' yuj snacion̈ cha, ax scus eb' smasnil yuj te tacn̈ sat uva tzcot 'a Kir-hareset 'a pecti'.

Is 18:1

¡'Oltac wal jun nacion̈ 'a 'aj toxn̈ej tzt'al-li sc'axl jun tzo'n̈ no cotc noc'! Atn jun nacion̈ 'ay 'a sti 'ec' a niwn a yic Etiopía.

Is 19:2

Yuj cha, xyaln Jehová 'ixtic: 'Oj wac' spoj sb'a eb' 'aj Egipto cha, ax laj ya'n junjn eb' owal: A eb' swach'c'ojl sb'a, 'oj yac' eb' owal; ax eb' chon̈ab', 'oj yac' eb' owl yet' yit chon̈b'al, ax ya'n eb' yajl owl yet' eb' yit yajlil.

Is 20:3

Xlajw cha, xyaln pax Jehová 'ixtic: A win in checb' Isaías tic, 'oxe ab'il xb'eyc' 'a yic may xan̈b' 'aychi, jitn 'eli, cojn yojl spichl 'aychi yic x'eq'ui; a jun tic, ch'oxnb'il yaj 'a eb' 'aj Egipto yet' 'a eb' 'aj Etiopía.

Jeremías 46:9

Ex 'aj Egipto, 'a'c 'ip e 'at yet' e chej, 'ijec 'at jun tzo'n̈ e caruaje. 'At cab' jun tzo'n̈ eb' soldado 'aj Etiopía eyet'oc, yet' eb' 'aj Libia, yi' cab' eb' syamc'ab' tzmacn sat jul-lab'. 'At cab' pax eb' soldado 'aj Lidia, yujto caw jeln eb' sjulwji.

Jeremías 50:15

'A'c 'el eyaw yic owl 'a smasnil spatquil 'el chon̈ab': Wan yejm Babilonia, wan stelw jun tzo'n̈ storreal, wan sma'x 'ejm lan̈chjoc smuroal, xe chi. An Jehová in tic, stiempoal xo in pacn in b'a 'a Babilonia. Pacc e b'a pax 'a ax tic, 'icha wal x'aj jun tzo'n̈ xo nacion̈ yu'uj, 'ixta wal pax tzeyutej.

Ez 28:23

'Oj wa' cot yab'il 'a yib'n̈ eb' 'anma', ax sb'ey chic' 'a yol caye. Til wal 'aj 'oj cot eb' 'a'm owl cha, ax scham eb' 'anma chi smasnil. 'Ixta to b'i'an, ax yojcan 'el eb' to an ton Jehová in.

Ez 29:12

A Egipto cha, 'oj wa'cn 'och 'a cusltac lumal 'icha 'ajnc jun tzo'n̈ xo nacion̈ slajw 'eli. Chawinc ab'il 'oj satcn 'ejm jun tzo'n̈ a chon̈b' cha, 'icha jun tzo'n̈ xo chon̈b' lan̈chjnac can 'ejmi. A eb' 'aj Egipto cha, 'oj wac' sactzic can 'at eb' 'a scal jun tzo'n̈ xo nacion̈ 'a sat lum lum tic.

Ez 29:19

Yuj cha, an Jehová in, an tzwal 'ixtic: An 'oj wac' lum Egipto 'a yol sc'ab' win Nabucodonosor cha, a win 'oj 'i'noc 'ec' smasnil tas 'ay ta', ax stojn win eb' soldado yet' jun tzo'n̈ cha.

Ez 29:8

Yuj cha, an Jehová in, an tzwal 'ixtc 'aych ach sreyl Egipto: An 'oj ach wac' satl yet' a chon̈b' yuj owal, til wal 'anma 'oj chamoc, ax scham pax no noc'.

Ez 38:5

A 'a scal eb' cha, ata 'aych eb' soldado yic Persia, eb' yic Etiopía yet' eb' yic Libia. A jun c'aj eb' soldado cha, yet'n̈j eb' syamc'ab' tzmacn sat jul-lab', q'uen xumpiln c'oxb'il yuj eb'.

Dn 11:43

'Oj 'ijxoc 'at smasnil sricoal Egipto chi yu'uj, 'icha q'uen oro, q'uen plata, yet' jun tzo'n̈ xo q'uen q'uen caw chan̈ stojol. 'Oj 'ijxoc pax 'ec' chon̈b' Libia yet' chon̈b' Etiopía yu'uj.

Sofonías 2:12

An̈jtona ex 'aj Etiopía, 'oj e lajw pax yuj yespada Jehová, ax e chami.