Ez 28:10 - Chuj San Sebastian Bible

¹⁰ An Jehová in, an tzwala to yol sc'ab' eb' chuc chon̈b'al 'aj 'oj a chami, 'icha tz'aj scham eb' 'anma tu sb'eyb'al, xchi Dios, xa chi 'a win sreyl Tiro cha, xchi 'ayin.

Chuj San Mateo Bible

¹⁰ A in Jehová in sval juntzan̈ lolonel tic to d'a yol sc'ab' eb' ch'oc nacional ol ach chamoc, icha tz'aj scham eb' chuc, xchi Jehová, xa chi d'a vin̈ sreyal Tiro chi', xchi d'ayin.

Ez 28:10 ပူးပေါင်းရင်းမြစ်များ

Jeremías 25:9

yuj cha, 'oj wawtc cot smasnil eb' chon̈b' 'ay 'a stojlal norte, yet' pax in checb' Nabucodonosor sreyl chon̈b' Babilonia, yic wach' tzjaw eb' yac' owl 'a jun chon̈b' tic, yet' 'a smasnil jun tzo'n̈ xo nacion̈ 'ay 'a stz'ey, yet' smasnil eb' cajn 'a 'a. 'Oj in satl eb' smasnil. Jun 'ejmn̈ej 'oj wac' lajwc 'ejm eb'. Ax eb' 'oj 'ilnc eb', 'oj xiw eb' yuj eb', 'oj b'uchxoc eb' yuj eb'.

Jeremías 6:10

In ta'w 'ixtc 'a 'a: ¿Mach 'ajtil 'oj wala', sec 'oj yab' jun 'ab'x 'oj wal 'a tic? Mamin, 'icha wal to macn schicn eb', caw matz yab' eb'. Ton̈j tzb'uchwj eb', matz chaj sc'ojl eb' a paxti'.

Ez 11:9

'Oj ex wic' 'elt 'a yol chon̈b' tic, ax wa'n 'och yailal 'a eyib'an̈, ax 'a yol sc'ab' eb' chuc chon̈b'al, ata 'oj ex wactcani.

Ez 28:11

'Ix yaln Jehová 'ayn 'ixtic:

Ez 28:7

Yuj cha, 'oj wi' cot eb' chuc chon̈b'al 'ayach, atn eb' may xon sniwnc'ojlal. 'Oj yic' q'uet eb' yespada yic tzach stzu'n eb', ax satn 'el eb' a b'inab'ilal yet' smasnil tas wach' yilx 'ix 'ilchj oj yuj sjelnal a nab'en.

Ez 28:9

¿Tom 'oj stac' aln to 'a sat eb' tzach miln cha, to dios ach? Ach tic man̈ ach diosoc, 'anma achn̈ej, toc 'ayt el'ch 'a sat eb' tzach miln cha.

Ez 31:18

May xon wal junc eb' te 'awb'ente yic Edén tztac' slajb'tzax yet' jun te tic. A jun te tic, caw wach' yilxi, caw niwquil pax ste'il, palta 'ix c'och pax 'a 'aj 'ay yet'l eb' chamnac. Junn̈j 'ix can yet' eb' te te yic Edén 'ayc' ta'. A tzyal 'el'ch jun tic, atn eb' 'anma matz ya'ch sc'ojl 'a Dios, eb' chamnc yuj owal. A yab'xil jun te tzwal tic, tzyal 'el'chi atn win faraón yet' eb' soldado, xchi Dios.

Ez 32:19

Ach yajal, caw wach' cob' elxi, palta 'oj a c'och teln 'a scal eb' man̈ schon̈b'oc Dios, xa chi.

Ez 32:21

Ax yic 'oj c'och eb' yet' eb' rey chamnc xo, ax yaln eb' rey 'ayc' chi ta 'ixtic: ¡'A, sjaw ewin xcham yuj owal! Ewin ma'ix 'a'n 'och sc'ojl 'a Dios, 'oj can teln sniwnal eb' 'a tic quet'ec, 'oj xchic eb'.

Ez 44:7

Man̈x 'a yel'ch xeyutj watut, comn xoj xe chaj 'och eb' chuc chon̈b'al 'a yojol, eb' may yel'ch in trato 'a 'a, may pax yechl in trato 'a sniwnal eb'. 'Ixta xeyutj eyixtn 'el watut cha, wach'xam cob' to xeyac' e xajmb'al chi 'ayin, atn xepual yet' schic'l no noc' cha, palta xjuw 'el in trato chi eyet'oc.

Ez 44:9

Yuj cha, an Jehová in, an tzwal 'ixtic: May wal junc chuc chon̈b'al to may yel'ch in trato 'a 'a, may pax yechl in trato 'a sniwnal, tztac' yoch 'a yol watut cha; wach'xam cajn 'ec' 'a e cal, palta may xon yaln yic yoch ta'.

Jn 8:24

Yuj cha, xwaln 'ayex to a 'a scal e mul 'oj e chami. Toto matz eya'ch 'a e c'ojol, to an ton 'icha xwala, toto 'ixta', a 'a scal e mul chi 'oj e chami, xchi.

A Tas Sc'ulejnac Eb' Schecab' Jesús Hechos 7:51

Ax xo tic, caw pit ex. Caw lajn e nab'en yet' eb' man̈ 'ojtnacoc xon jac Dios. Caw matz eya'ch e chicn 'a spaxti'. Ton̈j tzeya'ch e b'a 'ajc'ojlal 'a Yespíritu Dios. Yuj cha, caw lajn ex yet' eb' qui mam quichmec.

A Scarta San Pablo D'a Eb' Aj Filipos 3:3

Palta an̈ec xo, a 'a sat Dios 'ac'b'iln̈ec xo circuncidar 'a yel, yujto tzcalc qui b'a 'a Dios 'a 'esal. An̈j 'a Cristo Jesús 'aj tzon̈ tzaljec. Ax jun tas tzb'o 'a qui niwnalec, matz ca'c 'och xon jac yipc qui c'ojol.

A Ch'an̈ B'ab'el Libro Samuel 17:26

Yuj cha, sc'anb'n David 'a eb' 'ayc 'a stz'ey chi 'ixtic: —¿Tas tz'ajx 'a junc win tzmiln cham jun filisteo tic, sec tz'och wan sb'uchwj 'ayn̈ an̈ israel on̈c tic? ¿'Aj xcot jun filisteo cha, jun chuc chon̈b'al cha, yuj cha, tzb'uchwj 'a eb' soldado yic jun Dios pitzan? xchi.

A Ch'an̈ B'ab'el Libro Samuel 17:36

Yuj cha, an a checb' in tic, wach'xam león, mto oso, cojnto tojln̈ej scham wu'uj. Ax jun filisteo chuc chon̈b'al tic, lajn 'oj wutc 'icha wutjnac e no cha, yujto tzb'uchwj 'a eb' soldado yic jun Dios pitzan.