Ez 27:11 - Chuj San Sebastian Bible

¹¹ A eb' winc 'aj Arvad, junn̈j xyutj sb'a eb' yet' eb' a soldado. 'Ix q'ue ch'ucn eb' 'a yib'n̈ a chon̈ab'. C'uxn 'ix yoy eb' jun muro chi smasnil. Ax eb' 'aj Gamad, a eb' xtan̈wni jun tzo'n̈ a torre. Xlaj slocnc 'och eb' jun tzo'n̈ smacl jul-lab' 'a sat jun muro cha, a chi x'och yelwnub'loc.

Chuj San Mateo Bible

¹¹ A eb' vin̈ aj Arvad, junn̈ej yajec' eb' vin̈ yed' eb' vin̈ soldado aj Tiro, oyanoch eb' vin̈ d'a spatic smuroal chon̈ab' chi'. Axo d'a torre, ay eb' vin̈ aj Gamad. Slocb'ejq'ue smaclab' jul-lab' eb' vin̈ d'a sattac muro chi' yic te vach' tz'aj yilji chon̈ab' chi'.

Ez 27:11 ပူးပေါင်းရင်းမြစ်များ

Cantares 4:4

A 'a jaj, lajn wal yilx 'icha jun torre b'ob'il yuj David, jun 'aj locn 'och jun mil eb' q'uen smacl sat jul-lab' yic eb' 'a'm owl caw jelan.

Ez 27:10

Ax eb' 'aj Persia, eb' 'aj Lidia yet' eb' 'aj Libia, a eb' 'aych 'a soldadooc, a eb' tzach coln 'a owal. Tzolmtac yajch locn sq'uen xumpiln eb', yet' syamc'ab' eb' tzmacn sat jul-lab' yic owl 'a smuroal a chon̈ab'. Atn jun tzo'n̈ chi 'aych yelwnub'loc.

Ez 27:12

Til wal tas 'ay 'ayach, yuj cha, a eb' 'aj Tarsis tzwulc' eb' manwjoc 'ayach, ax q'uen plata, q'uen hierro, q'uen estaño yet' q'uen plomo, a chi tzya'cn eb' stojloc tas tzmana.

Ez 27:8

A eb' winc tzma'n b'ey te barco chi yet' sma'lab'il cha, ata cajn eb' 'a chon̈b' Sidón yet' 'a chon̈b' Arvad, ax eb' ch'umn barco, atn eb' winc caw jeln 'ay 'a yol a chon̈ab'.