Ez 23:49 - Chuj San Sebastian Bible

⁴⁹ A chawn̈ eb' 'ix 'ix cha, 'oj wac' stup lajwc eb' smul yuj yajmulal, yujto xyac' pax 'ejm sb'a eb' 'a jun tzo'n̈ yechl comn dios. Ax snachj 'el eyuj ax chab' chon̈b'al ex cha, to an Jehová Yajl in, an 'ixta tzex wutej, xchi Dios 'ayin.

Chuj San Mateo Bible

⁴⁹ A chavan̈ eb' ix chi', ol vac' syaelal eb' ix yuj yajmulal, yuj pax smul eb' ix b'aj tz'och ejmelal d'a comon dios. Icha chi' ol aj snachajel yuj eb' ix to a in ton Dios Yajal in, xchi Jehová, xa chi d'a eb'.

Ez 23:49 ပူးပေါင်းရင်းမြစ်များ

Salmos 9:16

Mamin Jehová, ach 'ojcax 'el yuj tas wach' tza b'o'o. Mun tzyalej sb'a eb' tzb'on maysch'olnil.

Is 59:18

A Dios 'oj yac' spac yic junjn 'anma', a tzyala tas tz'el sb'oni: 'Oj ya'ch syailal eb' 'ajc'ojl yajch 'a 'a, eb' tzchichn 'och 'a 'a, yet' eb' nacion̈ cajn 'a sla'nil sti a mar. 'Oj yac' spac 'a eb', a tzyal tas xyutj eb' yi'n cot 'a yib'an̈.

Ez 11:21

An Jehová in an tzwala. A eb' tznib'j to tzb'eylb'ej tas yajb'entac, an 'oj wac' syailal eb' yuj jun tzo'n̈ sb'eyb'al cha, xchi Dios 'ayin.

Ez 16:43

An Jehová in, an tzwala. 'In man̈xtoc sna coti tas 'ajnc scot 'a yune'al, stzuntzj cot yowl in c'ojl yet' jun tzo'n̈ tas sb'o cha. Yuj wal jun sb'eyb'al tic, ax wa'n 'och syailal.

Ez 16:58

Ax ticnec b'i'an, tzchaj scuch yailal yuj tas maysch'olnil sb'o'o, yujto yajb'entac 'ix yutj sb'a.

Ez 20:38

'Oj wic' 'elt eb' maysch'olnil snab'en 'a e cal, yet' eb' x'och 'ajc'ojlal 'ayin, 'oj wic' 'elt eb' 'a e cal 'a lum chuc chon̈b'al 'aj 'ayx 'ec' cha; palta man̈x 'oj 'och eb' 'a lum slum eb' yit israelal cha. Ax in eyojcan 'eli, to an Jehová in, cojn in ton Dios in.

Ez 20:42

A yic 'oj ex wi'n 'och 'a lum slum eb' eyit israelal, lum wa'jnac can in ti' wa'n 'a eb' e mam eyicham, ata 'oj in eyojcoc 'eli, to an ton Jehová in, to cojn in ton Dios in.

Ez 20:44

Ex israel, a yic 'oj eyilnoc to matz wac' eyailal 'icha wal smoj tzex 'aj yuj e b'eyb'al mto yuj tas maysch'olnil tz'el e b'oni, palta to tz'o'ch in c'ojl 'ayex yuj yi'nb'ilc chan̈ in b'i, ata 'oj eyojcoc 'eli to an Jehová in, cojn in ton Dios in, xchi Dios.

Ez 22:31

Yuj wal cha, 'oj wa' cot yowl in c'ojl 'a yib'an̈. 'Oj wac' lajwc 'el eb' 'anma yuj in c'a'lc'ojlal. 'Ixta 'oj 'aj sjaw yailal 'a yib'n̈ eb' yuj sb'eyb'al cha, xchi Dios, xa chi 'a eb', xchi 'ayin.

Ez 23:35

Yuj cha, an Jehová in, an tzwal 'ixtic: Yujto 'ix ac' sat a c'ojl 'ayin, in a patquilj can 'eli, yuj cha, 'oj wac' ab' syal yuj ajmulal cha, xchi Dios 'a yib'n̈ Jerusalén.

Ez 23:48

'Ixta wal 'oj wutc in satn 'el 'ajmulal 'a sat lum lum tic, ax xib'tn sb'a smasnil eb' 'ix 'ix, man̈x comnoc 'oj sb'o eb' 'ajmulal.

Ez 24:1

A 'a slajn̈il c'u yoch slajn̈il 'uj yic sb'aln̈il ab'il quijx cot 'icha presoal, ata 'ix yal Jehová 'ayn 'ixtic:

Ez 25:5

A chon̈b' Rabá, swalab' e no cameyo xoj 'oj 'ajoc, ax chon̈b' Amón, swalab' calnelu 'oj 'ajoc, sec 'oj eyojcoc 'eli, to an Jehová in, an 'ixta tzex wutej.

Ez 6:7

At yic 'oj eyilnoc to niwn 'anma 'oj cham 'a e cal, ax to e nan coti to an Jehová in tic, cojn in ton Dios in.

Ez 7:4

Man̈x 'a in niwnc'ojlal 'a eyib'an̈. 'Oj wa'ch eyailal yuj e b'eyb'al maysch'olnil, yujto yajb'entac tas tzlaj e b'o'. 'Ixta to b'i'an, ax in eyojcan 'eli to an Jehová in tic to cojn in ton Dios in.

Ez 7:9

Man̈x 'a in niwnc'ojlal 'a eyib'an̈. 'Oj wa'ch eyailal yuj e b'eyb'al maysch'olnil, yujto yajb'entac tas tzlaj e b'o'. 'Ixta to b'i'an, ax in eyojcan 'eli, to an Jehová in, an tzwa'ch eyailal.

Ez 9:10

'Ixta wal 'oj wutc eb', man̈x 'a in niwnc'ojlal 'a yib'n̈ eb' 'anma tic yuj stu b'eyb'al. Yuj smul eb' cha, ax sjaw wal yailal 'a yib'n̈ eb', xchi.