Ez 22:10 - Chuj San Sebastian Bible

¹⁰ 'Ay eb' tzlaj mulnc yet' yistzil smam, 'ay eb' tz'och 'a eb' 'ix 'ix 'aj yujl yel a a'.

Chuj San Mateo Bible

¹⁰ Ayex tzex mulan yed' ix yetb'eyum e mam, ayex tzex mulan yed' eb' ix ix ayic ayoch eb' ix d'a sb'islab' uj.

Ez 22:10 ပူးပေါင်းရင်းမြစ်များ

Gn 35:22

A yic cajn 'ec' eb' 'a jun lugar cha, ax win Rubén win yunnal Israel cha, xway win yet' 'ix Bilha, 'ix schab'l 'istzil smam cha, palta xyab' sb'a win mamb'il chi yuj tas sb'o winac. Lajchwan̈ ewin yunnal win Jacob.

Gn 49:4

Ax ticnec, man̈x 'a yel'ch 'oj aj 'el'chi, yujto lajn ach 'icha a 'elmal a', q'uixweltac xotj in waynub', yujto ach way yet' 'ix in chab'l 'istzil.

1 Cr 5:1

A Rubén, atn win sb'ab'l 'unnal Israel, ax eb' yunnal: atn Hanoc, Falú, Hezrón yet' Carmi. Palta a Rubén ma'ix yij smacl yic sb'ab'l 'unnab'ilal, yujn̈ej to syam cot win yistzil smam. A jun smacl yic sb'ab'l 'unnab'ilal cha, ata x'ajx can 'a eb' yunnal José, atn junx win yunnal pax Israel cha. A yic xb'ey tiempo, a Judá caw niwn yel'ch 'ix 'aj 'a yib'n̈ eb' yu'tac, yujto a 'a x'elt jun yajal, palta ax jun macl yic b'ab'l 'unnab'ilal cha, a 'a José, ata 'aycni.

Ez 18:6

Man̈ comnoc tzwa yet' eb' 'anma tz'at wac 'a lum jolmctac witz 'aj 'ay jun tzo'n̈ yechl comn dios yic eb' yit israelal; matz b'o 'ajmulal yet' yistzil yit wincal, man̈ comnoc tz'och 'a eb' 'ix 'ix 'aj stiempoal yel a a'.

Lv 18:19

May cab' mach tzway yet' 'ix 'ix to stiempoal yel a a 'a 'a.

Lv 18:6

An tzwala to may cab' junc winc 'a e cal tzcomn yamn cot junc 'ix 'ix to yican to sb'a yet'oc, yic tzb'on 'ajmulal yet' 'ix.

Lv 20:11

Tzann̈j mach tzb'on 'ajmulal yet' yistzil smam, tzyi'n 'el sq'uixwel smam cha. A jun cha, yowlal tzchami, tzcham pax 'ix 'ix cha, mun a eb' tzyij cot chaml 'a yib'an̈.

Lv 20:18

Tzann̈j junc winc tzway yet' junc 'ix 'ix 'aj stiempoal yel a a', tzmuln win yet' 'ix, may yel'ch jun chi 'a winac. An̈jtona', tzyal sc'ojl 'ix sch'oxn 'el syailal cha. A eb' cha, yowlal tz'ijx 'el eb' schawn̈il 'a e cal.

Am 2:7

Caw tz'ixtx eb' meb'a yuj eb', man̈ wach'c tzyutj eb' sb'on yaj eb' tz'ixtx cha. Q'uixweltac in b'inax yuj eb', yujto a win mamb'il, yet' win 'unnab'il, junn̈j 'ix 'ix tzmuln ewin yet'oc.

1 Co 5:1

'Ix wab'i, to 'ay jun winc 'a e cal caw 'ajmul. Tolab' 'ix smontj 'el win schab'l nun yic'. A jun cha, caw maysch'olnil. 'Intax 'a scal eb' mant 'ojtnacoc Dios, may 'aj tzb'o eb' jun chi 'ixta'.

Dt 27:20

Catb'tzaxc cab' eb' tzmuln yet' yistl smam, yujto 'a yet' jun 'ix chi tzyij 'el sq'uixwel smam, xchi eb' levita. 'Ixta cab' tz'aji, 'oj xchic eb' chon̈ab'.

Dt 27:23

Catb'tzaxc cab' eb' tzmuln yet' sn̈i', mto yet' yalib', xchi eb' levita. 'Ixta cab' tz'aji, 'oj xchic eb' chon̈ab'.