Ez 23:32 - Chuj San Sebastian Bible

³² An Jehová Yajl in, an tzwal 'ixtic: A tas xyu'j 'ix a nul'j cha, a pax 'oj wac' oc' ach tic. A jun vaso 'oj a c'an cha, caw niwquil, xab' pax yich. Ata 'oj b'ut'joc 'ejm sb'uchwal paxti eb' nacion̈ 'ayach.

Chuj San Mateo Bible

³² A in Jehová Yajal in svala': A tas ix yuc' ix a nulej chi', a' ol uc'paxi. A jun vaso te nivan yool, a ol uc'lab'ej. Masanil nación ol ach b'uchanoc, ol ach stzetzan pax yuj jun nivan vaso tzuc'lab'ej chi'.

Ez 23:32 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 9:7

toto 'ixta', 'oj wi'l in chon̈b' Israel tic 'a sat lum lum wa'jnac can 'ayx tic. A jun n̈a 'ix in si'cn 'och wico'oc can tic, 'oj wi'cn 'el 'a wojltac, nachji ax ex sb'uchn smasnil eb' nacion̈.

Salmos 44:13

On̈ a'cn 'och b'uchnb'ilal 'a eb' 'anma cajn 'a qui tz'ey on̈. Caw tzon̈ stzuntzj eb' on̈, may jac quel'ch 'a sat eb' on̈.

Salmos 60:3

An̈ a chon̈b' on̈ tic on̈, 'ix ac' quil niwc yailal, 'icha to 'ix ac' cuc' jun yal uva tzcot 'a qui jolm yu'uj.

Salmos 79:3

'Icha sb'ey a a', 'ixta wal xb'ey schic'l eb' 'a yol chon̈b' Jerusalén, may xon mach xmucn eb'.

Is 51:17

Pitzc 'el 'a e sat ex 'aj Jerusalén, 'ijec pax chan̈ e b'a. A ticnec, tox 'ix 'ec' yowl sc'ojl Jehová 'a eyib'an̈. A eyailal 'ix 'eq'ui, 'icha tz'aj sat sc'ojl eb' 'u'm 'an̈ yuj yan̈ cha, 'ixta ex 'aj yuj eyailal tic.

Jeremías 25:9

yuj cha, 'oj wawtc cot smasnil eb' chon̈b' 'ay 'a stojlal norte, yet' pax in checb' Nabucodonosor sreyl chon̈b' Babilonia, yic wach' tzjaw eb' yac' owl 'a jun chon̈b' tic, yet' 'a smasnil jun tzo'n̈ xo nacion̈ 'ay 'a stz'ey, yet' smasnil eb' cajn 'a 'a. 'Oj in satl eb' smasnil. Jun 'ejmn̈ej 'oj wac' lajwc 'ejm eb'. Ax eb' 'oj 'ilnc eb', 'oj xiw eb' yuj eb', 'oj b'uchxoc eb' yuj eb'.

Jeremías 48:26

Tzyaln pax Jehová 'ixtic: Somchjnacx snab'en eb' 'aj Moab, yujto tenmtac xyutj sb'a eb' 'ayin. Tzetzx cab' eb' yuj eb' 'anma', 'icha tz'aj stzetzx junc 'u'm 'an̈ tzb'al sb'a 'a scal xej.

Ez 16:57

yujto mantzac checlj smul. Ax ticnec, a eb' edomita, eb' filistea yet' eb' cajn 'a stz'ey, caw wal 'oj sb'uch eb'.

Ez 25:6

An tzwal 'ixtic: Ax tic, caw e po'jnac e c'ab', e te'n wal 'ejm eyoc, caw tzaljnac ex yic slajw 'el chon̈b' Israel.

Ez 26:2

Ach 'anma', a eb' 'aj Tiro, 'ix yal eb' 'ixtc 'a yib'n̈ chon̈b' Jerusalén: ¡A Jerusalén tox 'ix lajw 'ejmi! A 'a yic yalan̈, sb'e eb' chon̈wjum yaji, ata tztojcn eb' yic tz'ec' eb' yet' schon̈ cha, ax ticnec, tox xlajw 'ejm jun chon̈b' cha, yuj cha libre xo que'c ticnec yet' qui chon̈, 'oj cochc wal ricoal, xchi eb'.

Ez 35:15

Yujto a yic slajw 'el chon̈b' Israel wu'uj, caw wal tzaljnac ach, yuj cha, 'icha wal 'ajnc cha, 'ixta 'oj ach wutc ach in satn 'eli. 'Oj can eb' lum switzl Seir 'a cusltaquil, atn lum slum can Edom, 'ixta to b'i'an, ax in ojcan 'eli to an Jehová in, to cojn in ton Dios in, xchi Dios, xa chi.

Ez 36:3

A yic 'ix smacn 'ec' eb' nacion̈ chi yico'oc lum jolmctac witz 'a yol e macb'en, 'ix laj satnc 'el eb' tas 'ay 'a jun tzo'n̈ lugar cha, 'ix laj b'uchwj eb' 'ayx ax cajn ex chi ta'.

Ez 5:14

Sictac 'oj 'ajcn e chon̈b' tic, ax yic 'oj laj 'ec' eb' 'anma cajn 'a stz'ey, 'oj laj stzetzc eb'.

Ez 5:15

A yic 'oj wa'nc 'och yailal 'a eyib'n̈ yuj yowl in c'ojol, ax eb' 'anma 'a jun tzo'n̈ xo chon̈b' 'a e la'nil, caw wal 'oj ex stzetzc eb', ax ex sb'uchn eb'.

Os 7:16

Tzmeltzj cob' eb', palta man̈xoc 'a 'ayn an Niwn Wel'ch tic. 'Icha junc jul-lab' man̈ tojloc, matz yamchj tas tzjulx yet'oc, 'ixta eb'. A yuj spaxti eb' syajlil eb' tzyal 'a b'an̈quinal, yuj cha, ax scham eb' yuj q'uen espada. Ax eb' 'aj Egipto, toxn̈ej 'oj b'uchwjoc eb' 'a eb'.

Miqueas 7:8

Ex 'ajc'ojl eyajch 'ayn̈ on̈, man̈ex tzaljoc yuj tas tzon̈ 'aj on̈. Wach'xam tzon̈ 'ejmi, palta 'oj qui q'uex wan jun 'ejm xo on̈. Wach'xam tz'och 'oynjoc q'uic'q'uinl 'ayon̈, palta a Jehová 'aych qui sacq'uinloc on̈.

Dt 28:37

'Oj sat sc'ojl jun tzo'n̈ xo nacion̈ eyu'uj, tu eyilx 'a sat eb'. 'Oj e b'uchx yuj eb' 'anma 'aj 'oj ex yi't Jehová.

Apoc 16:19

A jun niwquil chon̈ab', 'oxe x'eli. Ax smasnil chon̈b' 'a yolyib'n̈q'uinal, c'uxn xlaj lan̈chj 'ejmi. Ax Dios, 'ix snan cot stul jun niwquil chon̈b' tzcuch Babilonia. 'Ix ya'n 'at junx niwn yailal 'a yib'n̈ eb' yuj yowl sc'ojol. 'Icha to xyac' yuc' junjn eb' jun yal uva jawnc sti'.

Apoc 18:6

'Icha xyutj sb'a 'ix 'a jun tzo'n̈ eb', 'ixta tzeyutj eya'n spac 'a 'a. Cha'ejm tzeyutj eya'n spac 'a 'ix. A sb'al jun svaso 'ix xyac' 'a jun tzo'n̈ xo eb' cha, cha'ejm yel xo ow tzeyutj eya'n spac 'a 'a.