Ez 28:22 - Chuj San Sebastian Bible

²² Al 'ixtc 'a 'a: To an Jehová in, an tzwal 'ixtic: An tzwal 'aych ach Sidón to tzin 'och 'ajc'ojlal 'ayach. O'oj ax in yi'n chan̈ jun tzo'n̈ xo chon̈b' yuj tas 'oj ach wutoc, ax yojcan 'el eb' to an ton Jehová in, to cojn in ton Dios in, a yic 'oj in b'eyc'ojlanc eb', ax scheclj chan̈ in poder 'a scal eb'.

Chuj San Mateo Bible

²² Tzalan icha tic: A Dios Yajal tz'alan icha tic: A in svala' to ay in och ajc'olal d'a chon̈ab' Sidón. Ol laj in ic'jocchaan̈ d'a scaltac nación yuj tas ol in c'ulej d'ay. Ayic ol vac'anoch syaelal chi', ol checlaj snivanil velc'och d'a scal eb', ol ojtacajeloc to a inn̈ej Jehová Dios in.

Ez 28:22 ပူးပေါင်းရင်းမြစ်များ

Salmos 83:17

Q'uixw cab' can 'el eb' 'a smasnil tiempo, cham cab' eb' 'a scal q'uixwc'ojlal,

Salmos 9:16

Mamin Jehová, ach 'ojcax 'el yuj tas wach' tza b'o'o. Mun tzyalej sb'a eb' tzb'on maysch'olnil.

Ex 14:17

Ax wa'n pax pitb'oc 'el snab'en eb' 'aj Egipto cha, ax cob' yochx tza'n eb' eyuj snani, atn wal ta 'oj in ch'oxn in poder 'a win rey, 'a eb' soldado, 'a smasnil jun tzo'n̈ caruaje, 'a smasnil no chej yet' pax 'a smasnil eb' 'anma ajun yet' winac.

Ex 14:18

At wal yic 'oj lajwc 'ejm eb' wuj smasnil, 'ixta to b'i'an, ax yojcan 'el eb', to an Jehová in cojn in ton Dios in, xchi Dios.

Ex 14:4

An xo 'oj wa'x pitb'oc 'el snab'en win chi jun 'ejm xo, sec 'oj 'ochx tza'n win eyu'uj; 'ixta wal 'oj wutc in ch'oxn in poder yuj tas 'oj in b'o 'a 'a, yet' 'a eb' soldado. Ax eb' 'anma 'aj Egipto cha, 'oj yojcoc 'el eb', to an Jehová in cojn in ton Dios in, xchi Dios. Yuj cha, 'ix meltzj eb' israel jab'x 'a spatic.

Ex 15:21

'Ix b'itn 'ix 'a yojltac eb' 'ix 'ixtic: B'itncoyec, qui'c chan̈ sb'i Jehová, yujto caw satjub'tac yilx xyutj ya'n ganar owal. 'Ix mucchj can 'ejm no chej 'a yol a', yet' smasnil eb' 'anma 'ay q'ue 'a yib'n̈ no', xchi María 'a sb'it.

Ex 9:16

Palta mantzac ach in satli, sec wach' 'oj checljoc 'el in poder yuj tas 'oj ach wutoc. Ax eb' 'anma 'a yolyib'n̈q'uinl tic, c'uxn 'oj laj yab' eb', to caw niwn wel'chi.

Is 23:4

Q'uixwan̈c ex 'aj Sidón, ex to b'inab'il e chon̈b' 'a sti' a mar yuj e jelnal. 'Oj e q'uixw 'el 'icha junc 'ix 'ix may xon yune'.

Is 37:20

Ax ticnec jun Mamin Jehová qui Diosal on̈, coln̈ 'el 'a yol sc'ab' jun rey cha, sec tzyojquej 'el smasnil nacion̈ 'a yolyib'n̈q'uinl tic, to cojxn̈ej ach Jehová Dios ach, xchi Ezequías 'a slesal.

Jeremías 21:13

Ex 'aj Jerusalén, caw chan̈ eyajb't 'a lum pan̈n 'a'lic, 'icha junc niwquil tenm 'a lum pan̈n 'a'lic cha. An Jehová in, an tzwala, 'ay yowl in c'ojl 'ayex. Ax tic, tzeyal 'ixtic: ¿Mach wal 'oj stac' ya'n owl quet'oc? ¿Mach wal 'oj stac' sq'uel 'a 'aj tzqui col qui b'a tic? xe chi.

Jeremías 50:31

An Jehová in, tztac' wuj smasnil, an tzwal 'ixtic: Ex 'aj Babilonia, caw 'ajc'ojl wajch 'ayx ticnec, yujto caw b'an̈quintac tzeyutj e b'a. A ticnec, 'ix c'och sc'ul sjaw yailal 'a eyib'an̈.

Ez 20:41

A yic tox ex wij 'elt 'a jun tzo'n̈ nacion̈ cha, yet' 'a jun tzo'n̈ chon̈b' 'ajtil sactzicnac eyajcn 'at ticnec, ata 'oj in ch'ox eyila', to niwn wel'ch 'a e sat yet' 'a sat jun tzo'n̈ xo nacion̈. 'Oj ex in cha 'icha junc incienso to su'q'ui sjab'.

Ez 21:3

Al yab' eb' to an Jehová in, an tzwal 'ixtc 'a yib'n̈ eb': An tzwala, to tzin 'och 'ajc'ojlal 'ayex. 'Oj wic' q'uet wespada 'a yol yet'ul, ax in miln cham eb' 'anma wach' snab'en yet' eb' maysch'olnil sb'eyb'al. 'Oj 'el yich scham eb' 'anma 'a stojlal sur masnto 'oj c'och scham eb' 'a stojlal norte.

Ez 26:3

Yuj cha, an Jehová Yajl in, an tzwal 'ixtic: Ach Tiro, a ticnec tox in 'och 'ajc'ojlal 'ayach. An tzwala ax yoch pax jun tzo'n̈ xo nacion̈ 'ajc'ojlal 'ayach, 'oj cot eb' 'aych 'icha sq'ue wan b'alb'noc yib'n̈ a mar yuj 'ic'.

Ez 29:10

Atn yuj cha, tzin 'och 'ajc'ojlal 'aych yet' a a cha. 'Oj 'ochcn a chon̈b' 'a cusltac lumal, caw 'ay xoj smay yilx 'oj 'ajcni. 'Oj 'el yich 'a Migdol, ax sc'och 'a Asuán, masnto 'oj c'och 'a smon̈jonal Etiopía.

Ez 29:3

Al 'ixtc 'a 'a: To an Jehová in, an tzwal 'ixtic: Ach rey, an tzin 'och 'ajc'ojlal 'ayach, yujto 'ix cob' ala to ach b'ojnac a niwn a Nilo, xcob' a macn 'ec' a eco'oc yuj a wach'loc, palta lajn 'ach 'icha junc no niwquil noc' b'aln 'ec' 'a yojl 'a niwc a'.

Ez 30:19

'Oj wa'ch wal yailal 'a yib'n̈ eb' 'aj Egipto, 'ixta to b'i'an ax yojcan 'el eb', to an Jehová in, to cojn in ton Dios in, xchi Dios.

Ez 36:23

E mul eyujoc in sb'uchn jun tzo'n̈ nacion̈ cha, palta a yic 'oj in b'onc 'icha tas nab'il wuj 'a eyib'an̈, ata 'oj in ch'ox wal yil eb' nacion̈ cha, to caw niwn wel'chi, ax yojcan 'el eb', to an Jehová in, cojn in ton Dios in.

Ez 38:16

'Oj cob' ac' owl yet'oc, caw 'oj och oyn 'a in chon̈ab', 'icha tzyac' 'asn tz'och oyn 'a lum jolmctac witz. A 'a jun tiempoal cha, 'oj ach wi' cot 'a sat in lum cha, sec 'oj yil jun tzo'n̈ xo nacion̈ tas 'oj ach wutc ach in satn 'eli, ax yojcan 'el eb' to cojn in ton Dios in.

Ez 38:23

'Ixta wal 'oj wutc in ch'oxn in poder yet' in jelnal 'a sat jun tzo'n̈ nacion̈ 'oj 'ilnoc jun cha. 'Ixta to b'i'an, ax yojcan 'el eb' to an Jehová in, to cojn in ton Dios in, xchi Dios.

Ez 38:3

Al 'a winac, chajtlto an Jehová in, an tzwal 'ixtic: Ach Gog, sat yajl aj 'a Mesec yet' 'a Tubal, palta an tzwala, to 'ajc'ojl xo wajch 'ayach.

Ez 39:13

Smasnil israel 'oj colwjoc eb' smucn eb' chamnc 'anma cha. An Jehová in an tzwala. To caw wal 'oj naxoc cot jun c'u chi yuj in chon̈ab', yujto ata 'oj in ch'ox 'ilxoc in poder 'a scal eb'.

Ez 5:8

Yuj cha, an Jehová Yajl in, an tzwal 'ixtic: 'Oj woch 'ajc'ojlal 'ayex, q'ueln 'och jun tzo'n̈ xo nacion̈ 'ayex, ax wa'n 'och eyailal.

Lv 10:3

Xlajw cha, xyaln Moisés 'a Aarón 'ixtic: —Yuj jun tic, x'el'ch tas yaljnac Jehová 'ayin yic yaln 'ixtic: A eb' tzin 'a'n servil, yowlal 'ay cab' wel'ch 'a sat eb'. 'Oj in ch'oxli to niwn wel'ch 'a smasnil eb' israel, xchi Dios, xchi Moisés. Ax Aarón man̈x 'a tas 'ix yala.

Nahúm 1:6

May junc mach tztac' ste'wtzan sb'a 'a yowl sc'ojl Dios. May mach tztac' stenn 'och wa'an. A yowl sc'ojl cha, caw lajn sn̈ilchj 'icha te c'ac', tzpoj q'uen niwc tenm 'a yojltac.

Nahúm 2:13

A Jehová tztac' yuj smasnil, a tzaln 'ixtic: 'Ayn 'och wal 'ajc'ojlal 'ayx ex 'aj Nínive. 'Oj wac' n̈usxoc jun tzo'n̈ e caruaje yic owal, ax wa'n can 'och tab'il. 'Oj in mil cham smasnil eb' e soldado, ax in satn can 'el smasnil tas 'elc'b'il cot eyu'uj. Man̈x 'a 'aj ow 'oj yutc paxtinc sb'a eb' e checab', xchi Dios.

Nahúm 3:5

A Jehová tztac' yuj smasnil, a tzaln 'ixtic: Ex 'aj Nínive, caw 'ajc'ojl wajch 'ayex, 'oj in ch'oxl e q'uixwel 'a sat smasnil eb' chon̈ab', 'icha wal tz'aj yijx 'el spichl junc 'ix 'ajmul 'ix 'a sat eb' chon̈ab', yuj sch'oxx 'ilxoc sq'uixwelal,