Ez 28:13 - Chuj San Sebastian Bible

¹³ A 'a scal te 'awb'ente 'a Edén, ata 'e'nc ach cajan, ax jun tzo'n̈ q'uen wach' yilxi, a eb' 'aych yelwnub'loc a pichul, atn eb' q'uen tic: Q'uen rubí, q'uen crisólito, q'uen jade, q'uen topacio, q'uen cornalina, q'uen jaspe, q'uen zafiro, q'uen granate yet' q'uen esmeralda. Ax tas yamjnac jun tzo'n̈ q'uen cha, nab'a oro. A jun tzo'n̈ tic lista xon yaj eb' yictax ach in b'on cani.

Chuj San Mateo Bible

¹³ A d'a Edén, d'a jun avb'en yic Dios, ata' ach eq'ui. Elvanub' yaj q'uen q'ueen man̈xo jantacoc svach'il yilji: Aton q'uen rubí, q'uen crisólito, q'uen jade, q'uen topacio, q'uen cornalina, q'uen jaspe, q'uen zafiro, q'uen granate yed' q'uen esmeralda. A q'uen syamnub'al q'uen chi' nab'a oro, b'ob'il yic tz'och yopisio uj d'a jun c'ual ayic ix ach b'oi.

Ez 28:13 ပူးပေါင်းရင်းမြစ်များ

Gn 13:10

'Ix 'at q'ueln Lot 'a jun niwquil span̈nil sti a Jordán masnto tzc'och 'a jun yune chon̈b' Zoar sb'i. Caw 'ay a a 'a jun niwquil pan̈n 'a'lic cha, lajn yilx 'icha Edén 'aj 'ay te 'awb'ente yic Jehová, mto 'icha yilx lum Egipto, 'ixta yilx xyil Lot. A yic 'ix sb'on win Abram strato yet' Lot cha, mantzac satl Sodoma yet' Gomorra yuj Jehová.

Gn 2:8

'Ix yawj pax Jehová Dios jun tzo'n̈ 'awb'ente 'a jun lugar Edén sb'i, 'a stojlal 'aj tzq'uel c'u. Ata 'ix ya'cn 'och Dios win winc sb'o cha.

Job 28:19

Matz tac' slajb'tzax yet' q'uen crisólito tzcot 'a Etiopía; matz tac' stojx yet' q'uen oro caw wach'.

Is 14:11

A 'a pecti cha, caw wal tzach cob' b'inaxoc, to 'ajson ach, tzach cob' sonn yet' arpa, ax ticnec, 'aych xo 'ec' quet' 'a tic, ax no a'ay a no 'oj a c'an̈oc, ax yoch no a c'u'oc, 'oj schic eb' chamnc cha.

Is 23:16

Ach 'ajmul 'ix, man̈x 'a mach tzach nan coti, 'ij 'at a arpa, 'ixc b'eyc'oc 'a yoltc chon̈ab', caw wach' tzotj a'n 'och a son, niwn b'it tza b'itnej, toq'ue 'ayt mach tzach nan coti, xchi jun b'it cha.

Is 24:8

Man̈x 'a q'uin̈ 'a 'aj tzlaj c'an̈ tinab', yet' arpa, caw man̈x 'a stzaljc'ojlal eb' tzsonn yet' jun tzo'n̈ yamc'ab' cha.

Is 30:32

A yic 'oj ya'nc 'och Jehová syailal eb' 'aj Asiria 'a junjn 'ejem, ax eb' israel, 'oj b'itnoc eb' yet' arpa yet' tinab'. Caw 'ay xo smay yilx jun owl 'oj 'och cha.

Is 51:3

'Ixta 'oj wutc wa'n in wach'c'ojlal an Jehová in 'a yib'n̈ eb' 'aj Sión, atn jun chon̈b' mac'b'il 'ejm lan̈chjoc. A eb' lum tacn̈ lu'um, 'oj 'och eb' lum yaxlumal, 'icha lum 'aj 'ay te 'awb'ente 'a Edén. Cojxn tzaljc'ojlal, b'it yet' alj yuj diosal 'ay 'ayn ta'.

Ez 21:30

Molc eyespada 'a yol yet'ul. An 'oj ex in b'eyc'ojloc 'a jun lugar 'aj 'aljnac ex, atn lum lum 'aj 'e'nc ex cajan.

Ez 26:13

'Ixta 'oj wutc in satn 'el jun tzo'n̈ sb'it eb' 'anma', man̈x 'a 'aj 'oj 'ab'xoc yoch b'it yet' arpa.

Ez 27:16

A eb' 'aj Edom, til wal tas tzwul sman eb' 'ayach: A tas tzya'cn eb' stojloc, atn q'uen granate, te nip jalb'il 'a te ch'al púrpura, te yelwnub'l pichul, te nip jalb'il 'a te lino ch'al, q'uen coral yet' q'uen rubí tz'och ton̈al.

Ez 27:22

Tzwulc' pax eb' 'aj Sabá yet' eb' 'aj Raama chon̈wjoc 'ayach. Tzmanwj pax eb', ax tas tzya'cn eb' stojloc tas tzman cha, atn jun tzo'n̈ perjuma caw wach', eb' q'uen q'uen wach' yilxi, yet' pax q'uen oro.

Ez 28:14

Ach querube, an wa'jnacch 'och 'a opiso stan̈malc jun lum tzaln to wicn̈ej yaji, ax 'a scal jun tzo'n̈ q'uen q'uen tzictzni yilxi, ata ach b'eyq'ui.

Ez 28:15

Yictax a pitzw cha'an̈, caw wach'n̈j 'a b'eyb'al masnto 'ix jelmj a nab'en yuj maysch'olnil.

Ez 36:35

Yuj cha, ax yaln eb' 'ixtic: 'In cannc jun tzo'n̈ lugar tic 'a cusltaquil, palta ax ticnec, lajn xo pax yilx 'icha lum Edén. Mac'b'il 'ejm jun tzon̈ chon̈b' tic, ax ticnec xlaj b'ox eb', 'ayx 'anma cajn pax 'a 'a, 'oj schic eb'.

Jl 2:3

Lajn wal no 'icha te c'ac', c'uxn tzsatl smasnil yu'uj. A wal yic mantzac jaw e no', man̈x jantcoc swach'l yilx lum lu'um, 'icha wal yilx lum Edén. Ax yic 'oj lajwc ye'cn no', lajn 'oj 'ajcn lum 'icha lum cusltac lu'um. Man̈x 'a jac 'oj colchjoc cani.

Apoc 17:4

Ax spichl jun 'ix cha, q'uic'mucnac yet' chac. Til wal jun tzo'n̈ q'uen tzictzni yilx 'aych 'a 'ix. 'Ay oro, 'ay jun tzo'n̈ perla, yet' jun tzo'n̈ xo q'uen caw chan̈ stojl 'aych 'a 'ix. Yamb'il jun vaso nab'a oro yuj 'ix. B'ut'n yet' jun tzo'n̈ tas yajb'il yuj Dios, atn jun tzo'n̈ yajmulal 'ix cha.

Apoc 2:7

Jantcn̈ej eb' tz'ab'ni, ya' cab' 'och eb' schicn 'a tas tzyal Espíritu 'a junjn iglesia. A eb' 'oj 'a'nc ganar ya'n techjoc, 'oj wac' slo eb' sat jun te te yic q'uinl 'a jun 'ejmn̈ej. A jun te cha, 'ayc' 'a jun paraíso yic Dios, xchi 'ayin.