Ez 28:24 - Chuj San Sebastian Bible

²⁴ Man̈x 'oj yab' eb' yin̈tl Israel syail yuj eb' nacion̈ 'a sla'nil cha, atn eb' 'icha q'uix yajch 'a eb' yuj schichnc'ojlal. 'Ixta to b'i'an ax yojcan 'el eb' to an Jehová Yajl in, xchi Dios, xa chi 'a 'a.

Chuj San Mateo Bible

²⁴ A juntzan̈ nación d'a slac'anil Israel, icha yaj te' q'uiix yaji. Syab' syail Israel chi' yuj b'aj schacjiel yuj juntzan̈ nación chi', palta a ticnaic man̈xa b'aq'uin̈ ol yab' syail Israel chi', icha chi' ol aj yojtacajeli to a inn̈ej Dios Yajal in, xchi Jehová, xa chi.

Ez 28:24 ပူးပေါင်းရင်းမြစ်များ

Is 35:9

A 'aj tz'ec' jun b'e cha, may no león cajn ta', may e no chiwjum noc' 'oj c'och 'a jun lugar cha. A 'a jun b'e cha, ata 'oj 'ec' eb' colb'ilx 'el yuj Jehová.

Is 55:13

A lum lum 'aj 'ay te q'ui'ix, a te c'u'taj 'oj q'uib'x 'a sat lum sjelc te'. Ax lum lum 'aj 'ay eb' te pechac, a te arrayán 'oj q'uib' sjelc te', atn jun tic 'oj in b'o an Jehová in, yuj yi'nb'ilc chan̈ in b'i, to 'oj in nax cot yuj 'a smasnil tiempo, xchi Dios.

Jeremías 12:14

'Ix yaln Jehová yuj jun tzo'n̈ nacion̈ caw wal maysch'olnil cajn 'a stz'ey chon̈b' Israel, eb' x'i'n 'ec' lum lum xyac' Jehová smacloc eb' israel, atn eb' schon̈ab', 'ix yaln 'ixtic: An 'oj wi'l eb' 'a sat slu'um, 'icha 'ix wutj wi'n 'el eb' 'aj Judá.

Ez 2:6

Ach 'anma', man̈ ach xiw yuj tas 'oj yal eb' 'ayach, wach'xam 'oj yoych sb'a eb' 'aych 'icha te q'ui'ix, mto 'icha to scal no sinan 'aych 'ec' tzela, man̈ ach xiw xon yuj tas 'oj yal eb' 'ayach, yujto caw pit xon eb'.

Ez 28:23

'Oj wa' cot yab'il 'a yib'n̈ eb' 'anma', ax sb'ey chic' 'a yol caye. Til wal 'aj 'oj cot eb' 'a'm owl cha, ax scham eb' 'anma chi smasnil. 'Ixta to b'i'an, ax yojcan 'el eb' to an ton Jehová in.

Ez 28:26

Caw tzaljc'ojlal 'oj canx eb' 'a yol schon̈ab', may tas 'oj sna eb'. 'Oj sb'ox chan̈ eb' yatut, ax laj ya'nc pax 'ejm eb' yawb'ente'. An 'oj wa'ch syailal smasnil eb' tzchichn 'och 'a eb', ax yojcan 'el eb' to an Jehová in, sDiosal in eb', xchi 'ayin.

Ez 39:28

An xwa't eb' 'icha presoal 'a jun tzo'n̈ nacion̈ cha, an pax 'oj wi'x cot eb' jun 'ejm xo 'a sat slu'um. May wal junc eb' 'oj wactcan 'a jun tzo'n̈ nacion̈ cha, sec 'oj yojcoc 'el eb' to an Jehová in, sDiosal in eb'.

Miqueas 7:4

A mach wach' to wal 'a scal eb', lajn wal 'icha te q'ui'ix. A mach tojl to wal tas tzb'o'o, lajn wal 'icha te cacwq'ui'ix. Palta jun, caw la'n xoj sjaw sc'ual yic 'oj 'ajxoc 'och yailal 'a yib'n̈ eb' yuj Dios, 'icha x'aj yaln 'el eb' schecb' yu'uj. Cojxn̈ej somc'ojlal 'oj niwtjoc chan̈ 'a scal eb' 'anma cha.

Nm 33:55

Palta toto ma'oj e pechl eb' 'anma chi 'a sat lum lum cha, toto 'oj laj can eb' eyet'oc, caw 'oj ex yixtc eb'. 'Icha tzyac' junc c'alem tz'at 'a yol e sat, mto 'icha tzyac' te q'uix tzcan 'a e niwnal, 'ixta 'oj ex yutc eb', 'a yic 'oj e can cajn 'a lum lum cha.

2 Co 12:7

A jun tzo'n̈ tas ch'oxb'il 'ayn 'a satchan̈ cha, yel xo wal niwn yel'chi. 'Ay smay in b'an̈n in b'a yu'uj. Yuj cha, 'ay jun yailal 'ajxnac 'ayn yuj win Satanás, sec tzin yixtej. A jun cha, caw lajn 'icha junc niwquil q'uix tztecx 'och 'ayin. 'Ixta 'ajnc in, sec matz in b'an̈ in b'a.

Josué 23:13

eyojc xon wal b'i'an, to a Jehová man̈x 'oj yi'l jun tzo'n̈ eb' 'anma chi 'a e cal. 'Oj sc'anlb'oc eb' 'icha junc ch'an̈ ya'al sec tzex 'em yuj eb'. 'Icha no tz'um tz'och 'a yich e patic, 'icha pax te q'uix tz'at 'a yol e sat, 'ixta 'oj ex yutc eb', masnto 'oj e satl 'a sat lum lum caw wach' 'ix yac' Jehová Dios 'ayn̈ec.

Apoc 21:4

Man̈x 'oj scha 'oc' eb'. A wal ta', man̈x 'a chamel, man̈x 'a 'oq'uel, man̈x 'a cusc'ojlal, man̈x 'a pax yailal. Yujto jantcn̈ej tas 'ay 'a yic yalan̈, 'e'nc xo, xchi.

Jueces 2:3

Yuj cha, tzwaln pax 'ayx ticnec: Ma'oj wi'l eb' chon̈b' chi 'a eyojltac. 'Oj 'och eb' 'ajc'ojlal 'ayex; ax sdiosal eb', 'icha ya'al, 'ixta 'oj 'ajcn eb' 'ayex, xchi 'a eb'.