Ez 20:38 - Chuj San Sebastian Bible

³⁸ 'Oj wic' 'elt eb' maysch'olnil snab'en 'a e cal, yet' eb' x'och 'ajc'ojlal 'ayin, 'oj wic' 'elt eb' 'a e cal 'a lum chuc chon̈b'al 'aj 'ayx 'ec' cha; palta man̈x 'oj 'och eb' 'a lum slum eb' yit israelal cha. Ax in eyojcan 'eli, to an Jehová in, cojn in ton Dios in.

Chuj San Mateo Bible

³⁸ A eb' te pit tz'och ajc'olal d'ayin, ol viq'uelta eb' b'aj sacleminac eyaj ticnaic, ol in satel eb' d'a e cal, man̈ ol ochlaj eb' d'a smacb'en eb' eyetisraelal. Icha val chi' ol aj eyojtacaneli to a in ton Jehová e Diosal in.

Ez 20:38 ပူးပေါင်းရင်းမြစ်များ

Salmos 9:16

Mamin Jehová, ach 'ojcax 'el yuj tas wach' tza b'o'o. Mun tzyalej sb'a eb' tzb'on maysch'olnil.

Salmos 95:11

Yuj cha, 'a scal yowl in c'ojol, xwa'n in ti', to may b'a'n̈ 'oj 'och eb' 'iljoc wu'uj, xin xchi, xchi Dios.

Jeremías 44:14

Ax 'aj Judá ex jawnacx cajn 'a Egipto tic, may wal jaywn̈oc ex 'oj e can 'a e pitznal. Wach'xam 'oj cob' e nib'c c'ochx cajn e b'a 'a Judá jun 'ejm xo, cojxn wal jayc'otc ex 'oj 'at e col e b'a ta', xchi Dios, xin chi 'a eb'.

Ez 11:21

An Jehová in an tzwala. A eb' tznib'j to tzb'eylb'ej tas yajb'entac, an 'oj wac' syailal eb' yuj jun tzo'n̈ sb'eyb'al cha, xchi Dios 'ayin.

Ez 13:9

'Oj wi' chan̈ in c'ab' 'a eb' tzcob' yalch sb'a in checb'oc, ax wa'n 'och syailal eb'. Yujto cojn tas man̈ yeloc an̈j chi tzyal eb', an̈j 'es tzyac' eb'. Yuj cha, may yaln eb' yic sc'och 'a 'aj 'ay syamnil eb' israel; may pax sb'i eb' 'oj tz'ib'xoc 'a slista eb' israel cha, man̈x 'oj meltzjoc pax eb' 'a slu'um. 'Ixta to b'i'an, ax in yojcan 'el eb', to an Jehová in, to Yajl in.

Ez 15:7

An wal 'oj woch 'ajc'ojlal 'a eb'. Wach'xam 'oj yac' ganar eb' scoln sb'a 'a jun yailal cha, palta chucx junx yailal chi 'oj satn 'el eb'. A yic 'oj woch 'ajc'ojlal chi 'a eb', ax in eyojcan 'eli, to an ton Jehová in, to cojn in ton Dios in.

Ez 20:15

An̈jtona', a 'a lum cusltac lum chi 'ix walcn 'a eb', to ma'oj 'och eb' 'a sat lum lum 'aj xwac' in ti wa'n 'a eb', atn lum caw 'ay syaxil sat, lum yel xo wach' 'a yib'n̈ lum lum smasnil.

Ez 20:16

Yujto ma'ix syiclj eb' in ley yet' in checnb'il, ma'ix syiclj pax eb' sc'ul 'iljelal to wic yaji, an̈j 'a jun tzo'n̈ yechl comn dios 'aych snab'en eb'.

Ez 20:34

'Oj ex in molb'tzoc cot 'a jun tzo'n̈ nacion̈ 'aj sactzicnac eyajcn 'ati, ax wa'n 'och eyailal yuj yowl in c'ojol.

Ez 23:49

A chawn̈ eb' 'ix 'ix cha, 'oj wac' stup lajwc eb' smul yuj yajmulal, yujto xyac' pax 'ejm sb'a eb' 'a jun tzo'n̈ yechl comn dios. Ax snachj 'el eyuj ax chab' chon̈b'al ex cha, to an Jehová Yajl in, an 'ixta tzex wutej, xchi Dios 'ayin.

Ez 6:7

At yic 'oj eyilnoc to niwn 'anma 'oj cham 'a e cal, ax to e nan coti to an Jehová in tic, cojn in ton Dios in.

Malaquías 3:3

An Jehová in, lajn 'oj wutc eb' yin̈tl Leví 'icha junc mach tz'em wocn yi'l slumal q'uen plata, mto q'uen oro 'a scal c'ac'. 'Oj in sacb'tzoc eb', atn eb' ya'mal 'och e ti 'ayin, 'ixta to b'i'an, ax sta'n ya'n eb' yofrenda 'a wojltac, 'a 'icha wal smoj yet' 'a stojlal.

Mt 3:12

A jun cha, lajn 'icha junc winc tzchayj strigo, tz'el stzapil 'a scal. Tzlajw schayni, tzmoln strigo chi 'a yet'ul. Ax stzapil 'ixm cha, tzlan̈cn 'at 'a yib'n̈ junc c'ac' may b'a'n̈ tztupi, xchi Juan chi 'a eb'.

1 Co 10:5

Wach'xam 'ixta 'ajnc eb', palta an̈ja til wal eb' maysch'olnil snab'en 'a sat Dios. Yuj cha, chamnc can eb' 'a jun cusltac lum 'aj 'e'nc cha.

A Ch'an̈ Carta D'a Eb' Hebreo 4:3

Palta an̈ec xo tic, 'oj cochc 'iljoc yu'uj, yujto tzca'c 'och qui c'ojl 'a 'a. Yaljnac Dios 'ixtc yuj eb' qui mam quichmec cha: Yuj cha, 'a scal yowl in c'ojol, wa'n can in ti', chajtlto may b'a'n̈ 'oj 'och eb' 'iljoc wu'uj, xchi Dios 'a Ch'an̈ U'un̈. A Dios, 'ochnc wan smunlji, yictax sb'o yolyib'n̈q'uinl tic.

A Ch'an̈ Carta D'a Eb' Hebreo 4:6

A eb' cha, sb'ab'l 'ab'jnac eb' jun wach' 'ab'x yic colnb'il, palta ma'ix 'och eb' 'iljoc yuj Dios, yujto man̈ yiclumoc yutjnac sb'a eb'. Palta yowlal 'ay mach 'oj 'och 'iljoc 'icha yaj yaln can cha.

San Judas 1:5

A jun 'oj walb't 'ayx tic, eyojc xoni. Palta tzin nib'j tze na cot jac wet'oc. A eb' wit israelal 'a pecti', colchjnac 'elt eb' smasnil 'a Egipto yuj Cajlilec. Palta xlajw cha, satcn 'el nan̈l eb' ma'ix ya'ch sc'ojl 'a 'a.