Ez 23:14 - Chuj San Sebastian Bible

¹⁴ Palta yel xo wal x'ec' 'ix 'a yib'n̈ ya'n 'och sb'a 'ajmulal: 'Ix 'och q'ueln 'ix 'a yechl jun tzo'n̈ winc tz'ib'b'il 'och 'a yich n̈a, atn eb' caldeo. Caw wach' yilx eb' yet' spichul,

Chuj San Mateo Bible

¹⁴ Palta yelxo val ix ec' ix d'a yib'an̈ sc'ulan ajmulal chi'. Ix yilan juntzan̈ yechel ix tz'ib'ab'iloch d'a sattac pat, aton yechel eb' caldeo chacchac yilji spichul,

Ez 23:14 ပူးပေါင်းရင်းမြစ်များ

Is 46:1

A jun yechl comn dios tzcuch Bel, tox 'ix 'em pacnjoc; ax jun yechl comn dios tzcuch Nebo, tox 'ix telw 'ejm 'a sat lu'um. A jun tzo'n̈ yechl comn dios cha, a no chej tzcuchnb'ey eb', caw 'al jun tzo'n̈ chi 'a no, tzc'unb' no 'a yalan̈.

Jeremías 22:14

Tzaln 'ixtic: 'Oj in b'o junc in niwquil despacho, ax 'a yib'an̈, ata 'oj in b'o q'ue junc n̈a lewn 'oj 'aj yojol. 'Oj jacwc can sventnual, a te c'ute 'oj wa'ch yichoc, ax wa'n 'och chac pintura yan̈loc, xa chi.

Jeremías 50:2

Alc 'el jun 'ab'x tic, 'a'c yojcoc 'el eb' nacion̈. 'Ijec chan̈ e bandera, tzeyaln 'eli, man̈ e c'ub'c 'eli, alc 'ixtic: A Babilonia caw 'oj lajwc 'eli. A jun dios tzcuch Bel, 'oj 'el sq'uixwel, ax jun dios tzcuch Marduc, 'oj xiwoc. A sdiosal eb' 'aj Babilonia cha, caw 'oj can eb' 'a q'uixwc'ojlal. A jun tzo'n̈ yechl cha, 'oj ma'xoc poj eb', xe chi.

Ez 16:29

'Ix muln pax yet' eb' 'aj Babilonia, atn eb' chon̈wjum, palta ma'ix c'och pax sc'ojol.

Ez 23:13

'Ix wilni, to 'ix ya'ch pax 'ix smul 'a yol in c'ab' 'icha 'ix nul'jab'il cha.

Ez 23:15

'aych jun tzo'n̈ cincha 'a snan̈l eb' yic yopiso cha. A sc'oxl sjolm eb' 'ay q'ue'i, tz'ib'quintac yilxi, 'icha yilx eb' scapitan̈il eb' soldado 'aj Babilonia, 'ixta yilx eb', caldeo eb' smasnil.

Ez 23:23

atn eb' 'aj Babilonia, eb' caldeo smasnil, eb' 'aj Pecod, eb' 'aj Soa, eb' 'aj Coa yet' smasnil eb' 'aj Asiria. Caw quelmtac eb' smasnil, caw wach' yilx eb'. 'Ayn̈j pax yopiso eb', 'ay eb' gobernador, 'ay eb' scapitan̈il eb' soldado, 'a'm owl wal eb' si'mb'il, 'ayn̈j q'ue eb' 'a yib'n̈ chej.

Ez 8:10

Ax in 'ochchi, 'ix wilni to a 'a yojl cha, ata tz'ib'b'il 'och yechl smasnil no noc' tzjuc sb'a, yet' no yajb'entac yilxi, yet' pax smasnil jun tzo'n̈ yechl 'aj tzyal sb'a eb' wit israelal cha.

Nahúm 2:3

A wal eb' 'ajc'ojl tzcot 'ayex, caw chac yilx syamc'ab' eb' yic owal, chac yilx pax spichl eb' soldado cha. Lista xo yaj eb' yoch 'a owal. Caw tzictzni yilx scaruaje eb', man̈xtzac yamchj 'och wan lin̈n no schej eb'.