Ez 20:32 - Chuj San Sebastian Bible

³² Ma'oj wac' 'el'choc 'icha tas tze na'a, yujto cob' tzeyal 'ixtic: A te te', yet' 'a q'uen q'ue'en, ata 'oj calc qui b'a 'icha jun tzo'n̈ xo eb' nacion̈ 'a yolyib'n̈q'uinl tic, xcob' e chioc.

Chuj San Mateo Bible

³² A ex tic ix e na eyoch ejmelal d'a te te' yed' d'a q'uen q'ueen, icha syutej sb'a juntzan̈xo nación. Palta malaj b'aq'uin̈ ol in cha e c'ulej juntzan̈ chi'.

Ez 20:32 ပူးပေါင်းရင်းမြစ်များ

Salmos 139:2

Ojc wali tas tz'el in b'oni, ojc paxi tas wanto in nani.

Salmos 33:10

A tztenn juwc smasnil tas tzlaj cob' sna eb' 'anma sb'o', atn eb' man̈ schon̈b'oc.

Pr 19:21

Til wal tas tz'el snan 'anma', palta cojn tas tzchaj sc'ojl Jehová, a chi tzb'o'i.

Is 37:19

Tz'anc sdiosal eb', yujto wal yel man̈ diosoc jun tzo'n̈ cha. 'Anma b'ojnac, te eb', q'uen eb'. Yuj cha, xtechj satn 'el ewin eb'.

Jeremías 2:25

¡Ex 'aj Israel, 'ochn̈ec wan eyoyb'x 'ec' e sayn 'ec' e diosal. Nab'an̈ej tze mac' lajwc eyoc, nab'an̈ej tztacj e ti eyeq'ui! Palta ax tic, xeyal 'ixtic: Ma'ay, an̈ tic on̈, tox 'ix ca'ch qui c'ojl 'a jun tzo'n̈ comn dios on̈, yuj cha, 'oj cochn̈j tza'n yuj eb' on̈, xe chi.

Jeremías 44:17

'Oj qui b'eylb'oc n̈ej tas 'ix qui nalb'ej qui b'oni. 'Oj ca'n̈j incienso yet' yal uva xajmb'al-l 'a 'ix syajlil satcha'an̈, 'icha wal tas wan qui b'on ticnec, 'icha pax ya'jnac eb' qui mam quicham yet' eb' qui reyal, yet' pax eb' syajlil chon̈b' 'a yol yic Judá yet' 'a yoltc scayeal Jerusalén. Yujto a 'a yic yaln̈taxi, caw 'ay tas tzqui c'uxu, wach'n̈j yec' cu'uj, may junc yailal xjaw 'a quib'an̈.

Jeremías 44:29

An Jehová in, an tzwa'cn jun senya tic 'ayex, chajtlto 'oj wa' cot yailal nab'il wuj 'a eyib'an̈. 'Oj ex wac' lajwc 'el 'a jun nacion̈ tic, 'icha wal xwutj wa'n can in ti'.

Lm 3:37

Toc 'ay mach tz'el'ch junc tas tzna'a, toto man̈oc Jehová tzalni.

Ez 11:5

Xlajw cha, xjaw pax Yespíritu Jehová 'ayin, xyaln 'ixtic: Al 'a eb' 'anma cha, to an tzwal 'ixtc 'a eb': Ex israel, wojc wal si'mb'il tas wan yec' 'a e nab'en.

Ez 38:10

An Jehová in, an tzwal 'ixtic: Caw tu tas 'oj a nib'c a b'o 'a jun tiempoal cha.

Dn 5:4

Syamn wal 'och eb' yu'w 'an̈, 'ix laj yi'nc chan̈ eb' sb'i sdiosal to nab'a oro, plata, bronce, hierro, te' yet' q'ue'en.

Os 4:12

A eb' in chon̈b' tic, a 'a junc te te', ata tzc'anb'j sb'a eb'. A te te chi tz'a'n snab'enoc eb' yalni. Yuj cha, 'ix juw can 'el eb', 'icha wal tzyutj junc 'ix 'ix yactn can yichmil, ax yet' junc xo win winc tzmuln 'ix, 'ixta wal in yutj eb' in yactn cani, ax 'a jun tzo'n̈ comn dios 'aj tzyal sb'a eb'.

Ro 12:2

Caw man̈x lajnoc tzcutjec qui b'eyb'al yet' eb' yic yolyib'n̈q'uinl tic. Yowlal tzqui chajec jelxc qui nab'en, sec 'oj wach' b'o qui b'eyb'alec 'a jun 'ejmn̈ej. Toto 'ixta tzcutjec qui b'a, 'oj wach' nachjc 'el cujec, tas tznib'j Dios 'ayn̈ec, atn tas wach', caw tzalj Dios yu'uj, may jac spaltail 'a 'a.

Dt 28:36

A Jehová 'oj eyi'n 'at yet' e reyl sic'b'il 'och eyu'uj, 'a junc nacion̈ to man̈ eyojcoc, man̈ yojcoc pax eb' qui mam quichmec. Ata 'oj eyac' servil jun tzo'n̈ comn dios, b'ob'il 'a te te', mto 'a q'uen q'ue'en.

Dt 28:64

A Jehová 'oj e pechn can 'at 'a jun tzo'n̈ xo nacion̈, 'oj e sactzic can 'at 'a jun tzo'n̈ chon̈b' 'ay 'a smasnil yolyib'n̈q'uinl tic. Ata 'oj eyal e b'a 'a jun tzo'n̈ comn dios tzb'o yet' te te', yet' q'uen q'ue'en, jun tzo'n̈ to man̈ eyojcoc, man̈ yojcoc pax eb' qui mam quichmec.

Dt 29:17

'Ay 'ajtil xlaj quilc jun tzo'n̈ yechl comn dios, jun tzo'n̈ to yajb'il yuj Jehová, atn jun tzo'n̈ b'ob'il yet' te te', yet' q'uen q'ue'en, yet' plata, yet' oro. Atn 'a jun tzo'n̈ chi tzyal sb'a eb' 'anma cajn ta'.

Dt 4:28

Ata 'oj eyac' servil comn dios b'ob'il yuj 'anma', atn jun tzo'n̈ yechl b'ob'il yet' te te', mto yet' q'uen q'ue'en. A jun tzo'n̈ cha, matz yila, matz yab'i, matz wa'i, matz su'lej.

Apoc 9:20

Palta ax eb' 'anma ma'ix cham yuj jun tzo'n̈ yailal cha, caw man̈ jac 'ix sna sb'a eb' yuj smul tzlaj sb'o'. Ma'ix yactj can eb' yaln sb'a 'a ewin demonio. Ma'ix yactj can pax eb' yaln sb'a 'a jun tzo'n̈ yechl tzalx 'och diosal, atn jun tzo'n̈ tzb'o yet' oro, yet' plata, yet' bronce. Tzb'o yet' q'uen q'ue'en, yet' pax te te'. A jun tzo'n̈ cha, matz yila, matz yab'i, matz b'ey paxi.

A Ch'an̈ B'ab'el Libro Samuel 8:5

'Ix yaln eb' 'a 'ixtic: Ach tic, ach 'och 'ichm wincal, ax eb' onnal, man̈oc a b'eyb'al tzb'eylb'ej eb'. Yuj cha, tzcaln 'ayach, to tza saycn junc qui reyl tzon̈ jucb'tzani, 'icha yaj jun tzo'n̈ xo nacion̈, xchi eb'.