Ez 20:6 - Chuj San Sebastian Bible

⁶ A 'a jun tiempoal cha, ata 'ix wa'cn in ti', to tzwij 'elt eb' 'a Egipto, tzwi'n cot eb' 'a lum lum caw wal 'ay syaxil sat, atn lum yel xo wal wach' 'a yib'n̈ lum lum smasnil.

Chuj San Mateo Bible

⁶ A d'a jun tiempoal chi' vac' in ti' vic'anelta eb' d'a Egipto chi', yic svic'anb'at eb' d'a jun luum to a in val ix in saya', aton d'a jun lum luum te yax sat, yelxo te vach' d'a yichan̈ masanil lum luum.

Ez 20:6 ပူးပေါင်းရင်းမြစ်များ

Nehemías 9:12

'Ix e'n b'ey eb' yet' jun niwquil 'asn 'a c'ual, ax 'a 'ac'wal, 'ix e'n b'ey eb' yet' jun niwquil c'ac', sec wach' tzictajx sb'e eb' 'ajtil tz'ati.

Nehemías 9:9

Ach tic 'ix ela to caw 'ix yab' syal eb' qui mam quichm 'a Egipto on̈, 'ix ab'n wal yel yaw eb' 'a sti a Chac mar.

Salmos 106:24

'Ix b'ey jab' tiempo yuj eb', schab'c'ojlan eb' lum lum caw wach', ma'ix ya'ch eb' yipc sc'ojl tas alb'il can o'oj.

Salmos 47:5

A Dios 'ix q'ue 'a 'aj 'ay sdespacho 'a scal 'aw yic tzaljc'ojlal, 'aj tz'utz'x strompeta.

Salmos 48:2

Caw wal wach' yilx lum tzaln Sión, yujto caw chan̈ yaj chan̈ lu'um. A 'a stojlal norte, ata 'ay lum schon̈b' jun Rey caw wal niwn yel'chi.

Ex 13:5

Atn 'a jun 'uj tic, 'aj tzqui nac cot jun q'uin̈ tic, yic tox on̈ c'ochc yuj Jehová 'a lum lum caw 'ay syaxil, lum 'ajtil cajn eb' cananeo, eb' hitita, eb' amorreo, eb' heveo, yet' eb' jebuseo. Atn lum yaljnac can Jehová 'a eb' qui mam quichmec, to a 'ayn̈ec tzyac' jun lum cha.

Ex 3:17

'Ix wala to 'oj ex in col-l 'a yaln̈ jun eyailal tic, ax ex wi'n 'at 'a jun lum lum caw wal wach', caw 'ay syaxil sat, atn 'a 'aj cajn 'ec' eb' cananeo, eb' hitita, eb' amorreo, eb' ferezeo, eb' heveo yet' eb' jebuseo, xchi Dios, xa chi 'a eb'.

Ex 3:8

Yuj cha in 'emli, yic tzwul in colnc 'elt eb' 'a yol sc'ab' eb' 'aj Egipto cha. 'Oj wic' 'elt eb', ax wi'n 'at eb' 'a jun lum lum caw lewan, caw wach', til wal tas 'ay 'a jun lum cha. Atn lum 'aj cajn eb' cananeo, eb' hitita, eb' amorreo, eb' ferezeo, eb' heveo yet' eb' jebuseo.

Ex 33:3

'Ixquec 'a lum lum caw wal 'ay syaxil sat cha, palta an tic, ma'oj in 'at eyet'oc, yujto caw pit eb' 'anma tic. 'Ay smay ex in satn can 'el 'a yol b'e, xchi Dios.

Ex 6:8

'Oj ex wi't 'a sat lum lum 'aj wa'jnac in ti wa'n 'a Abraham, 'a Isaac, yet' 'a Jacob. An Jehová in tic, an 'oj wac' lum 'ayex, to caw eyic 'oj 'aj lu'um, xchi Jehová, xa chi 'a eb', xchi Dios.

Jeremías 11:5

Toto ax tic, 'oj eyiclc tas tzwal 'ayex, to 'ixta', 'oj wac' 'el'choc in ti wa'jnac 'a eb' e mam eyicham, yic tzwa'n jun e lu'um, atn lum caw 'ay syaxil sat 'aj 'ayx 'ec' ticnec, xchi Jehová, xa chi 'a eb', xchi 'ayin. Yuj cha, in ta'w 'ixtc 'a 'a: B'o cab' 'ixta Mamin Jehová, xin chi.

Jeremías 3:19

Ex 'aj chon̈b' Israel, caw xin nalb'ej ex wi'n 'och wunnaloc, a lum lum caw nib'b'il tzwac' 'ayex. Cojn jun lum chi caw yel xo wach' yilx 'ay 'a yolyib'n̈q'uinl tic. A 'in nani, to 'oj in eyalch e Mamc 'a smasnil tiempo, man̈x 'oj eyi'l e b'a 'a in tz'ey in nani.

Jeremías 32:22

Xlajw cha, 'ix a'n jun lum caw wal yax sat tic 'ayn̈ an̈ israel on̈ tic, 'icha wal yaj a'n can a ti 'a eb' qui mam quichm on̈.

Ez 20:15

An̈jtona', a 'a lum cusltac lum chi 'ix walcn 'a eb', to ma'oj 'och eb' 'a sat lum lum 'aj xwac' in ti wa'n 'a eb', atn lum caw 'ay syaxil sat, lum yel xo wach' 'a yib'n̈ lum lum smasnil.

Ez 20:23

A yic 'ayc' eb' 'a lum cusltac lum cha, ata 'ix wa'cn in ti', to 'oj sactzic can 'at eb' 'a jun tzo'n̈ xo nacion̈ 'a yolyib'n̈q'uinl tic.

Ez 20:42

A yic 'oj ex wi'n 'och 'a lum slum eb' eyit israelal, lum wa'jnac can in ti' wa'n 'a eb' e mam eyicham, ata 'oj in eyojcoc 'eli, to an ton Jehová in, to cojn in ton Dios in.

Ez 20:5

Al yab' eb' to an Jehová Yajl in, an tzwal 'ixtic: A yic in si'n can 'el win Israel, 'ix wa'n can in ti 'a eb' yin̈til, yic in paxtin yet' eb' 'a Egipto. Ata 'ix walcn 'a eb', to an Jehová in, an ton sDiosal in eb'.

Dn 11:16

A jun 'oj 'a'nc ganar cha, 'oj sb'on̈j tas 'oj snib'c 'a jun 'oj lajwc 'el yuj cha. May xon junc mach 'oj stac' ste'wtzan sb'a 'a yojltac. 'Oj 'och 'a sat lum lum caw wach' yilxi, atn slum eb' israel, ax satn 'el smasnil tas 'oj snib'c satli.

Dn 11:41

Til wal jun tzo'n̈ nacion̈ 'oj 'em yu'uj. An̈jtona', 'oj 'och pax 'a chon̈b' Israel, atn 'a lum lum caw wach'. Ax eb' 'anma cajn 'a Edom yet' 'a Moab, 'oj colchjoc can 'el eb', 'ec'b'alt pax 'a spacl eb' 'aj Amón 'oj colchjoc.

Dn 8:9

A 'a junc eb' sch'ac no cha, ata xpac' 'elt junx syune ch'a'ac. A jun cha, caw niwquil x'aj sq'uib' 'a stojlal sur, yet' 'a stojlal 'aj tzq'uel c'u, yet' pax 'a stojlal 'a 'aj 'ay lum lum caw wach' yilxi.

Lv 20:24

An wal wa'jnac can in ti', to 'oj wac' slum eb' chi eyico'oc. An 'oj ex wi'ch 'a sat lu'um, atn lum caw 'ay syaxil sat. An Jehová e Diosal in tic, an ex in poj 'elt 'a scal jun tzo'n̈ xo chon̈ab'.

Zacarías 7:14

Yuj wal cha, xwa'n sactzic eb' 'icha tzyutj chacxuxm'ic' junc tas. 'Ix 'atcn eb' 'a jun tzo'n̈ nacion̈ to man̈ yojcoc eb'. Ax schon̈b' eb', cusltac x'ajcni. Man̈x 'a junc mach xcan cajn 'a 'a. A schon̈b' eb' cha, caw wach' yilxi, palta yuj smul eb' 'ix cancn 'a cusltaquil, xchi Dios.

Nm 13:27

'Ix yaln eb' 'ixtc 'a Moisés: —On̈ xit' quil lum lum chi 'aj on̈ a checb'ti. Yel ton wal b'i'an, caw wach' lu'um, yax sat lu'um, yaj sat eb' te 'awb'ente tic 'ay 'a lu'um.

Nm 14:8

Toto tz'el 'a sc'ojl Jehová tzcolwj quet'ec, 'oj cochc xon 'a lu'um, yujto a 'oj a'noc lum 'ayn̈ec. A jun lum cha, caw wal yax sat lu'um.

Dt 11:9

yic wach' najtl 'oj eyec' 'a sat lu'um, atn lum ya'jnac Jehová sti ya'n 'a eb' qui mam quichmec, yet' 'a yin̈tl eb'. A jun lum cha, caw wal wach' lu'um.

Dt 26:15

'Ilt on̈ 'emt 'a satchan̈ 'aj 'aych 'ec' 'a et'l to ecn̈ej yaji. Tza'n cot a yaxilal 'a quib'n̈ an̈ israel on̈ tic on̈, yet' 'a yib'n̈ lum lum xac' 'ayn̈ tic on̈, lum caw yax sat, 'icha wal otjnac aln can 'a eb' qui mam quichm on̈, xe chi 'a 'a.

Dt 26:9

Xlajw cha, on̈ yi'nec cot 'a sat jun lum lum tic, 'ix ya'n lum 'ayn̈ec, atn lum caw 'ay syaxil sat.

Dt 27:3

Tzlajw cha, tze tz'ib'n can 'och jun tzo'n̈ cuynb'il tzwalcn 'ayx tic 'a eb' q'ue'en. Tze b'o jun tic, yic tzex 'och 'a sat lum lum caw yax sat, lum 'oj yac' Jehová qui Diosalec yet' eb' qui mam quichmec eyico'oc, 'icha yutjnac yaln can 'a eb'.

Dt 3:25

Tzin tew wal 'ayach, comnoc tzin a chaj 'ec' 'a sc'axpil 'ec' a Jordán tic. Tzin nib'j tzin c'och 'a sat jun lum caw wach' cha. Tzin nib'j wal tz'at wil lum lum 'ay 'a jolmctac witz cha, yet' pax lum Líbano, xin chi 'a 'a.

Dt 31:20

A yic 'oj lajwc wi'n 'och eb' 'anma tic 'a sat lum lum 'aj 'ix wac' in ti wa'n 'a eb' e mam eyicham, lum caw 'ay syaxil sat, caw 'oj wa eb' si'mb'il, 'oj b'ut'joc sc'ojl eb', ax sb'a'chb'i eb'. 'Oj lajwc cha, ax yoch tza'n eb' yuj jun tzo'n̈ comn dios, ax yi'n 'ejm sb'a eb' 'a 'a; an xo tic, 'oj in spatquilc can 'el eb', ax sjun 'el eb' in trato 'ix in b'o yet'oc.

Dt 32:40

Tzwij chan̈ in c'ab', tzwa'n in ti to 'aynn̈ej 'ec' 'a jun 'ejmn̈ej.

Dt 32:8

'Ay jun tiempoal 'ix sna jun Mach Caw Niwn Yel'chi, to wach' tzpojcn eb' 'anma yet' snacion̈. 'Ix ya'n checljoc can smon̈jonal slum junjn nacion̈ cha, junjn chon̈ab', palta b'ab'el 'ix sna yuj jantc e b'isl ex wit israelal.

Dt 6:3

'Ab'tec wal ex wit chon̈ab', caw tze b'eylb'ej jun tzo'n̈ checnb'il tic sec wach' 'oj eyel'chi. 'Oj niwtjoc e b'isul, ax eyoch niwc chon̈b'al 'a sat lum lum caw wach' cha, 'icha yutjnac Jehová qui Diosalec yaln 'a eb' qui mam quichmec.

Josué 5:6

Yujto chawinc ab'il 'ix b'eyc' eb' 'a lum cusltac lu'um, ax smasnil ewin quelmtac stiempoal xo yoch soldadoil, a eb' cha, caw pit xyutj sb'a eb'. Yuj cha, xya'n can Jehová sti', to ma'oj yil eb' 'anma chi lum lum 'aj ya'jnac sti ya'n 'a smam yichm eb', atn lum til wal syaxil sat.