Ez 27:30 - Chuj San Sebastian Bible

³⁰ Ax syamn 'och eb' yoc' o'oj, 'oj 'ab'xoc yoc' eb' 'a najat, caw ji'jmtac 'oj 'oc' eb', ax ya'n q'ue eb' pococ 'a sjolom, 'oj b'alb'noc 'ec' eb' 'a scal stan̈il c'ac'.

Chuj San Mateo Bible

³⁰ Ol syamanoch eb' anima sq'ue sjaj yoc' yuj cuselal yuj Tiro chi'. Ol yac'anq'ue pococ eb' d'a sjolom, ol ec' b'alb'on eb' d'a scal q'uen tic'aq'uil taan̈.

Ez 27:30 ပူးပေါင်းရင်းမြစ်များ

A Ch'an̈ Schab'l Libro Samuel 1:2

Ax 'a schab'jial 'ix c'och jun winc 'a David cha, ata xcot win 'a 'aj 'e'nc scamplamento Saúl. Caw jatquixtac spichul, 'ay q'ue lum 'a scal xil sjolom yic tzch'oxn 'eli chajtlto 'ay scusc'ojlal. Ax yic xc'ochi, 'ix 'em n̈ojnjoc 'a yojltac David.

Job 2:12

'Ayt wal sjaw eb', xyiln cot eb' win Job 'a najat, teb'il xyilch eb' win yuj syailal cha, yuj cha, syamn 'och eb' yoc' yuj winac. Caw tzcus eb', xlaj stzilnjat eb' spichul, sjob'n chan̈ eb' pococ 'a cha'an̈, ax 'a sjolm eb' xlaj 'emx lu'um.

Job 2:8

Yuj cha, 'ix 'at win Job, ax 'a 'aj b'uln 'ec' nan̈l q'uen stan̈il c'ac', ata x'at 'em wocn 'a yib'n̈ jun tan̈ cha, xyi'n cot jab' sc'axpil chen, sn̈ichb'tan̈n 'ec' 'a sniwnal cha.

Job 42:6

Yuj cha, tznachj 'el wu'uj to may jac wel'chi, yel xo wach' tzin 'emwocn 'a sat lu'um, mto 'a scal stan̈il c'ac' yic tzin nan in b'a yuj tas xwala, xchi Job.

Jeremías 25:34

'El cab' eyaw yuj yailal ex yilmal chon̈ab'. 'E'n̈ec b'alb'noc 'a sat lu'um, yujto tox 'ix jaw sc'ul e milx chamoc. 'Oj e sactzic can 'ati. 'Oj eyajx ganar, ax e poj 'icha tz'aj spoj junc vaso to caw wach' yilxi.

Jeremías 6:26

Ex wit chon̈ab', 'a'c 'och te pichl n̈achtac sat yuj e ch'oxn 'el e cusc'ojlal. 'E'n̈ec b'alb'noc 'a scal stan̈il c'ac', 'ochn̈ec 'a niwquil cusc'ojlal, 'o'n̈ec wal si'mb'il, 'icha yic tzcham junc eyunnal to jun c'otn̈ wali, yujto a jun mach 'oj qui satnec 'eli, caw jab'xoj sjaw 'ayn̈ec.

Lm 2:10

A eb' yichm wincal chon̈b' Sión, sictac xoj yaj eb', wocn 'ejm eb' 'a sat lu'um. Tzlaj sjopn q'ue eb' pococ 'a sjolom, tzya'n 'och eb' jun tzo'n̈ pichl n̈achtac sat. Ax eb' 'ix cob'stac 'ix 'aj Jerusalén, c'uxn tzlaj 'em quiln sat eb' 'ix 'a sat lu'um.

Ez 26:17

'Oj sb'o eb' jun sb'it yic chamel, ax yaln eb' 'ixtic: Ach Tiro tas ach 'aj a lajw 'ejmi, ach sat 'ejm 'a et'l 'a sti a mar, caw wal b'inab'il ach, caw jeln eb' 'anma chi smasnil, caw tzxiw jun tzo'n̈ xo eb' chon̈b' cajn 'a sti a mar cha.

Jonás 3:6

A yic xc'och yab'xil jun tic 'a win sreyl Nínive cha, 'ix q'ue wan win 'a sdespacho, xyi'n 'el spichl yic sreyl 'aych yu'uj, ax te n̈achtac sat xya'chi, x'em wocn win 'a scal stan̈l c'ac'.

Miqueas 1:10

Man̈ eyal jun tzo'n̈ tic 'a eb' cajn 'a chon̈b' Gat. Man̈ ex 'oc' 'a sat eb'. 'E'n̈ec teln 'a scal pococ yuj e cusc'ojlal chi 'a Bet-le-afra.

A Ch'an̈ B'ab'el Libro Samuel 4:12

'Ay jun win soldado yic eb' yin̈tl Benjamín 'ix yac' ganar scot 'elc 'a scal owl cha. Caw wal carela xcoti, 'ix jaw 'a jun c'u chi 'a Silo. Caw jatquixtac x'aj spichul, 'ix ya'n q'ue pococ 'a sjolom, yic tzch'oxn 'el scusc'ojlal.