Ez 24:24 - Chuj San Sebastian Bible

²⁴ An Ezequiel in tic, an tzin 'och ch'oxnb'ilal 'ayex, smasnil jun tzo'n̈ tzin b'o tic, a 'oj e b'o pax ax tic. A yic 'oj ujc jun tzo'n̈ tic, ax eyojcan 'eli, to a Jehová Cajlil, a 'ixta tzex 'utni, xin chi 'a eb'.

Chuj San Mateo Bible

²⁴ A in Ezequiel in tic, a in tzin och ch'oxnab'ilal d'ayex. Masanil tas tzin c'ulej tic, a' ol e c'ulej pax a ex tic. Ayic ol ujoc masanil juntzan̈ tic, ol nachajel eyuuj to a Dios Yajal toni, xin chi d'a eb'.

Ez 24:24 ပူးပေါင်းရင်းမြစ်များ

Is 20:3

Xlajw cha, xyaln pax Jehová 'ixtic: A win in checb' Isaías tic, 'oxe ab'il xb'eyc' 'a yic may xan̈b' 'aychi, jitn 'eli, cojn yojl spichl 'aychi yic x'eq'ui; a jun tic, ch'oxnb'il yaj 'a eb' 'aj Egipto yet' 'a eb' 'aj Etiopía.

Is 8:18

An tic yet' eb' wunnal xyac' Jehová, ch'oxnb'il waj yet' eb' 'a scal eb' wit israelal. 'Ixta waj yuj Jehová tztac' yuj smasnil, cajn 'ec' 'a tzaln Sión.

Jeremías 17:15

Tzyal eb' 'anma 'ayn 'ixtic: ¿'Ajtil 'ay jun tzo'n̈ spaxti Jehová ya'jnac can 'och 'a quib'n̈ec? ¡'El'ch cab' tas yaljnac chi ticnec! xchi eb'.

Ez 12:11

Tzaln 'a eb' 'ixtic: An tic ton̈j ch'oxnb'il jun tzwac' 'ayx tic. 'Icha 'ix wutj in ch'oxn tic, 'ixta 'oj 'aj eb' 'ayt can 'a Jerusalén yijx 'at 'icha presoal, xa chi 'a eb'.

Ez 12:6

A 'a yic wan xo sq'uic'b'i, tza'n q'ue a pa chi 'a sjolm a quelab', q'ueln 'och eb' 'ayach yic tzach 'at cha. Tza mac a sat, sec matz uj eln can jun chon̈b' cha. 'Ixta tzach wutj ach wa'n 'och ch'oxnb'ilal 'a eb' et israelal cha, xchi 'ayin.

Ez 17:24

Ax smasnil te niwc te', 'oj yojcoc 'el eb' te', to an ton Jehová in. An tzwac' ch'acxoc 'el te niwquil te cha, ax te tzapn ste'il, a te tzwac' q'uib'oc. An tzwac' tacjoc eb' te', an pax tzwac' yaxb'oc te wan stacji. An tzwal jun tzo'n̈ tic, to 'oj wac' 'el'choc, xchi Dios.

Ez 20:44

Ex israel, a yic 'oj eyilnoc to matz wac' eyailal 'icha wal smoj tzex 'aj yuj e b'eyb'al mto yuj tas maysch'olnil tz'el e b'oni, palta to tz'o'ch in c'ojl 'ayex yuj yi'nb'ilc chan̈ in b'i, ata 'oj eyojcoc 'eli to an Jehová in, cojn in ton Dios in, xchi Dios.

Ez 25:11

An̈jtona', 'oj wa'ch yailal 'a yib'n̈ eb' 'aj Moab, sec 'oj yojcoc 'el eb', to an Jehová in, an 'ixta tzwutj eb'.

Ez 25:14

An Jehová in, an tzwala, to 'oj in c'anlb'oc eb' in chon̈b' israel yic tzin pacn in b'a 'a eb' 'aj Edom. 'Oj ya'ch eb' syailal eb' 'aj Edom 'icha wal yaj yowl in c'ojl 'a yib'n̈ eb', sec 'oj yojcoc 'el eb', to an tzin pac in b'a 'a eb'.

Ez 25:17

Caw niwquil 'oj wutc in pacn in b'a 'a eb' yuj yowl in c'ojol, sec 'oj yojcoc 'el eb', to an Jehová in, to cojn in ton Dios in, xchi Dios.

Ez 25:5

A chon̈b' Rabá, swalab' e no cameyo xoj 'oj 'ajoc, ax chon̈b' Amón, swalab' calnelu 'oj 'ajoc, sec 'oj eyojcoc 'eli, to an Jehová in, an 'ixta tzex wutej.

Ez 25:7

Yuj cha, 'oj wi' chan̈ in c'ab', ax wa'n 'och eyailal. 'Oj ex wac' 'a yol sc'ab' jun tzo'n̈ xo nacion̈, sec 'oj 'ijxoc 'ec' smasnil tas 'ay 'ayx yuj eb'. Ax ex in satn 'el 'a scal jun tzo'n̈ xo chon̈ab', 'oj e lajw 'el 'a jun 'ejmn̈ej, sec 'oj eyojcoc 'eli, to an Jehová in, an 'ixta tzex wutej.

Ez 4:3

Tze'n cot junc q'uen sa'am, tza lin̈n chan̈ 'a a cal yet' jun chon̈b' cha, tzach 'och q'ueln 'a 'a, 'icha cab' to wan a'n owl yet'oc. Atn jun chi tz'och ch'oxnb'ilc 'a eb' et israelal.

Ez 6:7

At yic 'oj eyilnoc to niwn 'anma 'oj cham 'a e cal, ax to e nan coti to an Jehová in tic, cojn in ton Dios in.

Ez 7:27

A win rey yet' eb' 'aych yajlil yet'oc, 'oj 'och eb' 'a cusc'ojlal, ax eb' 'anma smasnil, 'oj laj 'ib'xoc eb' yuj xiwlal. 'Oj wa'ch syailal eb' yuj smul cha. 'Icha wal xyutj eb' yixtn eb' yit 'anma'il, 'ixta pax 'oj wutc eb'. 'Ixta to b'i'an, ax in yojcan 'el eb', to an ton Jehová in, to cojn in ton Dios in, xchi Dios 'ayin.

Ez 7:9

Man̈x 'a in niwnc'ojlal 'a eyib'an̈. 'Oj wa'ch eyailal yuj e b'eyb'al maysch'olnil, yujto yajb'entac tas tzlaj e b'o'. 'Ixta to b'i'an, ax in eyojcan 'eli, to an Jehová in, an tzwa'ch eyailal.

Lc 21:13

Yuj wal cha, wach' 'oj eyal wab'xil 'a sat ewinac.

Jn 13:19

'Aycto tzwaln can jun tzo'n̈ tic 'ayex, sec wach' a yic 'oj jawc jun chi 'a wib'an̈, ax e wach' 'a'n 'och e c'ojl 'ayin, to an ton Cristo in.

Jn 14:29

'Aycto, tzwaln can jun tzo'n̈ tic 'ayex, sec wach' a yic 'oj jawc 'icha tzwal tic, ax in e wach' 'a'n 'och 'a e c'ojol.

Jn 16:4

Tzwalcn jun tzo'n̈ tic 'ayex, sec a yic 'oj jawc jun tiempoal cha, 'oj e na coti, to waljnacx can 'ayex. Ma'ix wal jun tzo'n̈ tic 'ayx 'a yic yalan̈, yujto 'aynto 'ec' eyet' ta'.