Ez 21:22 - Chuj San Sebastian Bible

²² Ax 'oj 'ajoc, a 'a swach' c'ab', ata 'oj sch'ox jun sjul-lab' cha, to ata tz'at yac' owl 'a Jerusalén, yic tz'at smilnc eb' 'anma'. 'Oj ya'l yaw ax yoch owal. 'Oj sma'cn poj spuertail jun chon̈b' cha, ax yoch oyn eb' soldado 'a spatquil 'eli. 'Oj sb'o eb' sb'achte 'a spatquil smuroal cha.

Chuj San Mateo Bible

²² A d'a svach' c'ab' vin̈, ata' ol elul sjul-lab' sch'oxan d'a stojolal Jerusalén, syalelc'ochi to tz'och oval d'a Jerusalén chi'. Ol miljoccham anima ta'. Ol el av yic oval. Ol b'ochaj mac'lab' poj puerta. Ol b'ochajq'ue tec'nub' d'a spatictac chon̈ab' chi', ol oymaj eb' soldado d'a spatictac smasanil.

Ez 21:22 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 25:1

Ax 'a yic slajn̈il xo c'u yic slajn̈il 'uj 'a yic sb'aln̈il ab'il xo yoch Sedequías reyal, 'ix jaw rey Nabucodonosor yet' smasnil soldado yac' owl 'a Jerusalén. 'Ix 'och oyn eb' 'a spatquil, sb'on chan̈ eb' scamplamento 'a yojltac chon̈b' cha, sb'on pax chan̈ eb' sb'achte 'a spatquil smuroal.

Job 39:25

A yic tz'oc' no cacha cha, tz'oc' pax no chej cha; najt to wal sc'och no', tzyab'n no' to 'ay owal, tzyab'n pax no yel yaw eb' capitan̈.

Jeremías 32:24

Ax ticnec, tox 'ix sb'o chan̈ eb' caldeo jun tzo'n̈ b'achte 'a spatquil 'el chon̈ab', yic tzya'n eb' owl yet' jun chon̈b' tic, yuj cha, 'ay wejel yet' yab'il. 'Oj 'ajxoc ganar jun chon̈b' tic yuj eb' 'a'm owl cha. Mamin, 'in wan yuj 'icha wal yaj alni.

Jeremías 33:4

An Jehová in, e Diosal in, 'ay wal jun in paxti tzwalcn 'a yib'n̈ yatut eb' 'aj Jerusalén, yet' 'a yatut eb' sreyl Judá, atn jun tzo'n̈ wan sma'x lan̈chjoc yic tzc'anx sq'uenal 'a jun tzo'n̈ oln 'a smuroal chon̈ab', yic wach' matz 'och eb' caldeo wan ya'n owl eyet'oc.

Jeremías 4:16

Alc 'a jun tzo'n̈ nacion̈ yet' 'a Jerusalén, chajtlto a 'a jun nacion̈ 'ay 'a caw najat, ata tzcot eb' 'ajc'ojol. Caw tzya'l eb' yaw scot yac' owl 'a jun tzo'n̈ chon̈b' 'ay 'a yol yic Judá.

Jeremías 51:14

A Jehová tztac' yuj smasnil, tox 'ix yac' sti 'ixtic: 'Oj wac' b'ut'joc 'el yol e nacion̈ tic yuj eb' soldado, 'icha no c'ulub', 'oj ya'l eb' yaw yuj ex ya'n ganar eb', xchi.

Jeremías 52:4

A 'a yic slajn̈il c'u yoch slajn̈il 'uj yic sb'aln̈il ab'il yoch Sedequías reyal, 'ix cot Nabucodonosor sreyl Babilonia yet' smasnil eb' soldado wul yac' owl 'a Jerusalén. 'Ix 'och oyn eb' 'a 'a, 'ix sb'on chan̈ eb' scamplamento 'a yojltac 'at chon̈b' cha. 'Ix sb'on 'och eb' sb'achte 'a spatquil 'elt chon̈ab' yic tzya'n eb' owl yet'oc.

Ez 26:8

'Oj smil win smasnil 'anma 'ay 'a jun tzo'n̈ aldea 'ay 'a sti a mar; ax yoyn 'och win jun niwquil muro 'a spatc 'el chon̈ab'. 'Oj lajwc cha, ax sb'on win sb'achte'al 'aj 'oj 'ochoc, yic 'oj ya'nc owl cha, ax eb' soldado win smasnil, yet'n̈j eb' syamc'ab' tzmacn sat jul-lab'.

Ez 26:9

'Oj sma' poj eb' smuroal jun chon̈b' chi yet' te niwc yib'te 'aych q'uen 'a sn̈i', ax sma'n 'ejm eb' jun tzo'n̈ torre yet' niwc almáguina.

Ez 4:2

Tzoyn 'och yechl yamc'ab' yic owl 'a spatquil, tza'n 'och smuroal, tza'n 'och sb'achte'al 'a spatquil 'el cha, ax 'a yojltac 'elt cha, ata tza b'o camplamento tz'och oyn 'a 'a.

Ez 5:12

A junc'aj 'anma 'ayx tic, 'oj cham eb' yuj yab'il yet' yuj wejl 'a yol chon̈ab'. Ax junc'aj xo eb', 'oj tzu'xoc cham eb' yuj eb' 'ajc'ojl yajch 'ayx 'a sti 'el chon̈ab'. Ax eb' yoxc'ajil, 'oj in pechcn 'at eb' 'a scal jun tzo'n̈ xo nacion̈. Ax wi'n q'uet wespada 'a yol yet'ul, ax woch tza'n yuj eb'.

Ez 5:13

'Ixta wal 'oj wutc wa'n cot yowl in c'ojl 'a yib'n̈ eb'; 'ixta to b'i'an, ax sb'o in c'ojol. 'Oj yojcoc 'el eb', to yet' sc'a'l in c'ojl an Jehová in tic, 'ix waln jun tzo'n̈ paxti tic.

Am 1:14

Yuj cha, 'oj wac' n̈usxoc tz'a smuroal chon̈b' Rabá, ax jun c'ac' chi 'oj satnc 'el scuartel eb'. Caw 'oj 'el yaw eb' yuj owal. A jun owl cha, 'icha wal junc niwquil 'ic', 'ixta 'oj 'aj sjawi.

Josué 6:10

'Ix yaln Josué 'a eb' soldado chi 'ixtic: Sictacn̈ej e b'eyi, may mach tz'el yaw, may mach tzpaxtini, masnto an 'oj wal 'ayex, ax eya'n 'el eyaw 'a 'ip, xchi 'a eb'.

Josué 6:20

A yic 'ix 'utz'x no cacha cha, 'ix 'el yaw smasnil eb' soldado. Yajn̈j wal cha 'ix cot lan̈n̈joc smuroal jun chon̈b' cha. Ax eb' soldado cha, 'ix 'at tza'njoc eb' 'a stojlal 'aj 'ayq'ui, 'ix 'och eb' 'a yol jun chon̈b' cha.

A Ch'an̈ B'ab'el Libro Samuel 17:20

Ax 'a yic caw sq'uin̈b'ilto 'a junx c'u, 'ix ya'n can David 'ab'enal no calnelu chi 'a junx mach. Xlajw cha, 'ix 'ati, xyi'n 'at jun tzo'n̈ tas xya't Isaí chi 'a 'a. Ax yic xc'och 'a scamplamento eb' soldado cha, wan s'at eb' 'a owal, tzya'n 'el eb' yaw s'at 'a owl cha.