Ez 20:40 - Chuj San Sebastian Bible

⁴⁰ An Jehová Yajl in, an tzwal 'ixtc 'a smasnil eb' israel: A lum niwquil tzaln wic yaj 'a chon̈b' Israel, ata 'oj wul eya'x 'ejm e b'a 'ayin. 'Oj ex in cha ta', 'oj in c'an jun tzo'n̈ ofrenda 'ayx ta', ax eyi'n cot sb'ab'l sat tas 'awb'il eyu'uj, yet' smasnil tas to wic xon yaji.

Chuj San Mateo Bible

⁴⁰ A d'a jun tzalan vic yaji, aton jun vitz te chaan̈ d'a smacb'en Israel, ata' ol ex och ejmelal d'ayin e masanil ex israel. A in Jehová Yajal in svala' to ata' ol ex in cha yed' smasanil in c'ool. Ata' ol in c'an d'ayex to ol eyac' eyofrenda d'ayin yed' pax b'ab'el sat eyavb'en yed' masanil tas victaxon yaji.

Ez 20:40 ပူးပေါင်းရင်းမြစ်များ

A Ch'an̈ Schab'l Libro Samuel 24:23

Smasnil jun tzo'n̈ tic, tzwac' 'aych mamin rey. Comnoc tz'el 'a sc'ojl Jehová Dios, tzchaj yab' tas 'oj a c'an 'a 'a, xchi 'a 'a.

Salmos 2:6

Tox 'ix wa'cn 'och yopiso jun rey 'a tzaln Sión, atn jun tzaln to wicn̈ej yaji, xchi.

Is 56:7

toto 'ixta', 'oj wi' cot eb' 'a jun tzaln to wicn̈ej yaji, ax wa'n stzaljc'ojlal eb' 'a yol watut 'aj tz'och lesl 'ayin. 'Oj in cha sn̈us eb' xajmb'al yet' yofrenda 'a yib'n̈ yet'l xajmb'al to wic yaji, yujto 'oj alxoc yuj watut, to yatutal lesl yaj yuj smasnil chon̈ab'.

Is 60:7

Smasnil no calnelu 'ay 'a Cedar, 'oj eyico'oc no', ax e no mam calnelu 'ay 'a Nebaiot, a e no 'oj e c'anlb'oc yic 'oj eya'nc tz'a e no xajmb'al-l 'a yib'n̈ yet'l xajmb'al to wic yaji. 'Oj in cha e no eyofrendaoc. 'Ixta 'oj wutoc, sec 'ay yel'ch watut chi 'a e sat.

Is 66:20

An Jehová in, an tzwala. A eb' 'anma 'a jun tzo'n̈ nacion̈ cha, 'oj yi' paxt eb' nan̈loc eb' eyit chon̈b' chi 'ayc' 'a scal eb' cha. 'Ay eb' 'oj 'ijxoc cot 'a yib'n̈ chej, 'ay eb' 'a yol caruaje, 'ay eb' 'a yib'n̈ b'achte', 'ay eb' 'a yib'n̈ no mula, yet' pax 'a yib'n̈ no cameyo. 'Icha wal tz'aj yijx cot junc ofrenda 'ayin, 'ixta 'oj 'aj yijx paxt eb' 'a Jerusalén 'a 'aj 'ay lum tzaln 'aj tz'och 'emmquilal 'ayin. Lajn 'oj 'aj yijx cot eb' 'icha tz'aj yi'n cot eb' israel ofrenda tz'em 'a yol jun tzo'n̈ 'ac' waso 'ay 'a watut.

Is 66:23

A yic tzpac' 'uj 'a junjn 'ujal, yet' 'a yic sc'ul 'iljelal 'a yol junjn seman, 'oj jawc smasnil 'anma 'a wojltac, ax yem cumn eb' 'ayin.

Jeremías 31:12

'Oj jawc eb', ax sb'itnan eb' b'it 'a tzaljc'ojlal 'a tzaln Sión, ax ya'n tzaljoc eb' sc'ojl yet' tas wach' 'oj wac' 'a 'a, atn 'ixm trigo, yal uva, aceite, no calnelu, yet' pax no wacax. Lajn 'oj 'ajcn eb' 'icha jun tzo'n̈ 'awb'ente caw 'aychn̈ej yalil, man̈x 'oj 'el yip eb' jun 'ejm xo.

Ez 17:22

An Jehová Yajl in, an tzwal 'ixtic: An 'oj in b'ijl sjolm te c'ute cha, ax junc te swol chi 'oj in c'uy 'elta, ax wawn te 'a sjolm junc lum witz caw 'ayb't 'a cha'an̈.

Ez 17:23

Ata 'oj wawc te 'a sjolm lum switzl chon̈b' Israel. 'Oj laj q'uib'l sc'ab' te', ax ya'n te sat, caw niwquil c'ute 'oj 'ajoc. 'Oj jawc smasnil no noc' 'iljoc 'a yich te', ax 'a scal sc'ab' te', ata 'oj 'aj cajn smasnil no ch'ic.

Ez 28:14

Ach querube, an wa'jnacch 'och 'a opiso stan̈malc jun lum tzaln to wicn̈ej yaji, ax 'a scal jun tzo'n̈ q'uen q'uen tzictzni yilxi, ata ach b'eyq'ui.

Ez 43:12

Atn sleyl watut tic: Smasnil lum lum oyn 'och 'a spatc 'el lum tzaln to wicn̈ej yaji, jun 'ejmn̈ej to wic yaj lu'um, xchi Dios 'ayin.

Ez 43:27

Ax 'a swajxquil c'u cha, ata 'oj 'el yich ya'n tz'a eb' ya'mal 'och sti eb' 'anma e xajmb'al tz'ajx tz'a'oc yet' e xajmb'al yic junc'ojlal. 'Ixta to b'i'an, ax ex in chan pax wico'oc. An Jehová in, an tzwala, xchi Dios.

Abdías 1:16

'Icha wal ex 'aj eyu'w 'an̈ 'a lum tzaln 'aj tz'och 'emmquilal 'ayin, 'ixta wal 'oj wutc wa'n eyuc' yowl in c'ojl yet' jun tzo'n̈ xo nacion̈. 'Oj eyuc' masnto 'oj e satl 'a jun 'ejmn̈ej.

Sofonías 3:11

Ex in chon̈ab', a 'a yic jun c'ul cha, man̈x 'oj e q'uixw yuj e maysch'olnilal, atn 'aj tenmtac xeyutj e b'a 'ayin. A yic cha, 'oj wi'l eb' tzalj yet' sb'an̈quinal 'a e cal, man̈x b'a'n̈ 'oj e b'an̈ e b'a 'a lum tzaln 'a 'aj tz'och 'emmquilal 'ayin.

Malaquías 1:11

An tzwala to niwn wel'ch 'a sat smasnil nacion̈ 'a yolyib'n̈q'uinal. A wal tas caw wach' a chi tzyac' tz'a eb' xajmb'alil, yet' ya'n eb' yofrendaoc 'ayin, yujto caw niwn wel'ch 'a sat eb'.

Malaquías 3:4

'Oj in tzalj yet' yofrenda eb' 'aj Judá, yet' pax yic eb' 'aj Jerusalén, 'icha 'ajnc in tzalj yet' 'a yictax pecti'.

Ro 8:23

Man̈ cojnoc jun tzo'n̈ chi wan yab'n syail. An̈jtona', 'ixta tzon̈ 'ajc jun xo. 'Ayx 'och Yespíritu Dios 'ayn̈ec, sec chequel, to 'ayt tas 'oj yac' Dios 'ayn̈ec. Wach'xam 'ixta', palta wan cab'nec syal ticnec. Wan qui tan̈wniec b'a'n̈ 'oj qui wach' 'ochc yunnalc Dios. Ata 'oj wach' colchjoc 'el qui niwnalec tic.

A Ch'an̈ Carta D'a Eb' Hebreo 13:15

Yuj cha, smasnil tiempo yowlal tzcalc wach' paxti 'a Dios yuj Jesucristo. A yet' qui ti', tzcalc swach'l Dios. A jun tzcalc tic, atn jun qui xajmb'al tzca'c 'a 'a.

Apoc 12:1

Xlajw cha, 'ix checlj jun senya 'a satcha'an̈, caw niwn yel'chi. 'Ay jun 'ix, a c'u a 'aych spichloc. Ax 'uj a 'aych ste'nub'oc yoc, ax pax lajchwe c'anal, a 'ay q'ue scoronaoc.

Apoc 21:10

Xlajw cha, 'ix ch'oxn Yespíritu Dios jun chi 'ayn 'a 'icha waychil. Ax jun ángel cha, in yi'n 'at 'a sjolm jun niwquil tzalan, caw chan̈ yajq'ue'i. Ata xch'ox wil jun niwquil chon̈b' Jerusalén, atn jun yic Dios, 'ix 'emt 'a satcha'an̈, jun 'ix 'elt 'a yojltac Dios.