Ez 23:35 - Chuj San Sebastian Bible

³⁵ Yuj cha, an Jehová in, an tzwal 'ixtic: Yujto 'ix ac' sat a c'ojl 'ayin, in a patquilj can 'eli, yuj cha, 'oj wac' ab' syal yuj ajmulal cha, xchi Dios 'a yib'n̈ Jerusalén.

Chuj San Mateo Bible

³⁵ Yujto ix in b'atcan satc'olal uuj, ix ach el mican d'ayin, yuj chi' yovalil ol ab' val syail yuj ajmulal chi', xchi Jehová.

Ez 23:35 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 14:9

Palta ach xo tic, yel xo wal tu tas tza b'o 'a yib'n̈ smasnil eb' 'e'nc reyl 'a yic mantzac ach 'ochi. A jun tzo'n̈ q'uen 'ix a b'o a diosaloc, in a patquiln can 'eli, yic tza tzuntz cot wowal.

Nehemías 9:26

Palta caw stzuntzj cot eb' yowl a c'ojol, caw pit 'ix yutj sb'a eb' 'ayach, 'ix spatquilj can 'el eb' a ley. Caw 'ix tenx 'och wan eb' yuj eb' a checab', sec tzjel eb' sb'eyb'al 'ayach; yuj cha, 'ix milx cham eb' a checb' yuj eb', caw niwquil smul eb' xya'chi, yajb'entac xyutj sb'a eb'.

Pr 30:9

Toto 'oj yac' sobra tas 'ayin, ax 'oj 'ajoc, 'oj a 'at am satc'ojlal wu'uj, ax walni to man̈ ach wojcoc. Toto may pax tas 'ay 'ayin, ax 'oj 'ajoc, 'elc'ln̈ej am 'oj weq'ui, ax yoch in mul 'aych ach in Diosal, xin chi 'a Dios.

Is 17:10

Yujto 'ix eyac' sat e c'ojl 'a qui Diosal coljnacn̈ec, ma'ix e na coti toto ata qui coljnaquec qui b'a. Yuj cha, wach'xam 'oj eyawc eyawb'ente caw wach' xlaj eyi' cot 'a chuc chon̈b'al.

Jeremías 13:25

Atn wal chi 'aych xon 'a eyib'n̈ ex 'aj Israel, a chi smoj wa'n 'ayex. Yujto in 'atcn satc'ojlal eyu'uj, ax jun tzo'n̈ yechl to may jac yel'chi, axn̈ej eb' xeya'ch yipc e c'ojol.

Jeremías 2:27

'In tzeyal 'a junc te te 'ixtic: Ach tic, qui mam ach, xe chi. Tzeyaln pax 'a junc q'uen q'ue'en: Ach tic, qui nun ach, xe chi paxi. Ax 'ayin, a yich e patc tzeya'cn coti, man̈xtzac ex cot q'ueln 'ayin. Ax 'a yic tzjaw tzann̈j yab'ilal 'a eyib'an̈, tzeyaln 'ayn 'ixtic: ¡Cotan̈, colwjan̈ quet' on̈! xe chi.

Jeremías 2:32

¿Tom tzsat sc'ojl eb' 'ix cob'stac ya'n 'och ston̈, mto spichul yic tz'och eb' 'ix 'a nupnel? Ax xo wal ax in chon̈b' ex tic, pectix in 'atcn satc'ojlal eyu'uj.

Jeremías 2:7

An wijnac 'och eb' 'a sat jun lum lum caw 'ay syaxil sat tic, sec wach' tzc'ux eb' tas wach' tz'el-l 'a sat lu'um. Palta ax xo ax yin̈tl ex eb' tic, ex cajn ex 'a sat in lum tic, caw xjuw 'el lum eyu'uj, eyuj ton wal b'i'an, yuj cha, man̈xtzac in nib'j jun lum tic.

Jeremías 23:27

A jun tzo'n̈ eb' cha, tzna eb' tas tzin 'aj in 'atcn satc'ojlal yuj eb' in chon̈ab', yuj swaych eb' tzyal-laj 'a jun jun. 'Icha wal yutjnac sb'a eb' e mam eyicham, 'atnc in satc'ojlal yuj eb', cojxn̈ej Baal xyac' servil eb'.

Jeremías 3:21

Tz'ab'x jun tzo'n̈ 'aw tz'och 'a lum tzalctac to caw cusltac, a eb' israel tz'el yaw yoq'ui, tzc'ann eb' colwal. 'Ix 'elcn eb' 'a jun b'e yic tojlal. 'Ix sat sc'ojl eb' 'ayn an Jehová sDiosal in eb' tic.

Jeremías 32:33

Ma'ix cot q'ueln eb' 'ayin, palta to a yichspatc eb' xya' cot 'ayin. Wach'xam caw ma'ix 'och wan in cuyn eb', palta ma'ix schaj xon eb' yab'i', a tas 'aj xin tench wan eb', caw may yel'ch 'a sat eb'.

Ez 22:12

'Ay eb' eyajlil tzchan tumin yic tzya'n 'och eb' chaml 'a yib'n̈ junc xo mach. 'Ay eb' tz'a'n q'uen tumn majnil 'a junc xo yit 'anma'il, palta niwn yune q'uen tumn chi tzc'an eb', tzya'n eb' sat sc'ojl 'ayin.

Ez 44:10

A eb' levita, xyij 'el sb'a eb' 'a in tz'ey eyet'oc, 'ix 'at yalnc sb'a eb' 'a jun tzo'n̈ yechl comn dios, yuj cha, 'oj yab' eb' syal yuj smul cha.

Ez 7:4

Man̈x 'a in niwnc'ojlal 'a eyib'an̈. 'Oj wa'ch eyailal yuj e b'eyb'al maysch'olnil, yujto yajb'entac tas tzlaj e b'o'. 'Ixta to b'i'an, ax in eyojcan 'eli to an Jehová in tic to cojn in ton Dios in.

Os 13:6

Palta a yic ya'n sobra tas tzc'ux eb', 'ix sb'an̈n sb'a eb', in 'atcn 'a satc'ojlal yuj eb'. 'Ixta pax ex ax tic.

Os 8:14

A eb' israel cha, til wal jun tzo'n̈ yatut eb' rey xlaj sb'o eb', palta man̈x in nanoc yuj eb', tic pax an in b'ojnac eb'. A eb' 'aj Judá, til wal chon̈b' 'aych smuroal xlaj sb'o eb', palta 'oj wa'ch sc'a'l schon̈b' eb', yet' scuartel eb', xchi Dios.

Lv 24:15

Al jun tzo'n̈ tic 'a eb' et israelal: A mach tz'och smul in sb'ajn an Jehová sDiosal in, yowlal tzcham yuj smul cha. A smasnil eb' chon̈b' tzjuln chamoc. Toxn̈ej cab' chuc chon̈b'al, mto 'aj chon̈b' eyet'oc, toto tzb'ajwj 'ayin, yowlal tzjulx chamoc.

Nm 14:33

Ax eb' eyunnal tic, 'icha to 'ilj calnelun̈ej 'oj sb'o eb' chawinc ab'il 'a lum cusltac lum tic. A eb' 'oj tupn lajwc e tenmtacl x'och 'ayin, masnto 'oj lajwc e chamcn ax tic 'a lum cusltac lum tic.

Nm 14:34

Yujto chawinc c'u xit' eyil 'elt lum lum cha, yuj cha, chawinc ab'il 'oj 'och yailal 'a eyib'an̈. Tzyal 'el'chi, junjn ab'il 'a junjn c'u, sec 'oj eyojcoc 'eli, to 'ay smay e meltzj 'och 'ayin.

Nm 18:22

Ax pax smasnil jun tzo'n̈ xo eb' eyit israelal, may yaln eb' yic sjaw 'a in Mantiado, toto ma'ay, 'oj 'och smul eb', ax scham eb' ta'.

Ro 1:28

Matz nib'j eb' 'ay yel'ch Dios 'a 'a. Yuj cha, tzyactn can Dios eb', yic tzwach' juw 'el snab'en eb', sec tzwach' b'oj eb' jun tzo'n̈ caw man̈ smojoc.