Ez 3:20 - Chuj San Sebastian Bible

²⁰ An̈jtona', toto 'ay junc mach wach' xon sb'eyb'al, ax tz'aji tzjun 'el sb'eyb'al cha, an xo 'oj wa'ch syailal. Toto ach tic, ma'oj ac' sna sb'a yuj smul ax schami, a smasnil tas wach' xcob' sb'o 'a yaln̈tax cha, man̈x 'a yel'chi. Ax schamlil cha, eb'n̈ 'oj can wu'uj.

Chuj San Mateo Bible

²⁰ An̈ejtona', tato ay junoc mach vach' sb'eyb'al, palta syactejcan svach' b'eyb'al chi', sc'ulan chucal, a in ol in cha svach' c'ulej chucal chi' masanto schami. Tato a ach tic max a cacha', tato schami, a tas vach' sc'ulejnac d'a yalan̈tax chi' man̈xalaj yelc'och d'a vichan̈, ol cham yuj smul chi', palta axo d'a ib'an̈ scan schamel chi' vuuj.

Ez 3:20 ပူးပေါင်းရင်းမြစ်များ

2 Cr 24:2

A smasnil tas sb'o Joás, caw tojl 'a sat Jehová ya' sb'a pitznto win Joiada cha.

2 Cr 25:15

Yuj jun cha, caw 'ix cot yowl sc'ojl Jehová 'a Amasías, 'ix schecn 'at jun schecb' 'a 'a, xyaln 'a 'ixtic: —¿Tas yuj ach 'och 'emmquilal 'a jun tzo'n̈ comn dios yic junc xo nacion̈, jun tzo'n̈ dios to matz tac' scoln 'el schon̈b' 'a yol a c'ab'? xchi.

Salmos 119:165

A eb' tzchamc'ojlan jun tzo'n̈ a cuynb'il tic, caw junc'ojlal yaj eb', yuj cha, may tas 'oj 'a'nc telwc eb'.

Salmos 125:5

Palta ax eb' tz'atcn 'a scal tu b'eyb'al, 'at cab' can eb' yet' eb' maysch'olnil sb'eyb'al chi 'a scal yailal. ¡'Ay cab' junc'ojlal 'a qui calc an̈ israel on̈c tic!

Salmos 36:3

Cojxn̈ej tu paxti'al tzyal eb', tzlaj ya'nc eb' 'es, tzyactn can eb' tas tojol, man̈xtzac snib'j eb' sb'o tas wach'.

Pr 25:12

'Icha wal q'uen colc'ab' mto q'uen ton̈ caw wach', to nab'a oro, 'ixta wal tennb'il tzyac' eb' jeln snab'en, toto tzqui chajec cab'i'.

Is 64:6

Qui masnil on̈, lajn quilx 'icha junc mach man̈ wach'c yaji. Smasnil tas wach' xlaj cob' qui b'o 'on̈, lajn xoj yilx 'icha junc nip yajb'entac yilxi. Yuj tas maysch'olnil xlaj qui b'o 'on̈, yuj cha, lajn on̈ xoj 'icha te xil te tzpucli, c'un xoj s'at yuj 'ic'.

Is 8:14

An xo tic 'oj woch a cajnub'oc 'a 'aj tztac' a coln a b'a. Palta a 'a eb' 'aj israel yet' 'a eb' 'aj Judá 'icha wal junc q'uen 'aj tztench eb' yoc, 'ixta 'oj waj 'a eb'. Yuj cha, ata 'oj yamchjoc eb' 'aj Jerusalén tic.

Jeremías 34:16

Xlajw cha, xe jeln e nab'en jun 'ejm xo, in e patquiln 'el paxi. 'Ix eya'n pural eb' e moso chi ex ya'n servil jun 'ejm xo, wach'xam cob' tox xeya'l eb' 'a libre.

Jeremías 6:21

Yuj cha, xyaln Jehová 'ayn 'ixtic: 'Oj wac' 'ejm junc tas 'aj 'oj stench eb' chon̈b' tic yoc, sec 'oj telwc eb' yu'uj. Eb' mamb'il, eb' 'unnab'il, eb' cajn 'a stz'ey eb', yet' eb' swach'c'ojl eb', lajnn̈ej 'oj 'aj scham eb' smasnil, xchi.

Ez 14:3

Ach 'anma', a wal jun tzo'n̈ winc xjaw 'aych tic, caw wal 'aych snab'en eb' 'a jun tzo'n̈ yechl comn dios, a maysch'olnil 'aj 'ix ya'ch eb' snab'en, a eb' cha, nab'a xoj tzwul sc'anb'c sb'a eb' 'ayin.

Ez 18:24

Palta a mach tojl xon sb'eyb'al, q'uinloc tzjuw 'el sb'eyb'al cha, ax smasnil tas yajb'entac tzb'o eb' maysch'olnil sb'eyb'al, a chi tzb'o'o, ¿tom 'oj to wac' sq'uinl jun 'anma chi tze na'a? Wach'xam niwn tas wach' 'ix cob' sb'o', palta man̈x 'oj in na cot jun tzo'n̈ cha, cojn to tzcham yuj smul cha.

Ez 18:26

A mach tojl xon sb'eyb'al, q'uinloc tzjuw 'el sb'eyb'al cha, a maysch'olnil tzb'eylb'ej, yuj cha, 'oj yi' cot chaml 'a yib'an̈.

Ez 3:18

A yic 'oj walnc 'a junc maysch'olnil snab'en 'ixtic: Wal yel 'oj a cham yuj a mul, 'oj in chic 'a 'a. Ach xo tic, toto ma'oj al yab'i', to tzyactj can stu b'eyb'al cha, sec tzyil jacx tiempo, a jun cha 'oj cham xon yuj smul cha, palta a schamlil cha, eb'n̈ tzcan wu'uj.

Ez 33:18

A mach wach' sb'eyb'al, ax tz'aji tzya'n 'och smul, a jun cha, yowlal tzchami.

Ez 33:6

Palta toto tzyil win 'ilwjum chi sjaw eb' 'ajc'ojl cha, matz yutz'j win strompeta cha, toto 'ay junc 'anma chi tzchami, 'oj cham jun 'anma chi yuj smul, palta yowlal 'oj wac' yowlal 'a win 'ilwjum cha.

Ez 7:19

'Oj sjul-l eb' q'uen plata mto q'uen oro 'a yol caye, man̈x 'a yel'ch 'oj yutc eb'. A q'uen plata cha, mto q'uen oro, ma'oj stac' scoln 'el q'uen junc mach 'a yol sc'ab' yowl in c'ojl an Jehová in. Ma'oj 'ec' swejl eb', ma'oj b'ut'joc pax sc'ojl eb' yuj q'ue'en, yujto a q'uen x'a'n 'ejm eb' 'anma chi 'a maysch'olnil.

Dn 9:18

Ach in Diosal, maclj wal ab' tas tzwal 'ayach. 'Ilt wal nab'n tzon̈ 'aji. 'Ix ma'x lan̈chjoc jun chon̈b' tzb'inaxi to ec yaji. Tzon̈ tew 'ayach, yujto cojtac to tz'o'ch a c'ojl 'ayon̈, man̈ yujoc qui wach'l 'a mun yol quico'.

Lv 19:17

Man̈ ex chichnoc 'a junc eyit 'anma'il. A eyico', to tze tenchwa'an, tzeya'n snab'enoc, sec man̈ locnoc ex 'a smul cha.

Sofonías 1:6

An̈jtona 'oj in satl pax eb' tzyij 'el snab'en 'ayin, atn eb' matz jaw 'ayn an Jehová in tic, yic tzwul sc'anb'noc eb' junc snab'en.

Mt 18:15

Q'uinloc 'ay junc eyit creyenteal tz'och smul 'ayex, tzex 'at e ch'ocoj, tz'at eyal 'a 'a, chajtlto x'och smul 'ayex. Toto tzchaj yab' 'ayex, tox 'ix eyac' ganar e montn jun eyit 'anmal chi tzyal cha.

Lc 2:34

Xlajw cha, 'ix sc'ann Simeón swach'c'ojlal Dios 'a yib'n̈ eb'. 'Ix yaln 'ixtc 'a María, atn snun Jesús: —'Ab'i, a jun tz'ulc 'unn tic checl xon yaji, to niwn eb' quit israelal 'oj somchjc 'el snab'en yu'uj. Niwn pax eb' 'oj b'o snab'en yu'uj. A 'oj ch'oxnoc tas tz'aj eb' scolchji, palta niwn eb' 'oj patquilnc can 'eli.

Lc 8:15

Palta ax jun tzo'n̈ 'in̈t x'emcn 'a 'aj 'ay syaxil lu'um, tzyal 'el'chi, 'ay eb' 'anma caw wach' tzyutj yab'n spaxti Dios 'a smasnil sc'ojol. Caw tzya'ch eb' 'a sc'ojl si'mb'il. Te'n tzyutj eb' snab'en, yuj cha, lajn eb' 'icha 'ixm trigo may xon tz'aj sjuwi, wach' tz'aj sc'anb' sjolom.

Ro 11:9

An̈jtona yaljnac can pax David 'ixtic: A wal jun tzo'n̈ sq'uin̈ eb' tzlaj ya'chi, meltzj cab' 'och 'a eb' 'icha junc ch'an̈ ya'al, juw cab' 'el eb' yu'uj. Telw cab' eb' yuj jun tzo'n̈ sq'uin̈ cha. 'Och cab' yailal spacc 'a eb'.

1 Co 1:23

Palta an̈ec xo tic, tzcalc 'el yab'xil Cristo, chajtlto xcham 'a spenc culus. A 'a sat eb' israel cha, may jac yopiso jun 'ab'x tic, ton̈j tzchichn 'och eb' 'a 'a. An̈jtona', yet' eb' man̈ israeloc, may jac yel'ch jun 'ab'x tic 'a sat eb'.

Dt 13:3

man̈ e cha eyab' jun tzo'n̈ chi 'a 'a. A Jehová qui Diosalec, a tzex 'a'n prowal, sec tzyila toto yel tze chamc'ojlej yet' smasnil e c'ojol, yet' smasnil e nab'en.

A Ch'an̈ Carta D'a Eb' Hebreo 10:38

Ax eb' tojl snab'en 'a in sat, pitzn eb', yujto tzin ya'ch eb' 'a sc'ojol. Palta toto tzmeltzj eb' 'a spatic, man̈x 'oj in tzalj yet' eb', xchi Dios 'a Ch'an̈.

A Ch'an̈ Carta D'a Eb' Hebreo 13:17

Caw tzeyiclj tas tzyal eb' tzex 'a'n cuenta. Yiclum tzeyutj e b'a 'a eb'. Yujto a eb' cha, wan ex stan̈wni eb'. Yojc eb', chajtlto 'oj yac' eb' scuenta 'a Dios. Wach' tzeyutj e b'a, sec tzalj eb' yiln jun munljel cha, sec matz cus eb'. Toto tzeyac' cus eb' yuj e tenmtaquil, caw man̈ wach'c eyico'.

A Sb'ab'el Carta San Pedro 2:8

Tzyaln pax junx tic 'ixtic: 'Icha junc q'uen 'aj tztench eb' 'anma yoc, tztelw eb' yu'uj, 'ixta 'oj 'aj 'a sat eb', xchi 'a Ch'an̈. Yujto 'ixta Cristo 'a sat eb' matz ya'ch sc'ojl 'a 'a. Ton̈j tzsomchj 'el eb' yu'uj, yujto matz yiclj eb' spaxti'. Yictax pecti', checl xon yaj eb', to 'ixta 'oj yutc sb'a eb'.

1 Jn 2:19

A eb' cha, x'el eb' 'a qui calec, palta man̈toc caw quitb'eymoc qui b'a yet' eb'. Octom caw quitb'eymec qui b'a yet' eb', to 'ixta', xcan eb' quet'ec. Palta 'ixta x'aj eb' yeli, sec tzcheclj 'eli, to man̈ quitb'eymoquec eb'.