Ez 27:27 - Chuj San Sebastian Bible

²⁷ A yic 'oj a satl cha, a 'a ricoal yet' smasnil chon̈ 'ayc' 'ayach, 'oj atcn 'a yich a mar, yet' eb' tz'i'n b'ey te barco cha, eb' tzch'umni, eb' nipn barco, eb' chon̈wjum, eb' a soldado yet' smasnil eb' ton̈j 'ayc' et'oc.

Chuj San Mateo Bible

²⁷ Ayic tz'ixtaxb'at te', sb'atcan jantac b'eyumal, chon̈ yed' masanil tas yed'nac te' d'a yich a' mar chi'. Sb'atpaxcan eb' tz'ic'an b'ey te', eb' tz'ac'anoch snipul te', eb' chon̈vajum, eb' soldado yed' juntzan̈ eb' ayec' d'a yol te' d'a yich a' chi'.

Ez 27:27 ပူးပေါင်းရင်းမြစ်များ

Pr 11:4

A wal yic 'oj jawc jun c'u yic 'oj 'och b'eyc'ojlal 'ayn̈ec, caw wal man̈x 'a yel'ch qui ricoalec cha, cojxn qui tojl b'eyb'alec, a 'oj qui colnec 'el 'a yol sc'ab' chamel.

Jeremías 25:22

smasnil eb' rey 'a Tiro, 'a Sidón, yet' smasnil eb' rey 'ay 'a jun tzo'n̈ nacion̈ 'ay 'a sti 'a mar Mediterráneo.

Ez 26:1

A 'a b'ab'l c'u yoch 'uj yic yuxlchil ab'il quijx cot 'icha presoal, ata 'ix yal Jehová 'ayn 'ixtic:

Ez 26:12

Jantcn̈ej chon̈ 'ay 'a jun chon̈b' cha, c'uxn 'oj 'el'xoc 'ati, man̈x 'a tas 'oj canoc. 'Oj ma'x 'ejm smuroal, ax spoj 'ejm smasnil te n̈a wach' yilxi; ax q'uen q'ue'en, yet' ste'al, yet' pax lum lu'um, c'uxn 'oj xutxc can 'at 'a yojl a mar.

Ez 26:14

T'anmtac 'oj 'ajcn jun chon̈b' cha, lajn wal 'oj wutc can 'icha q'uen sam q'uen n̈el-li sat, man̈xtzac q'uib' sc'ultcal, ata 'oj yac' tacjoc eb' yamn chay schim, man̈x 'a b'a'n̈ 'oj b'o jun 'ejm xo.

Ez 26:21

'Oj lajwc can 'ejm 'a jun 'ejmn̈ej, 'ay xo smay yilx 'oj 'ajcn yuj owal. 'Ayt eb' 'anma 'oj cob' saync 'ec' 'aj 'ay, palta man̈x 'oj 'ilchjoc yuj eb'. An tzwala, xchi Dios 'ayin.

Ez 27:12

Til wal tas 'ay 'ayach, yuj cha, a eb' 'aj Tarsis tzwulc' eb' manwjoc 'ayach, ax q'uen plata, q'uen hierro, q'uen estaño yet' q'uen plomo, a chi tzya'cn eb' stojloc tas tzmana.

Ez 27:22

Tzwulc' pax eb' 'aj Sabá yet' eb' 'aj Raama chon̈wjoc 'ayach. Tzmanwj pax eb', ax tas tzya'cn eb' stojloc tas tzman cha, atn jun tzo'n̈ perjuma caw wach', eb' q'uen q'uen wach' yilxi, yet' pax q'uen oro.

Ez 27:24

Tzwulc' eb' schon̈ jun tzo'n̈ pichl caw wach' yilxi, te nip b'ob'il 'a te ch'al púrpura, te yelwnub'l pichul, an̈jtona yet' jun tzo'n̈ ch'al ch'umb'il 'och yip 'aj tzb'o 'elt alfombra.

Ez 27:26

A eb' tzach 'i'n b'ey 'a yib'n̈ a cha, caw najt tzach yij 'at eb' 'a yib'n̈ a mar, ax 'ic' tzcot 'a stojlal 'aj tzq'uel c'u, a 'oj a ma'n b'uychjoc 'a yib'n̈ a'.

Ez 27:28

A yic 'oj 'el yaw s'atcn eb' munljum chi 'a yich a', ax eb' 'anma cajn 'a stitc a cha, caw 'oj xiw chan̈ eb' yab'n yel yaw eb'.

Ez 27:34

A yic xlajw 'el yuj a mar cha, c'uxn 'ix 'atcn smasnil chon̈ 'a yich a', yet' smasnil eb' munljum, c'uxn xlajw 'el eb' yet'oc.

Ez 28:1

'Ix yaln pax Jehová 'ayn 'ixtic:

Ez 28:8

'Oj ach smil eb' may sniwnc'ojlal cha, ax ach sjuln can 'at eb' 'a xab'l yich a mar.

Am 1:9

Xyaln pax Jehová 'ixtic: A wal eb' 'aj chon̈b' Tiro, man̈x jantcoc maysch'olnil sb'o eb', yuj cha, yowlal 'oj wa'ch yailal 'a yib'n̈ eb'. 'Ix schon̈ch eb' jun chon̈b'al eb' 'anma mosoal 'a chon̈b' Edom, man̈x 'ic sna cot eb' jun strato yet' eb', chajtlto swach'c'ojl sb'a eb'.

Zacarías 9:3

A eb' 'aj Tiro cha, 'ix sb'o chan̈ eb' smuroal schon̈ab'. Xlajw cha, smolb'tzan eb' q'uen oro yet' q'uen plata, 'icha tz'aj chan̈ ch'ucn lum lum smontoaxi.