Ez 23:7 - Chuj San Sebastian Bible

⁷ A eb' caw wach' yilx 'a scal eb' 'aj Asiria cha, a yet' eb' sb'o 'ix 'ajmulal. Xya'n 'och 'ix snab'en 'a jun tzo'n̈ sdiosal eb', xya'n 'ejm sb'a 'ix 'a 'a.

Chuj San Mateo Bible

⁷ A yed' eb' te vach' yilji d'a scal eb' aj Asiria chi' ix mulan ix Ahola chi'. Ix yac'anpaxb'at spensar ix d'a sdiosal eb', ix och ix ejmelal d'a juntzan̈ chi'.

Ez 23:7 ပူးပေါင်းရင်းမြစ်များ

Gn 10:22

Eb' yunnal Sem, atn Elam, Asur, Arfaxad, Lud yet' Aram.

Salmos 106:39

'Ixta xyutj eb' sjun 'el sb'a, 'ix laj 'och eb' 'ajmulal yuj tas xlaj sb'o cha.

Ez 16:15

Palta 'ix ya'ch yipc sc'ojl swach'l yilx cha, caw b'inab'il snani. Yujn̈ej cha, 'ix ya'n 'och sb'a 'ajmulal, tzann̈j mach tzc'och 'a 'a, tzya'n 'och sb'a 'a yol sc'ab'.

Ez 20:7

Xlajw cha, xwaln 'a eb' 'ixtic: Junjn mach, sjul cab' 'el jun tzo'n̈ yechl sdiosal yajb'entac yilx cha. Man̈ eyixtc 'el e b'a yet' jun tzo'n̈ yechl sdiosal eb' 'aj Egipto, yujto an Jehová in, an e Diosal in, xin chi 'a eb'.

Ez 23:30

'Ixta wal 'oj aj yuj jun tzo'n̈ cha, yujto 'ix a'ch a b'a 'ajmulal yet' jun tzo'n̈ xo nacion̈, 'ix a'n 'ejm a b'a 'a sdiosal eb'.

Os 5:3

Wojc tas eyaj ex israel 'a yol yic Efraín, ¿tom tze na'a to man̈ wojcoc tas eyaji? 'Ix eya'ch e b'a 'ajmulal, 'ix eyixtj 'el e b'a yuj e maysch'olnilal.

Os 6:10

Caw wal yajb'entac yilx eb' 'aj Israel tzwila. Ax eb' 'aj Efraín caw xyixtj 'el sb'a eb' yuj 'ajmulal.