Ez 3:7 - Chuj San Sebastian Bible

⁷ Palta a eb' et israelal cha, ma'oj snib'c eb' yab' tas 'oj ala', yujto matz nib'j xon eb' yab' tas tzwala. A smasnil eb' et chon̈b' cha, caw wal pit eb', caw tzatz pax snab'en eb'.

Chuj San Mateo Bible

⁷ Palta a eb' etchon̈ab' chi' jun, man̈ ol schalaj yab' eb' d'ayach, yujto malaj sgana eb' schaan yab' tas svala', yujto te pit syutej spensar eb'.

Ez 3:7 ပူးပေါင်းရင်းမြစ်များ

Is 3:9

A sat eb' 'anma chi tzch'oxn 'eli to b'an̈quintac eb', tzch'oxn 'el eb' to 'ay smul eb' 'icha eb' 'aj Sodoma, toc tzq'uixw eb' sb'on 'a sat 'anma'. 'Oltac wal eb', mun wal tzyij cot eb' yailal 'a yib'an̈.

Is 48:4

Yujto wojtac to caw wal pit ex, matz eyij 'ejm e b'a, matz ex q'uixw pax jab'oc.

Jeremías 3:3

Yuj wal e mul cha, x'och wan ya'n n̈ab' 'a stiempoal. Caw lajn yilx 'och e sat 'icha junc 'ix 'ajmul 'ix. ¡Caw matz eyec q'uixwc e b'a!

Jeremías 44:16

—An̈ tic, ma'oj qui yiclc spaxti Jehová 'ix al 'ayn̈ tic.

Jeremías 5:3

'Ix waln 'a 'ixtic: Mamin, a wal mach tza sayq'ui, atn wal eb' 'anma caw yeln̈j tas tzyala. 'Ix a'ch wal yailal 'a yib'n̈ eb' a chon̈ab', palta may jac yel'ch 'a sat eb'. Xlaj a'ch syailal eb', palta ma'ix nachj 'el yuj eb'. Yel xo wal pit snab'en eb', 'ec'b'al stzatzl snab'en eb' 'a yib'n̈ q'uen q'ue'en. Ma'ix snib'j xon eb' xyactjcan stu b'eyb'al, xin chi.

Jeremías 6:10

In ta'w 'ixtc 'a 'a: ¿Mach 'ajtil 'oj wala', sec 'oj yab' jun 'ab'x 'oj wal 'a tic? Mamin, 'icha wal to macn schicn eb', caw matz yab' eb'. Ton̈j tzb'uchwj eb', matz chaj sc'ojl eb' a paxti'.

Jeremías 6:17

'Ix wa'n 'och jun tzo'n̈ eyilmal, 'ix waln 'ayx 'ixtic: Macljec eyab' 'aj 'oj 'utz'xoc q'uen trompeta yuj jun tzo'n̈ eyilmal cha, xin chi. Palta 'ix eyaln 'ixtc 'ayin: Ma'ay, matz yal qui c'ojl tzcab'i, xe chi.

Jeremías 7:27

Ach xo tic Jeremías, al smasnil jun tzo'n̈ tic 'a eb', wach'xam ma'oj scha eb' yab' 'ayach.

Ez 2:4

An tzach in checb't 'a eb' 'anma caw pit sjolom, eb' caw tzatz snab'en. Tzal 'a eb' 'ixtic: 'Ixtc wal xyutj Jehová Cajlil yaln eyu'uj, xa chi 'a eb'.

Ez 24:7

Yujto a jun chon̈b' cha, b'on̈xnac 'el yuj chic', man̈oc 'a sat lum tz'emi sec matz tup 'ejm 'a scal pococ. Palta to yib'n̈ q'uen tz'ejm can chic' cha.

Ez 3:6

Man̈oc 'a jun tzo'n̈ nacion̈ caw niwn sb'isl 'aj tzach in checb'ti. A jun tzo'n̈ nacion̈ chucchc til tzyala, 'ajltac snachj 'el tas tzyal eb', ma'oj ab' tas tzyal eb' cha. Q'uinloc pax a 'a jun tzo'n̈ chon̈b' chi tzach in checb't pax jun, tecn yajn̈ej ax schan eb' chi yab' 'ayach.

Ez 3:8

An xo tic, an 'oj wac' a te'nal 'a yojltac eb', ax wa'n tzatzb'oc a nab'en yil eb'.

Zacarías 7:11

Palta ma'ix yal sc'ojl eb' chon̈b' chi syiclej. Chuc 'aj q'ueln can 'at eb' smasnil, 'icha to chacn̈ xyutj sb'a eb'.

Zacarías 7:12

Caw pit xyutj eb' snab'en, 'icha stzatzl q'uen yax q'ue'en, sec wach' matz chaj eb' yab' cuynb'il yet' checnb'il 'ix wal 'a eb', atn jun tzo'n̈ yaljnac 'el eb' in checb' yuj Wespíritu 'a yic pecti'. Yuj cha, caw niwn xcot yowl in c'ojol.

Lc 10:16

'Ix yaln pax 'a eb' scuywum 'ixtic: —A mach tzchan 'ab'noc 'ayex, tzyal 'el'chi, 'a 'ayn tzchaj eb' yab'i'. Ax eb' tzex patquiln can 'eli, tzyal 'el'chi, an tzin spatquilj can 'el eb'. A eb' tzin patquiln can 'el cha, tzyal 'el'chi, a Dios checjnacn coti, a tzpatquilj can pax 'el eb', xchi Jesús 'a eb'.

Lc 13:34

Ax wal tic ex 'aj Jerusalén, caw tzlaj e mil cham eb' schecb' Dios. Ax jun tzo'n̈ xo eb' tzchecx cot yuj Dios 'ayex, ton̈j tzlaj e jul cham eb' yet' q'uen q'ue'en. Til xo wal 'ejm tzex wawtj cot 'ayin, 'icha junc caxtiln̈ tzyawtj cot yune', tzmoyni. 'Ixta tzex wutej, palta toxn matz yal e c'ojol.

Lc 19:14

Ax eb' yit chon̈b' win cha, caw tzchichn 'och eb' 'a winac. Yuj cha, tza'n x'at chawn̈ 'oxwn̈ schecb' eb'. X'at yalnoc eb' 'ixtc 'a ewin tz'a'n yopiso winac: A wal jun winc cha, caw wal matz yal qui c'ojl tz'och win yajloc 'a qui chon̈b' chi 'on̈, xchi eb'.

A Ch'an̈ B'ab'el Libro Samuel 8:7

'Ix ta'w Jehová 'a win 'ixtic: Chaj ab' tas tzyal eb' 'anma tic, yujto man̈oc ach tzach spatquilj can 'el eb', palta to a 'in, sec man̈xtzac wac' yajlil 'a yib'n̈ eb'.