Ez 23:4 - Chuj San Sebastian Bible

⁴ A 'ix b'ab'el, Ahola sb'i 'ix, tzyal 'el'chi, atn chon̈b' Samaria; ax 'ix schab'il, Aholiba sb'i 'ix, tzyal 'el'chi, atn chon̈b' Jerusalén. 'Ix wica'an eb', 'ix laj 'alj wunnal yet' eb' 'ix.

Chuj San Mateo Bible

⁴ A ix b'ab'el, Ahola sb'i ix, aton Samaria sch'oxcot ix. Axo ix schab'il chi', Aholiba sb'i ix, aton Jerusalén sch'oxcot ix. A in ix vac'och eb' ix vetb'eyumoc, ix aj vuninal yed' visil yed' eb' ix.

Ez 23:4 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 12:20

A yic xyab'n eb' israel, chajtlto a Jeroboam tox 'ix japx cajn 'a yol schon̈b' eb' yit israelal, x'at ya'nc eb' 'awtxoc coti, yic tzch'oxn sb'a 'a sat eb' chon̈ab'. Xlajw cha, 'ix ya'n 'och eb' sreyloc. Cojxn eb' yin̈tl Judá 'ix can yet' Roboam, win yin̈tl David.

A Ch'an̈ B'ab'el Libro Yic Yab'ixal Eb' Rey 8:29

Q'ueln achn̈ej cab' 'och 'a jun atut tic 'a junjn c'u yet' 'a junjn 'ac'wal, jun aljnac chajtlto a 'a yojl tic 'oj a b'inaxn̈ej. Yuj cha, maclj wal ab' in lesl an a checb' in tic.

Salmos 76:2

A 'a tzaln Sión ata 'ay scajnub', 'a yol yic Jerusalén ata tzmacwji.

Jeremías 3:6

A 'a yic stiempoal win rey Josías, 'ix yaln Jehová 'ayn 'ixtic: ¿'Ix el am wal tas sb'o eb' et chon̈b' cha? Lajn wal xyutj sb'a eb' 'icha eb' 'ix 'ajmul 'ix. Caw tz'at eb' 'at sb'o mul 'a smasnil lum tzalctac, yet' 'a yich eb' te te pim xi'il.

Jeremías 3:7

A in nani, to a yic 'oj lajwc sb'onc eb' jun tzo'n̈ cha, ax smeltzj pax cot eb' 'ayin; palta man̈x 'ic meltzj eb' 'ayin. An̈jtona eb' 'aj Judá, 'ix yil eb' tas tzyutj sb'a eb' 'aj chon̈b' Israel, jun 'ayt yuj sb'a yet' eb', tenmtac xyutj pax sb'a eb' 'ayin.

Ez 16:20

Ax eb' wunnal yet'oc, 'ix yac' tz'a eb' xajmb'al-l 'a jun tzo'n̈ yechl cha. Man̈ cojnoc to 'ix 'och 'ajmulal,

Ez 16:40

'Oj 'och eb' 'anma 'ajc'ojlal 'a 'a. 'Oj sjul q'uenoc eb', ax stzu'n cham eb' yet' yespada.

Ez 16:46

A 'ix b'ab'l 'ix cha, tzyal 'el'chi atn chon̈b' Samaria 'ay 'a stojlal norte yet' yaldeail; ax 'ix tza'n 'ix, tzyal 'el'chi atn chon̈b' Sodoma yet' yaldeail 'ay 'a stojlal sur.

Ez 16:8

In 'ec' pax 'a stz'ey jun 'ejm xo, xwilni to stiempoal xo yoch 'a nupnel. Yuj cha, ax in potil, a xin potb't 'a yib'an̈, 'ixta x'aj yoch spichul, 'ix macchj 'el sq'uixwelal. 'Ix wa'n in trato yet'oc to tzwique'ej an Jehová in.

Ez 23:3

A chawn̈ 'ix tic, caw cob's to eb', xya'n 'och sb'a eb' 'ajmulal 'a Egipto; ata xyac' eb' yamxoc yim, 'ix 'e'cn scob'sal eb' chi ta'.

Ez 23:36

'Ix yaln Jehová 'ayn 'ixtic: Ach 'anma', al yab' 'ix Ahola yet' 'ix Aholiba, to 'oj yab' eb' syal yuj jantcn̈ej tas yajb'entac sb'o'o.

Ez 23:44

Yujto 'ix jaw ewin wayc yet' eb' 'ix, 'icha tzyac' junc 'ix 'ajmul 'ix, 'ixta 'ix 'aj ewin sjaw 'a 'ix Ahola yet' 'a 'ix Aholiba, xya'n 'och sb'a eb' 'ix 'ajmulal.

Ez 23:5

A 'ix Ahola cha, xya'ch 'ix smul 'a yol in c'ab', sb'o 'ix 'ajmulal yet' ewin soldado 'aj Asiria.

Os 1:3

Yuj cha, xwi'n in b'a yet' jun 'ix 'ix tzcuch Gomer, yisl jun win Diblaim sb'i. Xlajw cha, scuchn chan̈ 'ix yune', 'ix 'alj jun swinc 'unn 'ix.

Os 2:7

'Oj 'och tza'n cob' yuj eb' nib'b'il yuj cha, palta ma'oj yamchjoc eb' yu'uj. 'Oj cob' sayc' eb', palta ma'oj 'ilchjoc eb' yu'uj. Yuj cha, ax yaln 'ixtic: 'Oj in meltzj pax 'a win wichmil wijnac 'a b'ab'el, yujto wach' to waj yet' win 'a yib'n̈ pax 'icha waj ticnec, 'oj schic e nun cha.

Jn 4:22

Ax 'aj Samaria ex tic, tzcob' eyal e b'a 'a Dios, palta man̈ eyojcoc Dios cha. Aln̈ an̈ israel on̈ tic on̈, caw cojc qui Diosal 'aj tzcal qui b'a on̈. A 'a qui cal on̈, ata 'oj 'eltc jun Colwjum.

Ro 7:4

Ex wu'tac, ex wanab', a ticnec, junn̈j on̈ 'ajc yet' sniwnal Cristo yic schami. Yuj cha, a 'a sat Dios, chamnc on̈c xo 'elt 'a yol sc'ab' ley yic Moisés. Palta 'ay junx 'icha to 'ichmilab'il yaj 'ayn̈ec, atn jun pitzwnac pax 'a scal eb' chamnac. 'Ixta cajc yet'oc, sec wach' 'ay copisoec 'a Dios.