Ez 21:27 - Chuj San Sebastian Bible

²⁷ Caw 'oj satcn 'ejm chab' 'opiso tic masnto 'oj jawc jun mach 'ay yaln yic 'a 'a, caw an 'oj wac' 'a a'.

Chuj San Mateo Bible

²⁷ Ol satel smasanil. A in ol in satel yopisio eb' sreyal Israel. Man̈xo ol yic' yip ichataxon yaji, masanto ol javoc jun mach ay yalan yic d'ay, a d'a jun chi' ol vac' opisio chi'.

Ez 21:27 ပူးပေါင်းရင်းမြစ်များ

Gn 49:10

May junc mach tztac' yi'n 'ec' a jelnal Judá; may mach tztac' yi'n 'ec' a c'occh yic opiso 'a yol a c'ab', masnto 'oj jawc yajl te c'occh cha, atn jun mach to smasnil eb' chon̈b' 'oj yiclnoc 'a 'a.

Salmos 2:6

Tox 'ix wa'cn 'och yopiso jun rey 'a tzaln Sión, atn jun tzaln to wicn̈ej yaji, xchi.

Jeremías 30:21

An Jehová in, an tzwala: A 'a e cal cha, ata 'oj 'eltoc mach 'oj 'och eyajliloc. A jun eyajlil cha, 'oj wac' jawc 'a in tz'ey, yujto wal yel, caw may junc mach tzte'wtzej sb'a sjaw 'a in tz'ey.

Jeremías 32:24

Ax ticnec, tox 'ix sb'o chan̈ eb' caldeo jun tzo'n̈ b'achte 'a spatquil 'el chon̈ab', yic tzya'n eb' owl yet' jun chon̈b' tic, yuj cha, 'ay wejel yet' yab'il. 'Oj 'ajxoc ganar jun chon̈b' tic yuj eb' 'a'm owl cha. Mamin, 'in wan yuj 'icha wal yaj alni.

Jeremías 33:21

An̈jtona', matz tac' satl jun in trato in b'ojnac yet' in checb' David, to yowlal 'ayn̈j 'ec' eb' yin̈tl yac' yajlil 'a sdespacho. Ma'oj satl pax in trato in b'ojnac yet' eb' yin̈tl Leví yic tzin ya'n servil eb', yuj ya'n 'och eb' sti eb' 'anma 'ayin.

Jeremías 33:26

An̈jtona may b'a'n̈ 'oj jelmjoc jun in trato yet' eb' yin̈tl Jacob, yet' eb' yin̈tl win in checb' David. Yowlal 'oj in sic' 'elt junc yin̈tl David cha, ax ya'n yajlil 'a yib'n̈ eb' yin̈tl Abraham, Isaac, yet' Jacob. Yujto caw tz'o'chn̈ej in c'ojl 'a eb', yuj cha, 'oj wi'xq'ue'ch eb' jun 'ejm xo, xchi Dios.

Jeremías 52:4

A 'a yic slajn̈il c'u yoch slajn̈il 'uj yic sb'aln̈il ab'il yoch Sedequías reyal, 'ix cot Nabucodonosor sreyl Babilonia yet' smasnil eb' soldado wul yac' owl 'a Jerusalén. 'Ix 'och oyn eb' 'a 'a, 'ix sb'on chan̈ eb' scamplamento 'a yojltac 'at chon̈b' cha. 'Ix sb'on 'och eb' sb'achte 'a spatquil 'elt chon̈ab' yic tzya'n eb' owl yet'oc.

Ez 21:13

A jun prowal tic, lista xo yaji, may junc mach 'oj stac' stenn 'och wa'an, yujto ex cob' in tench wa'an, palta may yel'ch tas xwal 'ayex. An Jehová Yajl in, an tzwala.

Ez 34:23

An 'oj in sic' 'elt junc yilmal eb' in chon̈b' 'a scal eb' yin̈tl David, 'oj wac' yopiso stan̈wni eb' in chon̈b' 'icha tzyac' junc 'ilm calnelu.

Ez 34:24

An Jehová in, an tzin 'och sDiosalc eb'; ax junc yin̈tl in checb' David, a 'oj 'och Yajlil 'a scal eb'.

Ez 4:2

Tzoyn 'och yechl yamc'ab' yic owl 'a spatquil, tza'n 'och smuroal, tza'n 'och sb'achte'al 'a spatquil 'el cha, ax 'a yojltac 'elt cha, ata tza b'o camplamento tz'och oyn 'a 'a.

Dn 2:44

A 'a yol stiempoal jun tzo'n̈ eb' rey cha, ata 'oj ya'ch Dios 'aj satchan̈ junx yajl yet' snacion̈ to man̈x 'a b'a'n̈ 'oj satli. Man̈x 'oj 'ajxoc 'och 'a yol sc'ab' junc xo chon̈ab'. 'Oj satxoc 'el smasnil jun tzo'n̈ xo rey yet' snacion̈ yu'uj. Palta a jun cha, 'ayc'n̈ej 'a jun 'ejmn̈ej.

Dn 9:25

Yowlal 'oj nachjoc 'el jun tic o'oj: A yic 'oj alxoc chajtlto 'oj 'ajxoc b'o jun chon̈b' Jerusalén jun 'ejm xo, yowlal 'oj 'e'cn uque seman b'ab'el ax sjapx junx 62 seman. 'Ixta to b'i'an, ax sjaw jun Yajl sic'b'il 'eli. A 'a yic jun tiempoal cha, 'a scal niwn yailal ax sb'o scayeal yet' smuroal chon̈b' Jerusalén jun 'ejm xo.

Os 3:5

'Oj lajwc cha, ax 'a yic slajb' tiempoal, 'oj yalx sb'a eb' wit israelal 'a Jehová qui Diosal jun 'ejm xo, ax schan pax sc'ojl eb' yoch junc yin̈tl David sreyloc. 'Ixta 'oj yutc yi'n 'ejm sb'a eb' 'a Jehová, ax schan eb' swach'c'ojlal.

Miqueas 5:2

A Dios a tzaln 'ixtic: A chon̈b' Belén tzcuch pax Efrata, wach'xam yunen̈ej chon̈b'al 'a scal jun tzo'n̈ xo chon̈b' 'ay 'a yol yic Judá, palta ata 'oj cot jun yajal, ax wa'n 'och syajlilc chon̈b' Israel. 'Oj 'eltoc 'a scal jun 'in̈tal eb' israel cha, a jun cha, 'ayc' xon 'a yic pecti', xchi Dios.

Hageo 2:7

'Oj wac' 'ib'xoc chan̈ smasnil nacion̈, sec 'ixta 'oj yutc eb' yi'n cot smasnil sricoal, ax wul ya'nc eb' 'a watut tic. An tzwala, to 'oj b'ut'joc 'el yol watut tic yuj tas wach' yilxi.

Zacarías 9:9

A Jehová tzaln 'ixtic: ¡Tzaljan̈c wal si'mb'il ex 'aj chon̈b' Sión! ¡B'itnan̈c 'a tzaljc'ojlal ex 'aj Jerusalén! 'Iltec wal sjaw e reyl 'ayex, caw tojl snab'en. A 'oj 'a'nc colnb'il. Caw 'emmquil sjawi, 'ay q'ue 'a yib'n̈ jun no quelm b'uru yune jun no 'axna.

Malaquías 3:1

A Jehová tztac' yuj smasnil, a tzaln 'ixtic: 'Oj in b'ab'l checc 'at jun in checab', sec a 'oj b'ab'l b'onc in b'e an Yajl in tic yic mantzac in c'och 'ayex. An tan̈b'iln xon eyu'uj, wal 'a yajn̈ej ax woch 'a yol watut. Ax tic, tze nib'j xon tzjaw jun in checab' yic tzya'n b'o 'el'chc in trato, palta 'ab'ec, an ton 'oj in jawi.

Malaquías 4:2

Palta ax xo pax to 'ay wel'ch 'a e sat, 'icha wal sq'uel c'u 'a sq'uin̈b'ial, 'ixta 'oj wutj in ch'oxn in colwal 'ayex. Yuj cha, 'oj e tzalj jun 'ejm xo. Caw 'oj e b'atj chan̈ yuj tzaljc'ojlal, 'icha tzyac' junc no quelm wacx tzat 'elt 'a yet'l 'aj macan.

Nm 24:19

A 'a scal eb' yin̈tl Jacob, ata 'oj 'eltoc jun mach 'oj 'a'n yajlil, a 'oj wach' satnc 'el eb' 'anma 'oj can to 'a yol chon̈b' cha, xchi Balaam.

Mt 28:18

Ax Jesús, 'ix wach' c'och 'a stz'ey eb' scuywum yuxlchwan̈il, 'ix yaln 'a eb' 'ixtic: —In 'ajx 'och Yajlil 'a yib'n̈ smasnil tas 'a satcha'an̈ yet' 'a yolyib'n̈q'uinl tic.

Lc 1:32

A jun cha, caw niwn 'oj 'aj 'el'chi. 'Oj alxc yu'uj, chajtlto Yunnal jun yel xo niwn yel'chi, atn Dios. Ax Cajlil, atn Dios cha, a 'oj 'a'nc 'och e reyloc. 'Oj 'ochcn sjelc win rey David, atn jun smam yicham.

Lc 1:69

'Ix ya' cot jun qui Colmalec caw niwn spoder. A 'a scal eb' yin̈tl can David, win ya'mal servil, ata 'oj 'aljoc.

Lc 2:11

A 'a Belén, 'a schon̈b' can win rey David, ata x'alj jun e Colmal q'uiq'ui, atn CRISTO Cajlil.

Jn 1:4

Yu'uj 'ay qui q'uinlec qui masnil. A jun tz'a'n qui q'uinlec tic, tzyac' pax sacq'uinl 'a qui pixnec.

Jn 1:9

A jun caw yel sacq'uinl yic Dios, wulnc 'ec' 'a yolyib'n̈q'uinl tic. A tz'a'n sacq'uinl 'a spixn smasnil 'anma'.

A Sb'ab'el Carta San Pedro 3:22

paxnc q'ue 'a satcha'an̈. Ata 'ayc' 'a swach' c'ab' Dios ticnec. A tz'a'n mandar eb' ángel, yet' jun tzo'n̈ xo 'ay yopiso to 'ay spoder.