Ez 20:27 - Chuj San Sebastian Bible

²⁷ Ach 'anma', al yab' eb' et israelal cha, to an Jehová Yajl in, an tzwal 'ixtc 'a eb': A eb' e mam eyicham, stzuntzjnac cot eb' wowal, yujto caw wal tenmtac eb' 'a jun tzo'n̈ tic.

Chuj San Mateo Bible

²⁷ Yuj chi' ach anima, al d'a eb' etisraelal to a in Jehová Yajal in sval icha tic: A eb' e mam eyicham stzuntzejnac val cot yoval in c'ol eb', in spaticannaquel eb' ayic sb'oannac juntzan̈xo tic eb':

Ez 20:27 ပူးပေါင်းရင်းမြစ်များ

Salmos 78:57

Lajn wal xyutj sb'a eb' 'icha eb' smam yichm eb'. 'Ix yij 'el sb'a eb' 'a stz'ey Dios, man̈x yiclumoc xyutj sb'a eb' 'a 'a. Man̈x wach'c xyutj sb'a eb', lajn xoj eb' 'icha junc jul-lab' to coxo.

Is 65:7

'Oj stuplajwc eb' smul cha, yet' pax smul smam yichm eb'. Caw wal tenmtac eb', 'ix laj sn̈usn eb' incienso 'a lum jolmctac witz. 'Oj in b'eyc'ojloc eb' b'ab'el, ax wa'n spac yic junjn eb'.

Ez 14:13

Ach 'anma', a yic tz'och smul junc chon̈b'al 'anma 'ayin, tz'och jun chon̈b' chi tenmtacl 'ayin, an xo 'oj wac' jawc yailal 'a yib'n̈ jun chon̈b' cha. Man̈x 'oj yac' lum lum sb'a'al, ax sjaw wejl 'a jun chon̈b' cha, 'ixta 'oj 'aj scham eb' 'anma', yet' no noc'.

Ez 18:24

Palta a mach tojl xon sb'eyb'al, q'uinloc tzjuw 'el sb'eyb'al cha, ax smasnil tas yajb'entac tzb'o eb' maysch'olnil sb'eyb'al, a chi tzb'o'o, ¿tom 'oj to wac' sq'uinl jun 'anma chi tze na'a? Wach'xam niwn tas wach' 'ix cob' sb'o', palta man̈x 'oj in na cot jun tzo'n̈ cha, cojn to tzcham yuj smul cha.

Ez 2:7

'Oj al in paxti tic 'a eb', toxn̈ej 'oj scha eb' yab'i', mto ma'ay, yujto caw pit eb'.

Ez 3:11

'Ixc 'at 'ilt pax eb' et chon̈b' 'icha preso yaji, tzaln can yab' eb' jun tzo'n̈ paxti tic, toxn̈ej tzchaj eb' yab'i', mto ma'ay, cojn to tzal 'ixtc 'a eb': 'Ixtc wal xyutj Jehová Cajlil yaln eyu'uj, xa chi 'a eb', xchi 'ayin.

Ez 3:27

Palta an to 'oj wala', ax a paxtin paxi, ax aln 'a eb' 'anma chi 'ixtic: 'Ixtc wal yaln Jehová Cajlil, xa chi 'a eb'. A eb' tznib'j 'ab'noc, yab' cab' eb', ax eb' matz nib'j 'ab'noc, man̈ yowlalc tzyab' eb', yujto caw wal pit eb', xchi 'ayin.

Ez 3:4

Xlajw cha, xyaln 'ixtc 'ayin: Ach 'anma', 'ixc 'a scal eb' et israelal, tzaln can in paxti tic 'a eb'.

Ez 39:23

Ax jun tzo'n̈ chuc nacion̈al cha, 'oj yojcoc 'el eb' to yuj stenmtacl eb' israel, 'ix 'ijx 'at eb' 'icha presoal 'a junc xo lugar. Yujto man̈ yiclumoc xyutj sb'a eb' 'ayin, yuj cha, xwi'n 'el in sat 'a eb', xwa'n 'ajxc ganar eb' yuj eb' 'ajc'ojl cha, til wal eb' xcham yuj owal.

Ez 39:26

An 'oj in molb'tzoc cot eb' 'a jun tzo'n̈ nacion̈ 'ajc'ojl yajch 'a eb' cha. Ax scanx cajn eb' 'a sat slum 'a tzaljc'ojlal, man̈x 'a mach 'oj xib'tnoc eb'. 'Ixta wal 'oj wutc in ch'oxni to cojn in ton Dios in. Til wal jun tzo'n̈ xo nacion̈ 'oj 'ilnoc jun cha. 'Ixta to b'i'an, ax yecn q'uixwc sb'a eb' israel yuj stenmtacl x'och 'ayin.

Nm 15:30

Palta toto sc'an wal sc'ojl junc 'anma chi tzsay smuloc, toxn̈ej to eyit chon̈ab', mto chuc chon̈b'al, palta tz'och smul 'ayin, a jun 'anma cha, yowlal tz'ijx 'el 'a e cal.

Ro 2:24

A 'a Ch'an̈ U'un̈, ata tzyal 'ixtic: Yuj e b'eyb'al, yuj cha, ton̈j tzb'uchwj eb' man̈ israeloc 'a Dios, xchi.

Apoc 13:5

'Ix 'ajx pax spermiso jun noc' sb'i cha, yic tzyaln jun tzo'n̈ maysch'olnil yet' b'uchwal paxti 'a Dios. 42 'ujl 'ix 'ajx spermiso ya'n yajlil.