Ez 22:28 - Chuj San Sebastian Bible

²⁸ Ax eb' tzcob' yalch sb'a in checb'oc 'a scal eb' chon̈ab', tzlaj sc'ub'c 'el eb' smul, 'icha tz'aj yoch tan̈ 'a yich junc n̈a, tzmacchj 'el cob' lum xamit yu'uj, 'ixta tzyutj eb' tzmacn sat eb' chon̈b' cha. Tzlaj cob' yalnc eb' to 'ay tas tzwac' yil eb', tznan chan̈ eb' tas tzyutj eb' ya'n 'es, tzcob' yalnc eb' 'ixtic: A Jehová Cajlil, a tz'a'n cal jun tzo'n̈ tic on̈, xchi cob' eb', palta wal yel, may tas tzwac' yal eb'.

Chuj San Mateo Bible

²⁸ A eb' syaloch sb'a in checab'oc, a tas man̈ vach'oc sc'ub'ejel eb', icha tz'aj yoch q'uen taan̈ d'a junoc c'a pat. Syalan eb' to ay tas svac' yil eb', syalanel esal lolonel eb'. Syal eb' to a in svac' juntzan̈ lolonel chi' yal eb', palta val yel malaj tas tzin chec yalel eb'.

Ez 22:28 ပူးပေါင်းရင်းမြစ်များ

Is 28:15

Yujto eyaljnac ab' 'ixtic: 'Ay jun qui trato qui b'ojnac yet' syajlil chamel, a yic 'oj jawc jun tas tzon̈ satn 'eli, ma'oj jawc jun chi 'ayn̈ec, yujto xca' qui trato yet' chamel, to a 'es yet' tas man̈ yeloc a tzon̈ colnec, xe chi.

Is 30:10

Tzyal eb' 'a eb' in checb' 'ixtic: Man̈ eyal yuj tas 'ix eyil 'a 'icha waychil, man̈ eyal paxti yic tojlal 'ayn̈ on̈. A paxti tzqui nib'ej, a tzeyal 'ayn̈ on̈.

Jeremías 23:21

Man̈oc in xin checb't jun tzo'n̈ checb' cha, may pax jac tas xwal 'a eb'. Wach'xam caw ji'lti cob' yec' eb' yal-l 'a in b'i.

Jeremías 28:15

Xlajw cha, xwaln 'a Hananías 'ixtic: —Ach Hananías, 'ab' wal tas 'oj wala', ach tic, man̈oc Jehová ach checn coti. Caw man̈ yelc tas wan a'n 'och yipc sc'ojl eb' chon̈b' tic.

Jeremías 28:2

—A Jehová tztac' yuj smasnil, qui Diosalec an̈ israel on̈c tic, a tzaln 'ixtic: 'Oj in mac' wecchjoc te yugo yic win sreyl Babilonia.

Jeremías 37:19

A jun tzo'n̈ xyalch sb'a schecb'oc Dios, eb' 'ix alni to ma'oj jawc win sreyl Babilonia wul yac' owl yet' jun chon̈b' tic, toc 'ix a'ch eb' 'a preso.

Lm 2:14

A eb' cob' tzyalch sb'a schecb'oc Dios 'a e cal, ton̈j ex yixtj paxti eb', 'esn̈j tas xyal eb' 'ayex. Ma'ix schecltej 'el eb' e mul, yuj cha, matz e jel e nab'en. 'Ix alx 'es paxti 'ayex, xeya'n 'och jun chi yipc e c'ojol.

Ez 13:2

Ach 'anma', al jun tzo'n̈ in paxti tic 'a eb' tzcob' yalch sb'a in checb'oc 'a scal eb' israel. A eb' cha, mun tzcob' yal eb' junc tas 'a yol yico', al yab' eb' to an Jehová in, an tzwal 'ixtic:

Ez 21:29

Til wal tas tzcob' sna chan̈ eb' 'anma chi yal 'ayex. Tzcob' yal eb' 'ixtic: Man̈ ex 'och 'il, may tas 'oj jawc 'a quib'n̈ec, xchi cob' eb', palta a jun tzo'n̈ cha, 'esn̈ej. A q'uen espada cha, 'etzn xo 'och q'uen 'a yib' sjaj jun chon̈b'al eb' 'anma cha, yujto maysch'olnil sb'eyb'al eb'. 'Ayx 'och eb' 'a yol sc'ab' chamel. Xc'och stiempoal yoch syailal eb' yuj tas maysch'olnil tzb'o'o.

Ez 22:25

A eb' 'aych yajlil 'a scal eb' 'anma cha, lajn wal eb' 'icha no león tz'el yaw sayn 'ec' schib'ej. A eb' cha, 'anma tzlaj smil eb', tzlaj yi'nc 'ec' eb' tas 'ay 'a eb' 'anma', til wal eb' 'ix 'ix tzcham yichmil yuj eb'.

Sofonías 3:4

A eb' tzyalch sb'a schecb'oc Dios, caw tzb'an̈ sb'a eb', 'a'm 'es eb'. A eb' ya'mal 'och sti eb' 'anma', tzyixtj 'el eb' scajnub' Dios, tzjeln eb' tas tzyal sley.