Ez 22:25 - Chuj San Sebastian Bible

²⁵ A eb' 'aych yajlil 'a scal eb' 'anma cha, lajn wal eb' 'icha no león tz'el yaw sayn 'ec' schib'ej. A eb' cha, 'anma tzlaj smil eb', tzlaj yi'nc 'ec' eb' tas 'ay 'a eb' 'anma', til wal eb' 'ix 'ix tzcham yichmil yuj eb'.

Chuj San Mateo Bible

²⁵ A eb' syaloch sb'a in checab'oc ayec' d'a e cal, junlajan tz'aj smilvicham anima eb'. Lajan val eb' icha noc' choj tz'el yav, scotac tzilchitanb'at schib'ej. Syelc'anb'at sb'eyumal yed' tastac vach' ay d'a eb' anima chi' eb'. Tzijtum eb' ix ix scham yetb'eyum d'a e cal yuj eb'.

Ez 22:25 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 22:23

A ticnec b'i'an, a Jehová a 'ix 'a'n spermiso jun espíritu chi yoch 'a sti eb' a checb' tic yic tzya'n eb' 'es 'ayach. A Jehová 'ix alni to 'ixta tzach 'aj a lajw 'eli, xchi Micaías.

Is 56:11

A eb' stan̈mal in chon̈b' tic, lajn eb' 'icha no tz'i 'ayn̈j swejel, toxn may tz'aj sb'ut'ji, 'ixta eb'. Toxn may jac tas tznachj 'el yuj eb'; cojn tas tznib'j 'och eb' 'a mun yico', a chi tzlaj sayc' eb'.

Jeremías 11:9

'Ix yaln pax Jehová 'ayn 'ixtic: Ach Jeremías, a eb' et chon̈b' 'aj Judá yet' eb' cajn 'a Jerusalén, 'ix smol alj eb' yic tzyi'n 'el sb'a eb' 'a yol in c'ab'.

Jeremías 15:8

Caw 'oj niwtj sb'isl eb' 'ix chamnc yichmil wu'uj. Lajn 'oj 'aj eb' 'ix 'icha wal yarenail sti a mar. Wal 'a caw chimc'ual, ax wa'n jawc chaml 'a yib'n̈ eb' 'ix nunb'il yet' 'a yib'n̈ yune eb' 'ix.

Jeremías 18:21

A ticnec, cham cab' yunnal eb' yuj wejel, cham cab' eb' yuj owal. Cancn cab' yistzil eb' 'a man̈x 'a yichmil, man̈x 'a cab' yune eb'. Cham cab' yichmil eb' 'ix yuj yab'il, ax yune eb' to quelmtac, cham cab' eb' 'a scal owal.

Jeremías 2:30

Nab'axoj tzwa'ch yailal 'a eyib'an̈, 'in matz yal e c'ojl tze chaj eyab' jun cuynb'il waljnac 'ayex. Lajn ex wal 'icha junc no león caw ow, e tzu'jnac cham eb' in checab'.

Jeremías 2:34

Caw chi'ctac e pichl yuj schic'l eb' meb'a may jac smul. Xe mil cham eb', wach'xam man̈ wanoc yoch eb' 'elc'l 'ayex.

Jeremías 23:14

'Ix wiln pax eb' tzyalch sb'a in checb'oc 'a Jerusalén, tzb'o eb' 'anma tas caw tu'. Tzb'o eb' 'ajmulal, tzyixtn eb' yit 'anma'il, tz'iptzax eb' sb'on maysch'olnilal yuj eb'. Yuj wal cha, may junc eb' tzyij 'el sb'a 'a scal maysch'olnil. A wal 'a in sat, a jun tzo'n̈ 'anma tic, yet' eb' cajn 'a Jerusalén, caw lajn eb' 'icha eb' 'aj Sodoma yet' eb' 'aj Gomorra.

Jeremías 6:13

Smasnil eb' niwc yel'chi, yet' eb' may yel'chi, cojxn̈ej tas tzyac' ganar eb' 'a maysch'olnil, axn̈ej chi tzna eb'. An̈jtona eb' in checab', yet' eb' ya'mal 'och sti eb' 'anma 'ayin, cojxn̈ej 'elc'l tzb'o eb' smasnil.

Lm 2:14

A eb' cob' tzyalch sb'a schecb'oc Dios 'a e cal, ton̈j ex yixtj paxti eb', 'esn̈j tas xyal eb' 'ayex. Ma'ix schecltej 'el eb' e mul, yuj cha, matz e jel e nab'en. 'Ix alx 'es paxti 'ayex, xeya'n 'och jun chi yipc e c'ojol.

Lm 4:13

'Ixta 'ix uji, yuj wal smul eb' schecb' Dios yet' yuj smul eb' ya'mal 'och sti eb' 'anma 'a Dios, yujto til wal 'anma may smul 'ix smil eb' 'a yol chon̈ab'.

Ez 13:19

Ax tic, yuj jun jopoc 'ixm cebada, mto yuj junc 'ixm pan, tzin e patquiln can 'el 'a sat eb' in chon̈ab'. 'In tzlaj e mil cham eb' 'anma to man̈ smojc schami. A eb' 'ayx 'och chaml 'a yib'an̈, a eb' tze colcn 'eli. Tzeya'n 'es 'a eb' in chon̈ab', ax eb', caw wal tzchaj sc'ojl eb' yab'n tas tze yal cha.

Ez 13:2

Ach 'anma', al jun tzo'n̈ in paxti tic 'a eb' tzcob' yalch sb'a in checb'oc 'a scal eb' israel. A eb' cha, mun tzcob' yal eb' junc tas 'a yol yico', al yab' eb' to an Jehová in, an tzwal 'ixtic:

Ez 22:7

Tzchacl eb' 'anma chi smam snun. A eb' chuc chon̈b'al cajn 'ec' 'a scal eb', caw tz'ixtx eb' yuj eb'. Tz'ixtx eb' meb'a 'unn chamnc smam yet' eb' 'ix 'ix chamnc yichmil.

Ez 34:2

Ach 'anma', al 'a eb' yilmal chon̈b' Israel to an Jehová Yajl in, an tzwal 'a eb' 'ixtic: ¡'Ay, 'oltacx wal ex yilmal chon̈b' Israel! mun ax tze tan̈wj e b'a, man̈oc eb' chon̈b' tze tan̈wj 'icha stan̈wx no calnelu.

Ez 34:3

Ax tic, lajn ex 'icha eb' 'ilm calnelu maysch'olnil: Cojn yu'n eb' yim no calnelu cha, tzb'on eb' spichl yet' slanail no', tzlaj smilnc eb' schi no caw b'aq'uech, palta matz tan̈wj eb' no calnelu 'a 'icha stzolil.

Os 6:9

A eb' ya'mal 'och sti eb' 'anma 'ayin, lajn eb' 'icha junc b'ulc eb' 'elc'um. Tzlaj macwjoc eb' 'a eb' 'anma', yic tzmilx cham eb' yuj eb'. Tzmilw cham 'anma eb' 'a b'e tzc'och 'a Siquem, til wal maysch'olnil sb'o eb'.

Mt 23:13

Ax xo ex cuywjum 'a ley yic Moisés yet' ex fariseo, caw 'oltac ex, caw chab'sat ex. Tze macch wan eb' 'anma', sec matz 'och eb' 'a yol sc'ab' Dios 'aj satcha'an̈. An̈jtona', 'ixta ex ax tic, matz ex 'ochi, matz e chaj pax 'och eb' tznib'j 'och sb'a.

Mr 12:40

Tzyij 'ec' eb' yatut eb' 'ix 'ix chamnc yichmil. Ax yic tzleslwi eb', caw najt tzyutj eb' yoc slesal, sec tzna eb' 'anma', to may smul eb'. Yuj cha, yel xo wal niwn yailal 'oj 'och 'a yib'n̈ eb', xchi Jesús.

Lc 20:47

Tzyij 'ec' eb' yatut eb' 'ix 'ix chamnc yichmil. Ax yic tzleslwi eb', caw najt tzyutj eb' yoc slesal, sec tzna eb' 'anma', to may smul eb'. Palta a wal ewin cha, yel xo wal niwn yailal 'oj jawc 'a yib'n̈ ewinac, xchi Jesús.

Apoc 13:11

Xlajw cha, xwiln paxi, 'ay junx schab'l noc' sb'i, 'ix q'uet 'a yol lu'um. A jun cha, chab' sch'a'ac, lajn 'icha sch'ac junc no calnelu. Palta lajn spaxtin 'icha junc dragón.

Apoc 13:15

Ax jun schab'l noc' sb'i cha, 'ix 'ajx spoder ya'n pitzwc jun yechl jun b'ab'l noc' sb'i cha. Yuj cha, 'ix paxtini. 'Ix smiln cham jantcn̈ej eb' matz yal sb'a 'a 'a.

Apoc 17:6

Ax xwilni, caw 'u'm 'an̈ 'ix yuj schic'l eb' yic xo Dios, atn eb' milb'il chamoc, yujto xyac' eb' testigoal sb'a yuj Jesús. Xcaw sat in c'ojl wiln jun cha.

Apoc 18:13

'Ay pax canela, yet' jun tzo'n̈ xo te su'q'ui sjab' tzc'uxxi, yet' jun tzo'n̈ incienso, mirra, perjuma, yal uva, aceite, 'ixm harina caw wach', yet' trigo. 'Ay no calnelu, 'ay pax no 'ictzum noc', 'ay no chej. 'Ay caruaje, 'ay pax eb' moso man̈ yico'oc sb'a.