Ez 25:13 - Chuj San Sebastian Bible

¹³ Yuj cha, an Yajl in tic, an tzwal 'ixtic: 'Oj wi' chan̈ in c'ab', ax wa'n 'och yailal 'a yib'n̈ eb' 'aj Edom. 'Oj in satl smasnil 'anma yet' no noc'. 'Oj 'el yich slajw 'el eb' 'a Temán masnto 'oj c'och 'a Dedán. 'Oj cham eb' 'anma chi yuj owal.

Chuj San Mateo Bible

¹³ Yuj chi' svala' to ol vic'chaan̈ in c'ab', ol vac'anoch yaelal d'a yib'an̈ eb' aj Edom chi'. Ol vac' satel masanil anima yed' noc' noc'. Ol vac' val juvocanb'atoc, ol schael d'a Temán masanto d'a Dedán. Masanil anima ol cham d'a oval.

Ez 25:13 ပူးပေါင်းရင်းမြစ်များ

Gn 36:11

Ax eb' yunnal Elifaz atn pax eb' tic: Temán, Omar, Zefo, Gatam yet' Cenaz.

Gn 36:34

A yic xcham Jobab, ax win Husam x'ochx can yajlil, a pax ta cajn 'a yol yic Temán.

Gn 6:7

Caw wal tztac in c'ojl yuj eb' 'anma xin b'o tic. Yuj cha, 'oj in satl eb' 'a sat lum lum tic, yet' no cajb'en noc', no calte'al noc', no tzjuc sb'a 'a sat lu'um, yet' pax no ch'ic, xchi.

Salmos 138:7

Mamin Jehová, yic 'ayn 'ec' 'a scal xiwc'ojlal, ach ton wal xac' in q'uinal, 'a' cot a poder 'ayin, sec tzin colchj 'el 'a yowl sc'ojl eb' 'ajc'ojl yajch 'ayin.

Jeremías 25:23

'Ix wa'n 'a eb' yin̈tl Dedán, eb' yic Tema, eb' yic Buz; yet' smasnil eb' chon̈b' tzjoxn 'el xil sjolm 'a stz'eynb'il sjolom.

Jeremías 49:13

An Jehová in, an tzwac' in ti': A chon̈b' Bosra, 'oj cancn 'a cusltaquil, caw 'oj xiw eb' 'anma yiln 'ochi, 'oj b'uchxoc yuj eb', ax scatb'tzan can eb'. Ax jun tzo'n̈ xo chon̈b' 'a yol yic Edom, 'oj ma'xoc can 'ejm lan̈chjoc eb' 'a jun 'ejmn̈ej, xchi.

Jeremías 49:20

'Ab'c wal tas tox xin na 'an Jehová in tic 'a yib'n̈ chon̈b' Edom, a wal tas xin na 'a yib'n̈ eb' cajn 'a Temán, to 'oj 'ijxoc 'at yunnal eb', ax slan̈chj 'ejm yatut eb' 'a yib'an̈.

Jeremías 7:20

Yuj cha, an Jehová in, Yajl in, an tzwala, to 'oj wa' cot wal yowl in c'ojl 'a yib'n̈ jun lugar tic, 'a yib'n̈ eb' 'anma', 'a yib'n̈ no noc', 'a yib'n̈ te te', yet' 'a yib'n̈ smasnil 'awb'en. Lajn wal 'oj 'aj jun tic 'icha junc c'ac' to man̈x 'a tz'aj stupi, xchi Dios.

Ez 14:13

Ach 'anma', a yic tz'och smul junc chon̈b'al 'anma 'ayin, tz'och jun chon̈b' chi tenmtacl 'ayin, an xo 'oj wac' jawc yailal 'a yib'n̈ jun chon̈b' cha. Man̈x 'oj yac' lum lum sb'a'al, ax sjaw wejl 'a jun chon̈b' cha, 'ixta 'oj 'aj scham eb' 'anma', yet' no noc'.

Ez 14:17

Q'uinloc tzwij cot owl 'a yib'n̈ jun chon̈b' cha, tzwalni to tzcham eb' 'anma yet' no noc'.

Ez 14:8

An tzwala to 'oj woch 'ajc'ojlal 'a 'a, ax wa'n 'och ch'oxnb'ilal 'a scal 'anma', ax wi'n 'el 'a scal eb' in chon̈ab', 'ixta to b'i'an, ax in eyojcan 'eli, to an Jehová in, to cojn in ton Dios in.

Ez 25:16

Yuj cha, tzwaln cani: To 'oj wi' chan̈ in c'ab', ax wa'n 'och syailal eb' filisteo cha, 'oj in satl eb' quereteo, yet' smasnil eb' 'ay 'a sti a mar.

Ez 25:7

Yuj cha, 'oj wi' chan̈ in c'ab', ax wa'n 'och eyailal. 'Oj ex wac' 'a yol sc'ab' jun tzo'n̈ xo nacion̈, sec 'oj 'ijxoc 'ec' smasnil tas 'ay 'ayx yuj eb'. Ax ex in satn 'el 'a scal jun tzo'n̈ xo chon̈ab', 'oj e lajw 'el 'a jun 'ejmn̈ej, sec 'oj eyojcoc 'eli, to an Jehová in, an 'ixta tzex wutej.

Ez 27:15

A eb' 'aj Rodas yet' eb' cajn 'a jun tzo'n̈ xo chon̈b' 'ay 'a sti a mar, tzwulc' eb' manwjoc 'ayach, ax q'uen marfil yet' ébano, a tzya'cn eb' stojloc tas tzman cha.

Ez 27:20

At 'a Debán, atta tzyij cot eb' jun tzo'n̈ posmtac tzq'ue 'a sat no xila tz'u'um.

Ez 29:8

Yuj cha, an Jehová in, an tzwal 'ixtc 'aych ach sreyl Egipto: An 'oj ach wac' satl yet' a chon̈b' yuj owal, til wal 'anma 'oj chamoc, ax scham pax no noc'.

Ez 32:29

Ata 'ayc' win sreyl Edom yet' eb' niwc yajal. Caw jeln cob' yutjnac sb'a eb', palta ax ticnec, ata teln 'ec' eb' 'a scal eb' chamnc yuj owl cha. Atn eb' man̈ wico'oc mucb'il 'a 'aj 'ay yet'l eb' chamnac.

Ez 35:3

An Jehová in, an tzwal 'ixtic: Ach chon̈b' Seir, an tzin 'och 'ajc'ojlal 'ayach. 'Oj wa'ch yailal 'a eb'an̈, 'oj a lajw can 'ejmi, ax a can 'a sictaquil.

Ez 35:9

'Oj can a lum chi sictacl 'a jun 'ejmn̈ej, man̈x 'a mach 'oj cajnc eb' lum chon̈b' macb'il o'oj. 'Ixta to b'i'an, ax ojcan 'eli, to an 'ixta tzach wutej.

Ez 38:13

Ax eb' 'anma yic chon̈b' Sabá, eb' yic Dedán yet' eb' chon̈wjum yic chon̈b' Tarsis yet' jun tzo'n̈ xo eb' 'a junc xo chon̈b'al, 'oj sc'anb'nc eb' 'aych 'ixtic: ¿Tom achn̈ej tzwul ec' tas 'ay 'a eb' 'anma tic, yuj cha, xa molb'tzan eb' a soldado tic yet' smasnil 'anma ajun et'oc, yic tzwul elc'noc q'uen plata, q'uen oro, no cajb'en noc' yet' jun tzo'n̈ xo tas yic tzach 'och ricoal yu'uj? 'oj schic eb', xchi Dios, xa chi 'a 'a.

Am 1:12

Yuj cha, 'oj wac' n̈usxoc tz'a chon̈b' Temán, ax jun c'ac' chi 'oj satnc 'el jun tzo'n̈ scuartel eb' 'aj Bosra, xchi.

Abdías 1:9

A wal eb' jeln ya'n owl 'a e cal ex 'aj Temán, caw 'oj 'ib'xoc eb' yuj xiwlal. Man̈x 'a junc eb' cajn 'a lum jolm witz chi 'a yol yic Esaú 'oj can 'a spitznal.

Habacuc 3:3

Ach Dios Cojxn̈ej ach Niwn El'chi, ach cot 'a lum tzaln tzcuch Parán 'a yol yic Temán. Xmacchj 'el smasnil satchan̈ yuj a tzictznial, ax smasnil tas 'ay 'a yolyib'n̈q'uinl tic, c'uxn xyal eb' swach' paxti 'ayach.