Ez 26:20 - Chuj San Sebastian Bible

²⁰ 'Oj in julcn 'ejm 'aj 'ayc' eb' 'anma chamnc 'a pecti'. 'Oj in julcn 'ejm 'a xab'l yich lum lu'um, 'icha 'ajnc jun tzo'n̈ xo chon̈b' satnc 'el 'a jun 'ejmn̈ej. Man̈x 'a b'a'n̈ 'oj 'ochx chon̈b'al, man̈x 'a xon eb' 'anma 'oj cajnoc.

Chuj San Mateo Bible

²⁰ Ol vac'paxcanem eb' cajan d'ay masanto b'aj ayec' eb' chamnac, eb' anima ec'nac d'a peca'. Ol vac'canem eb' d'a snajatil sjulal yich lum luum d'a scal eb' anima ec'nac d'a juntzan̈ chon̈ab' satjinaquel d'a juneln̈ej. Icha chi' ol aj yajec' eb' d'a scal eb' chamnacxo chi'. Man̈xa b'aq'uin̈ ol cajnajxoc anima d'a Tiro chi', man̈xa b'aq'uin̈ ol checlaj snivanil yelc'och d'a scal nación.

Ez 26:20 ပူးပေါင်းရင်းမြစ်များ

Salmos 27:13

Tzwa'ch yipc in c'ojol to 'oj wil a wach'c'ojlal yic pitzn in to.

Salmos 28:1

Mamin Jehová, cojxn̈ej 'aych 'aj 'oj wal in b'a, yujto 'icha to in n̈aq'uen aji. Man̈ e'l a sat 'ayin. Toto tzej 'el a sat 'ayin, to 'ixta', ax 'ijnoc am in 'atcn 'a scal eb' chamnc cha.

Is 14:10

Ax smasnil eb' 'ayc' chi ta', 'oj yal eb' 'ixtc 'a winac: ¿Tom 'ix 'el pax ep jun, yuj cha, man̈x 'ic stac' o'oj? Ax ticnec, lajn xoj ach 'aj 'icha 'on̈ tic on̈.

Is 14:9

A yic 'oj c'och jun tu snab'en chi 'a yol lum 'aj 'ay smasnil eb' chamnac, caw 'oj sat sc'ojl eb' yu'uj, ax scot eb' wul scha'. 'Icha to 'oj 'el swayn̈ eb' yu'uj, ax wul schanc eb' niwc yajal, eb' ya'jnac reyl 'a yolyib'n̈q'uinl tic. 'Oj q'ue wan eb' 'a yol xila, ax wul schanc eb'.

Is 4:5

A 'a c'ual, 'oj ya'ch Jehová jun 'asn yen̈loc lum tzaln Sión yet' eb' 'anma 'oj syam sb'a ta'; ax 'a 'ac'wal, a jun c'ac' caw tzn̈ilchji, a 'oj 'a'nc sacq'uinl 'a eb', yujto a stzictznil Dios a 'ayc' 'a yib'n̈ eb' smasnil.

Is 59:10

Lajn on̈c wal 'icha junc mach matz uj yilni; ton̈j tzmachlj 'aj tz'eq'ui, caw wal chimc'ual tztelwi, 'icha to 'ac'wl 'aj 'ayq'ui. Wach'xam te'n on̈c to calni, palta 'icha to chamnc on̈c xo.

Jeremías 33:9

A Jerusalén tic, caw 'oj tzaljc in c'ojl yu'uj, 'oj wac' junc'ojlal 'a 'a. A wal yic 'oj yab'nc smasnil eb' nacion̈ yuj tas niwn yel'ch 'oj in b'o 'a 'a, caw 'oj yal eb' wach' paxti 'ayin, ax in sb'inan eb' si'mb'il. Palta caw 'oj satcn sc'ojl eb', 'oj 'ib'xoc eb' yuj xiwlal, yic 'oj yilnc eb', xchi Dios.

Lm 3:6

A 'a scal q'uic'q'uinl in ya'cn 'ati, lajn waj 'icha yaj eb' pectix chamnac.

Ez 31:14

Man̈x 'a junc te te 'oj q'uib' 'icha jun tic, smasnil eb' te tzq'uib' 'a sti eb' a a cha, wach'xam 'aych yalil eb' te', palta man̈x 'a junc te 'oj 'ec' stel 'a eb' te yit tel cha. Smasnil eb' yajl 'a yolyib'n̈q'uinl to lajn snab'en 'icha jun te tic, 'ayx 'och chaml 'a yib'n̈ eb'. 'Oj cham eb' 'icha tz'aj scham eb' comn 'anma', ax s'atcn eb' 'a campusan.

Ez 39:7

'Ixta 'oj wutc in ch'oxn in poder 'a eb' in chon̈ab', sec man̈x b'a'n̈ 'oj b'uchxoc eb'. Ax jun tzo'n̈ xo nacion̈, 'oj yojcoc 'el eb', to an Jehová in, to cojn in ton Dios in, sDiosal in Israel.

Am 9:2

Wach'xam cob' 'oj 'at sc'ub'c 'el sb'a eb' 'a xab'l yich lum lu'um, palta 'oj 'at wic' q'uet eb' ta', wach'xam cob' 'oj q'ue eb' 'a satcha'an̈, palta 'oj wic' 'emt eb' ta'.

Jonás 2:2

'Ix yaln 'ixtic: A wal 'a scal in yailal in 'awj 'aych Mamin Jehová. Ach ta'w 'ayin, yic 'ayn 'ec' wal 'a xab'l yich yet'l chamel. Ata in 'awj 'ayach, 'ix ab'n tas xwala.

Jonás 2:6

In 'em'ch can 'a yich eb' lum witz 'a yojl a a cha. A walni to jun 'ejmn̈ej in macx can 'ejmi, palta ach tic Jehová, in Diosal ach, xin a colcn 'el 'a yol sc'ab' chamel.

Zacarías 2:8

A Jehová tztac' yuj smasnil, a in checn coti yic tzwaln jun tzo'n̈ paxti 'a yib'n̈ jun tzo'n̈ nacion̈ 'ix 'i'n can 'ec' tas 'ay 'ayex. A Jehová a tzaln 'ixtic: Tzann̈j mach tz'och sc'ab' 'ayx in chon̈b' ex tic, 'icha to a 'a sc'ul yol in sat tzlow sc'ab'. Yuj cha, an wal 'oj wac' owl yet' jun tzo'n̈ nacion̈ cha, an 'oj in chec eb' nacion̈ 'aych 'a yaln̈ schecnb'il yic tzya'n owl yet' eb', yic tzcan eb' 'a yaln̈ yuj eb', xchi Dios. 'Ixtnta 'oj yutc Jehová sch'oxn stzictznial, ax eyojcan 'eli chajtlto checb'iln cot yu'uj.

Nm 16:30

Palta toto 'ay tas satjub'tac 'oj sb'o Jehová, 'oj jacwc sti lum lum tic, ax sb'u'n 'ejm lum eb' 'anma tic yet' smasnil tas 'ay 'a 'a, pitznto eb' ax s'atcn eb' 'a yol lu'um. Ax eyojcan 'eli, to atn eb' 'anma tic 'ix meltzj 'och 'ajc'ojlal 'a Jehová, xchi Moisés.

Nm 16:33

Pitznto eb' 'ix 'atcn eb' 'a yich lu'um, yet' pax smasnil tas 'ay 'a junjn eb'. 'Ixtnta 'ix 'aj eb' satcn 'el 'a scal eb' yit israelal cha.

Mt 11:23

An̈jtona', 'ixta 'ex 'aj Capernaum. Tzcob' e na', to smoj 'oj e c'och 'a satcha'an̈. Palta ton̈j 'oj eyemcn 'a scal eb' chamnac. Octom a 'a Sodoma b'ob'il jun tzo'n̈ milagro 'icha xb'o 'a e cal. To 'ixta', snajnac sb'a eb', ax jun schon̈b' eb' cha, an̈ja 'ayc' ticnec.

Lc 10:15

An̈jtona', 'ixta 'ex 'aj Capernaum, tzcob' e na', to smoj 'oj e q'ue'ch 'a satcha'an̈, palta ton̈j 'oj eyemcn 'a scal eb' chamnac, xchi Jesús.

A Schab'il Carta San Pedro 2:5

An̈jtona', ma'ix yac' Dios niwnc'ojlal 'a eb' 'anma 'a yic pecti'. Ya'jnac cot jun owl yaxn̈ab' 'a yib'n̈ eb' maysch'olnil cha. Cojxn wal Noé colchjnac 'el yet' ucwn̈ eb' yico'. A Noé cha, yaljnac can 'el 'a scal eb' 'anma cha, chajtlto yowlal tojl tzyutj eb' snab'en.