Ez 21:14 - Chuj San Sebastian Bible

¹⁴ Ach 'anma', al yab' eb' et chon̈b' cha, to 'ay tas 'oj jawc 'a yib'n̈ eb'. Poc' a c'ab' yil eb', yujto caw wal 'ay smay jun espada cha, yel xo wal 'oj cot yowl jun chi smilwj yet' q'ue'en, tzanxn̈ej 'ajtil 'oj 'och chaml yuj q'ue'en.

Chuj San Mateo Bible

¹⁴ Ach anima, tz'it a c'ab' tzalan d'a eb' etchon̈ab' chi' icha tic: D'ab'jocab'n̈ejoch q'uen espada d'a anima. Xicjocab'cham anima d'a q'uen. Masanil anima scham yuj xivelal, yujto yaln̈ej b'aj smilji anima yuj q'ueen.

Ez 21:14 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 20:30

Ax jun tzo'n̈ xo eb' soldado cha, 'ix 'at eb' 'eloc, axta xc'och eb' scol sb'a 'a chon̈b' Afec. Ax x'aji, 'ix cot lan̈njoc smuroal jun chon̈b' chi 'a yib'n̈ eb'. 'Ixta x'aj scham eb' uqueschawinc mil soldado xcob' yac' ganar s'at 'eloc. Ax win Ben-adad cha, x'at pax win 'eloc, tzol-li yec' win 'ec' sc'ub'c 'el sb'a 'a junjn n̈a.

A Ch'an̈ B'ab'el Libro Yic Yab'ixal Eb' Rey 22:25

—'Oj el tas 'oj aj 'a jun c'u cha, atn 'a yic 'oj cob' a c'ub'nc 'el a b'a 'a yojl jun tzo'n̈ cuarto caw c'ultac yaj 'a yoltc n̈a, xchi Micaías 'a winac.

A Ch'an̈ Schab'il Libro Yic Yab'ixal Eb' Rey 24:1

A 'a yol stiempoal Joacim 'ix cot Nabucodonosor sreyl Babilonia yet' eb' soldado, yic tzya'n eb' owl yet'oc. 'Ix 'och 'a yol nacion̈ cha, ax Joacim 'oxe ab'il 'ix syiclj tas xyal win Nabucodonosor cha. Palta yajn̈ej sjeln snab'en, 'ix meltzj 'och 'ajc'ojlal 'a 'a.

Jeremías 47:7

Palta ¿tas wal 'oj 'aj yoch wa'an? Yujto a Jehová 'ix alni, to 'ixta tz'aji, caw a 'ix alni to tz'och owl 'a chon̈b' Ascalón yet' 'a smasnil eb' cajn 'a sti 'a mar.

Ez 21:13

A jun prowal tic, lista xo yaji, may junc mach 'oj stac' stenn 'och wa'an, yujto ex cob' in tench wa'an, palta may yel'ch tas xwal 'ayex. An Jehová Yajl in, an tzwala.

Ez 21:17

An xo tic, 'oj in poc' in c'ab' yic tzwi'n 'el yowl in c'ojl 'a yib'n̈ eb' 'anma'. An Jehová in, an tzwala, xchi Dios, xa chi 'a eb', xchi 'ayin.

Ez 28:23

'Oj wa' cot yab'il 'a yib'n̈ eb' 'anma', ax sb'ey chic' 'a yol caye. Til wal 'aj 'oj cot eb' 'a'm owl cha, ax scham eb' 'anma chi smasnil. 'Ixta to b'i'an, ax yojcan 'el eb' to an ton Jehová in.

Ez 6:11

'Ix yaln pax Jehová Cajlil 'ixtic: Poc' a c'ab', tza te'n 'ejm oc, 'el cab' aw yuj tas tzjaw 'a yib'n̈ eb' et chon̈b' tic. Man̈x jantcoc maysch'olnil x'el sb'on eb', yuj cha, 'oj cham eb' yuj owal, yuj wejel yet' pax yuj yab'il.

Ez 8:12

Yuj cha, xyaln 'ixtc 'ayin: Ach 'anma', ¿tzam el wal tas tzc'ultac b'oj eb' et israelal tic? Junjn eb' 'ichmtac winc cha, wocn 'och eb' yal sb'a 'a 'aj b'achn 'elt sdiosal cha. Am wal snan eb' to matz wil eb', 'actb'ilx can jun nacion̈ tic wuj snan eb', xchi 'ayin.

Dn 3:19

A wal yic xyab'n win rey Nabucodonosor jun tzo'n̈ spaxti ewin quelmtac cha, caw wal xjuw yilx sat win scot yowal, xya'n win 'ajxoc 'och sc'a'l jun jorna chi uc 'ejm xo 'a yib'n̈ 'icha xon tz'ajch sc'aq'uil.

Lv 26:21

Toto an̈ja tenmtac tzeyutj e b'a 'ayin, matz eyiclj tas tzwala, 'oj wac' niwtjoc sjaw yailal 'a eyib'n̈ yuj e mul cha.

Lv 26:24

an̈jtona 'in, 'oj cot pax wowl 'ayex, ax wa'n niwtjoc sjaw yailal 'a eyib'n̈ yuj e mul cha.

Am 9:2

Wach'xam cob' 'oj 'at sc'ub'c 'el sb'a eb' 'a xab'l yich lum lu'um, palta 'oj 'at wic' q'uet eb' ta', wach'xam cob' 'oj q'ue eb' 'a satcha'an̈, palta 'oj wic' 'emt eb' ta'.

Nm 24:10

A yic xyab'n Balac jun tzo'n̈ paxti cha, caw wal xcot yowl 'a Balaam, caw spoc' sc'ab' scot yowal, xyaln 'ixtic: —Ach wawtej yic tza catb'tzan jun tzo'n̈ 'anma 'ajc'ojl yajch 'ayn tic, palta ax tzotej, 'in to yox 'ejmal xo aln wach' paxti 'a yib'n̈ eb'.