Ez 21:30 - Chuj San Sebastian Bible

³⁰ Molc eyespada 'a yol yet'ul. An 'oj ex in b'eyc'ojloc 'a jun lugar 'aj 'aljnac ex, atn lum lum 'aj 'e'nc ex cajan.

Chuj San Mateo Bible

³⁰ ¿Am e naani to ol vac'xiem q'uen espada chi' d'a yol yatut? Maay, palta to ol ex in ch'olb'itej b'aj aljinac ex, aton b'aj cajan ex.

Ez 21:30 ပူးပေါင်းရင်းမြစ်များ

Gn 15:14

Palta an 'oj wac' yailal 'a yib'n̈ jun chon̈b' 'aj 'oj 'och eb' mosoal cha. 'Oj lajwc cha, ax yajx 'elt eb' en̈tl cha, 'oj yic' cot eb' sricoal jun chon̈b' cha.

Ez 12:10

Al 'a eb' to an tzwac' a b'o jun tic yic tz'och ch'oxnb'ilal 'a eb' yuj tas 'oj 'aj win sreyl Jerusalén, yet' smasnil eb' et israelal cajn 'a jun chon̈b' cha.

Ez 16:38

Ax in b'eyc'ojlan yuj yajmulal yet' yuj smilm 'anma'il, 'oj wac' 'a yol sc'ab' chaml yuj yowl in c'ojl 'a yib'an̈.

Ez 25:5

A chon̈b' Rabá, swalab' e no cameyo xoj 'oj 'ajoc, ax chon̈b' Amón, swalab' calnelu 'oj 'ajoc, sec 'oj eyojcoc 'eli, to an Jehová in, an 'ixta tzex wutej.

Ez 28:13

A 'a scal te 'awb'ente 'a Edén, ata 'e'nc ach cajan, ax jun tzo'n̈ q'uen wach' yilxi, a eb' 'aych yelwnub'loc a pichul, atn eb' q'uen tic: Q'uen rubí, q'uen crisólito, q'uen jade, q'uen topacio, q'uen cornalina, q'uen jaspe, q'uen zafiro, q'uen granate yet' q'uen esmeralda. Ax tas yamjnac jun tzo'n̈ q'uen cha, nab'a oro. A jun tzo'n̈ tic lista xon yaj eb' yictax ach in b'on cani.

Ez 28:15

Yictax a pitzw cha'an̈, caw wach'n̈j 'a b'eyb'al masnto 'ix jelmj a nab'en yuj maysch'olnil.