Ez 27:12 - Chuj San Sebastian Bible

¹² Til wal tas 'ay 'ayach, yuj cha, a eb' 'aj Tarsis tzwulc' eb' manwjoc 'ayach, ax q'uen plata, q'uen hierro, q'uen estaño yet' q'uen plomo, a chi tzya'cn eb' stojloc tas tzmana.

Chuj San Mateo Bible

¹² A eb' aj Tarsis syac' q'uen plata eb', q'uen hierro, q'uen estaño yed' q'uen plomo sq'uexuloc tastac sman ta'.

Ez 27:12 ပူးပေါင်းရင်းမြစ်များ

Gn 10:4

Atn sb'i eb' yunnal Javán tic: Elisa, Tarsis, Quitim, yet' Dodanim.

A Ch'an̈ B'ab'el Libro Yic Yab'ixal Eb' Rey 10:22

'Ay jun tzo'n̈ sniwc barco win rey Salomón jun tz'ec' yet' jun tzo'n̈ sniwc barco win Hiram, yoxxil ab'il tzjaw eb' 'a Israel, yet' eb' oro, plata, marfil, no chab'in, yet' no pavo real.

A Ch'an̈ B'ab'el Libro Yic Yab'ixal Eb' Rey 22:48

Sb'ojnac pax win Josafat jun tzo'n̈ te barco 'icha te yic Tarsis, yic tz'at yi'nc te q'uen oro 'a Ofir, palta ma'ix stac' s'at eb' ta', yujto 'ix pojcn te barco chi 'a Ezión-geber.

2 Cr 9:21

A eb' schecb' win rey, tz'at eb' yet' eb' schecb' Hiram yet' te barco 'a Tarsis, yic tz'at yi'nc cot eb' q'uen oro, q'uen plata, q'uen marfil, no chab'in yet' no pavo real 'a junjn yoxxil ab'il.

Salmos 72:10

A eb' sreyl Tarsis, yet' eb' cajn 'a lum checl 'a snan̈l a mar, eb' sreyl Sabá, yet' pax eb' yic Seba, ya' cab' eb' siylab' yet' stojlb'al 'a win rey.

Is 2:16

ax ya'n 'ijxc 'ejm eb' te barco yic Tarsis 'a yich a mar, yet' pax jun tzo'n̈ xo barco wach' yilxi.

Is 23:10

Ex 'aj Tarsis, tox 'ix lajw can 'ejm jun puerto 'aj tzex xit'c chon̈wjoc, ax ticnec munljan̈c 'a sat e lu'um, 'icha wal tzyutj sb'a eb' 'aj Egipto.

Is 23:14

Ex ch'umn barco yic Tarsis, 'el cab' eyaw yuj cusc'ojlal, yujto tox 'ix lan̈chj 'ejm jun chon̈b' 'aych cob' yipc e c'ojol.

Is 23:6

'El cab' eyaw yuj cusc'ojlal ex cajn 'ec' 'a sti a mar. C'axwan̈c 'ec' 'a Tarsis.

Is 60:9

A jun tzo'n̈ 'oj eyil cha, atn te barco tzcot 'a jun tzo'n̈ xo chon̈b' 'ay 'a sti a mar, b'ab'l eb' te yic Tarsis yuj eb' te'. Ata ajun eb' eyit chon̈b' yet' eb' 'anma cha, yet' eb' oro, yet' eb' plata, yuj yi'nb'ilc chan̈ in b'i an Jehová in. An e Diosal in, to Cojxn In Ton Dios In, an 'ixta 'oj wutc ex wa'n b'inaxc paxi.

Jeremías 10:9

A jun tzo'n̈ yechl cha, nab'a plata, ata 'ic'b'il cot 'a Tarsis, ax q'uen oro, ata 'ijxnac cot q'uen 'a Ufaz. A jun tzo'n̈ cha, b'ob'il eb' yuj eb' tenm q'ue'en, ax te q'uic'mucnac nip yet' te chac yilxi, a te 'aych spichloc, smasnil jun tzo'n̈ cha, b'ob'il eb' yuj eb' 'anma jeln snab'en sb'on jun tzo'n̈ tas.

Ez 27:11

A eb' winc 'aj Arvad, junn̈j xyutj sb'a eb' yet' eb' a soldado. 'Ix q'ue ch'ucn eb' 'a yib'n̈ a chon̈ab'. C'uxn 'ix yoy eb' jun muro chi smasnil. Ax eb' 'aj Gamad, a eb' xtan̈wni jun tzo'n̈ a torre. Xlaj slocnc 'och eb' jun tzo'n̈ smacl jul-lab' 'a sat jun muro cha, a chi x'och yelwnub'loc.

Ez 27:13

An̈jtona eb' 'aj Grecia, eb' 'aj Tubal yet' eb' 'aj Mesec, tzwulc' eb' manwjoc 'ayach. Ax eb' meb'a 'anma', a jun tzo'n̈ yamc'ab' nab'a bronce, a chi tzya'cn eb' stojloc tas tzman cha.

Ez 27:16

A eb' 'aj Edom, til wal tas tzwul sman eb' 'ayach: A tas tzya'cn eb' stojloc, atn q'uen granate, te nip jalb'il 'a te ch'al púrpura, te yelwnub'l pichul, te nip jalb'il 'a te lino ch'al, q'uen coral yet' q'uen rubí tz'och ton̈al.

Ez 27:18

Ax eb' 'aj Damasco, caw niwn tas tzwul sman eb' 'ayach. A tas tzya'cn eb' stojloc, atn jun tzo'n̈ yal uva tzb'o 'a chon̈b' Helbón, yet' pax jun tzo'n̈ laná tzcot 'a Sahar.

Ez 27:33

A yic mantzac lajw 'el Tiro, xlaj yi'nc 'at te barco smasnil chon̈ 'ay 'a 'a, caw wal stzalj jun tzo'n̈ xo chon̈b' smanni. Ax eb' rey 'a jun tzo'n̈ xo nacion̈, caw 'ix 'och eb' ricoal yuj tas 'ay 'a jun chon̈b' cha.

Ez 28:16

Yujto caw xniwtj a chon̈, yuj cha, 'ix niwtj 'och pax maysch'olnil 'ayach, 'ix a'n 'och a mul. Atn yuj cha, ach wi'n 'el 'a wojltac, xwi'n 'ec' opiso yic tan̈wjumal cha. Ach wa'n pechxoc 'el 'a lum tzaln yic 'emmquilal, yet' 'a scal eb' q'uen q'uen tzictzni yilx cha.

Ez 28:5

Yuj sjelnal a nab'en 'a yib'n̈ chon̈, yuj cha, ach 'och ricoal, ax a ricoal chi tzach 'a'n 'och b'an̈quinal.

Ez 38:13

Ax eb' 'anma yic chon̈b' Sabá, eb' yic Dedán yet' eb' chon̈wjum yic chon̈b' Tarsis yet' jun tzo'n̈ xo eb' 'a junc xo chon̈b'al, 'oj sc'anb'nc eb' 'aych 'ixtic: ¿Tom achn̈ej tzwul ec' tas 'ay 'a eb' 'anma tic, yuj cha, xa molb'tzan eb' a soldado tic yet' smasnil 'anma ajun et'oc, yic tzwul elc'noc q'uen plata, q'uen oro, no cajb'en noc' yet' jun tzo'n̈ xo tas yic tzach 'och ricoal yu'uj? 'oj schic eb', xchi Dios, xa chi 'a 'a.

Jonás 1:3

Palta ax Jonás, ma'ix syiclj 'a Dios, a yico', to 'ix 'at 'elc 'a 'a. 'Ix 'atcn 'a chon̈b' Tarsis yalni, yuj cha, 'ix 'at 'a jun puerto 'ay 'a sti a mar 'a Jope. Ata x'ilchj jun barco yu'uj, wan s'at te 'a Tarsis cha. 'Ix stojn spasaje, xlajw xoj cha, x'och 'a yol barco, 'ix 'ati, yic tz'at 'elc 'a Jehová yalni.

Apoc 18:12

Yaj wal sb'isl jun tzo'n̈ schon̈ eb' tic: oro, plata, jun tzo'n̈ q'uen chan̈ stojol, perla, jun tzo'n̈ nip caw wach', lino yet' sera nip, jun tzo'n̈ nip q'uic'mucnac yet' chac, smasnil te te su'q'ui sjab', smasnil jun tzo'n̈ tzb'o yet' marfil, bronce, hierro, yet' q'uen mármol.