Ez 28:14 - Chuj San Sebastian Bible

¹⁴ Ach querube, an wa'jnacch 'och 'a opiso stan̈malc jun lum tzaln to wicn̈ej yaji, ax 'a scal jun tzo'n̈ q'uen q'uen tzictzni yilxi, ata ach b'eyq'ui.

Chuj San Mateo Bible

¹⁴ Ach querube, a in ix vac' opisio och a tan̈vej jun tzalan to vic yaji, a in ach vac'q'ue ta'. D'a scaltac q'uen q'ueen copopi yilji ix ach b'eyeq'ui.

Ez 28:14 ပူးပေါင်းရင်းမြစ်များ

Ex 30:26

Tzlajw cha, tza tzicn 'och jun perjuma chi 'a yib'n̈ jun tzo'n̈ tic: Mantiado 'a 'aj tzin chaj in b'a eyet'oc, te scaxail in trato, te mexa yet' syamc'ab'il, jun yet'l cantil yet' syamc'ab'il, jun yet'l xajmb'al yic incienso, yet'l xajmb'al 'aj tz'ajx tz'a no xajmb'al yet' syamc'ab'il smasnil, q'uen palagan yet' sb'achnub'al yalan̈.

Ex 40:9

Tzlajw cha, tze'n cot jun perjuma to wicn̈ej yaji, tza tzicn 'och 'a yib'n̈ in cajnub', tza tzicn 'och pax 'a yib'n̈ smasnil tas 'ay 'a yojol. 'Ixta wal tzotj a'n can 'och yopiso yet' smasnil syamc'ab'il, yujto wicn̈ej tz'ajcni.

Ex 9:16

Palta mantzac ach in satli, sec wach' 'oj checljoc 'el in poder yuj tas 'oj ach wutoc. Ax eb' 'anma 'a yolyib'n̈q'uinl tic, c'uxn 'oj laj yab' eb', to caw niwn wel'chi.

Is 10:15

'Iltec nab'an, ¿tom a junc ch'acb' 'ec'b'al yel'ch 'a yib'n̈ mach tzc'anlb'ani? ¿Tom a junc serrucho 'ec'b'al yel'ch 'a yib'n̈ mach tzmunlj yet'oc? A junc c'ococh, nab'a ten̈ej, ¿tom a te tz'a'n 'ib'xc junc 'anma tzc'anlb'an cha?

Is 10:6

A win tzin checb't mu'c 'a junc nacion̈ may wel'ch 'a sat, atn 'a eb' chon̈b' tzuntzj cot wowal, tzya'n owl yet' junc nacion̈ cha, tzyi'n can 'ec' tas 'ay 'a eb' 'anma', tzte'n can 'ejm junc nacion̈ chi 'icha ste'x can 'ejm lum b'i'ch 'a yol caye.

Lm 2:1

Caw wal niwn yowl sc'ojl Cajlilec 'a yib'n̈ Sión, caw wal wach' yilx cob' jun chon̈b' cha, palta caw 'ix q'uic'b' 'eli. A swach'l yilx chon̈b' Israel, may junc xo lajn swach'l yilx yet'oc, ax Cajlilec 'ix 'a'n lajwc swach'l yilx cha. Man̈x 'ic sna cot yuj yowl sc'ojl cha, toto 'icha sb'achnub' yoc yaji.

Ez 10:18

Xlajw cha, 'ix 'elx stzictznil Jehová 'a yib'n̈ sjolm puerta, 'ix c'ochx can 'a yib'n̈ sjolm eb' querubín cha.

Ez 20:40

An Jehová Yajl in, an tzwal 'ixtc 'a smasnil eb' israel: A lum niwquil tzaln wic yaj 'a chon̈b' Israel, ata 'oj wul eya'x 'ejm e b'a 'ayin. 'Oj ex in cha ta', 'oj in c'an jun tzo'n̈ ofrenda 'ayx ta', ax eyi'n cot sb'ab'l sat tas 'awb'il eyu'uj, yet' smasnil tas to wic xon yaji.

Ez 28:13

A 'a scal te 'awb'ente 'a Edén, ata 'e'nc ach cajan, ax jun tzo'n̈ q'uen wach' yilxi, a eb' 'aych yelwnub'loc a pichul, atn eb' q'uen tic: Q'uen rubí, q'uen crisólito, q'uen jade, q'uen topacio, q'uen cornalina, q'uen jaspe, q'uen zafiro, q'uen granate yet' q'uen esmeralda. Ax tas yamjnac jun tzo'n̈ q'uen cha, nab'a oro. A jun tzo'n̈ tic lista xon yaj eb' yictax ach in b'on cani.

Ez 28:2

Ach 'anma', al jun tzo'n̈ tic yab' win sreyl Tiro: To an Jehová Yajl in, an tzwal 'ixtic: Caw wal tzcob' a b'an̈ a b'a yet' a nab'en, tzaln 'ixtic: An tic dios in, 'ay wopiso 'a yib'n̈ a mar tic, an tzwac' yajlil 'a eb' chon̈b' tic 'icha junc dios, xcob' a chioc. Palta 'anma achn̈ej, man̈ ach diosoc, wach'xam tzcob' a na'a to jeln ach 'a yib'n̈ junc dios, palta may tas tztac' o'oj.

Dn 4:35

Qui masnil an̈ cajn on̈c 'a sat lum lum tic, caw may jac quel'chec 'a sat. Tzb'o tas tznib'j sb'o 'a scal eb' 'ayc' 'a satcha'an̈, yet' 'a qui cal an̈ cajn on̈c 'a sat lum tic. May junc mach tztac' stenn 'och wa'an, yic tzyaln 'a 'ixtic: ¿Tas yuj 'ixta tza b'o'o? man̈ xchic 'a 'a.

Jn 11:51

A win Caifás cha, man̈ munoc xnachj 'el jun chi yu'uj, xyaln jun cha. Palta yujto sat ya'mal 'och sti eb' israel yaj win 'a Dios 'a jun ab'il cha, yuj cha, a 'a win 'ix sch'ox Dios, to 'oj cham Jesús sjelc eb' israel smasnil.

2 Ts 2:4

A jun cha, 'oj yac' owl yet' Dios. 'Oj chichnoc pax 'och 'a jantcn̈ej tas tzalx 'och diosal, yet' 'a jantcn̈ej tas 'aj tzyal sb'a eb' 'anma'. 'Oj 'em wocn 'a yol yatut Dios, ax yaln 'och sb'a Diosal.

Apoc 18:16

'Oj laj yal eb' 'ixtic: ¡'Ay, 'ay, 'oltac wal jun niwquil chon̈b' tic! Lajn 'icha junc 'ix caw a'ijn cob' spichl 'aychi. 'Ay q'uic'mucnac, 'ay chac. Til wal q'uen oro 'aych 'a 'a, 'aych pax jun tzo'n̈ xo q'uen chan̈ stojol, yet' jun tzo'n̈ perla sb'i.

Apoc 9:17

'Icha waychil xwutj wiln schej eb' cha. A eb' 'ay q'ue 'a yib'n̈ no chej cha, 'aych q'uen 'a sn̈i sc'ojl junjn eb', 'ay chac, ya'ax, yet' c'an. Ax sjolm e no schej eb' cha, lajn 'icha sjolm no león. Ax 'a sti e no', ata x'elt c'ac', tab', yet' azufre.