Ez 23:15 - Chuj San Sebastian Bible

¹⁵ 'aych jun tzo'n̈ cincha 'a snan̈l eb' yic yopiso cha. A sc'oxl sjolm eb' 'ay q'ue'i, tz'ib'quintac yilxi, 'icha yilx eb' scapitan̈il eb' soldado 'aj Babilonia, 'ixta yilx eb', caldeo eb' smasnil.

Chuj San Mateo Bible

¹⁵ ayoch stzec'ul snan̈al eb', aypaxoch c'apac stzec'ul sjolom eb' tzijtum yelav, icha val to yajalil soldado eb', aj Caldea eb'.

Ez 23:15 ပူးပေါင်းရင်းမြစ်များ

A Ch'an̈ Schab'l Libro Samuel 14:25

A 'a scal eb' israel, may wal junc mach lajn yilx 'icha Absalón, caw wal wach' yilx sniwnal smasnil. Caw b'inab'il 'a scal eb' 'anma cha, yujto may tas palta 'a sniwnal.

Is 22:21

a jun tzo'n̈ a pichl tza'ch 'a opiso, a 'oj wa'ch 'a 'a, yet' jun a sincha yic a b'inab'ilal, ax wa'n can opiso chi 'a 'a. 'Icha wal junc mamb'il, 'ixta 'oj 'aj 'a eb' cajn 'a Jerusalén yet' 'a eb' 'aj Judá.

Ez 23:14

Palta yel xo wal x'ec' 'ix 'a yib'n̈ ya'n 'och sb'a 'ajmulal: 'Ix 'och q'ueln 'ix 'a yechl jun tzo'n̈ winc tz'ib'b'il 'och 'a yich n̈a, atn eb' caldeo. Caw wach' yilx eb' yet' spichul,

Ez 23:16

A yic xyiln 'och 'ix yechl jun tzo'n̈ eb' winc cha, 'ix snib'n 'och 'ix eb', yuj cha, 'ix ya'n 'at 'ix schecb' 'a ewin 'a Babilonia cha.

Nahúm 2:3

A wal eb' 'ajc'ojl tzcot 'ayex, caw chac yilx syamc'ab' eb' yic owal, chac yilx pax spichl eb' soldado cha. Lista xo yaj eb' yoch 'a owal. Caw tzictzni yilx scaruaje eb', man̈xtzac yamchj 'och wan lin̈n no schej eb'.

Jueces 8:18

Xlajw cha, sc'anb'n 'a win Zeba yet' 'a win Zalmuna chi 'ixtic: —¿Tas yilx eb' winc mac'b'il cham eyuj 'a Tabor? xchi 'a eb'. —Caw lajn wal quiln eb' 'icha ach tic, 'icha wal yilx yunnal junc win rey, 'ixta yilx eb', xchi ewinac.

A Ch'an̈ B'ab'el Libro Samuel 18:4

'Ix yi'n 'el Jonatán jun spotl 'aych yu'uj, 'ix ya'n 'a David, yet' jun tzo'n̈ xo spichl 'aychi, xya'n pax yespada yet' sjul-lab', yet' pax sinchoal snan̈al.