Ez 19:14 - Chuj San Sebastian Bible

¹⁴ A eb' te sc'ab' cha, 'aych can c'ac' 'a eb' te', yuj cha, a yic tzcob' wolnc te', ax jun c'ac' chi tzn̈usn pax te swol chi yet' te sat cha. Man̈x 'a te sc'ab' chi wach' yoch sc'occhoc eb' rey, xa chi, xchi Dios 'ayn an Ezequiel in tic. (A jun b'it tic, yic cusc'ojlal. A yic 'ay cusc'ojlal ata smoj sb'itnaxi.)

Chuj San Mateo Bible

¹⁴ A d'a jun te' sc'ab' chi' ix elta c'ac', yuj jun c'ac' chi' ix tz'ab'at juntzan̈xo sc'ab' te', ix tz'apaxb'at sat te'. Man̈xalaj sc'ab' te' q'uenal te' tzato yal yoch sc'ocochoc eb' rey, xchi jun b'it chi', xchi Jehová. (Aton jun b'it tic yic cusc'olal, yuj chi' ol b'itajoc.)

Ez 19:14 ပူးပေါင်းရင်းမြစ်များ

Gn 49:10

May junc mach tztac' yi'n 'ec' a jelnal Judá; may mach tztac' yi'n 'ec' a c'occh yic opiso 'a yol a c'ab', masnto 'oj jawc yajl te c'occh cha, atn jun mach to smasnil eb' chon̈b' 'oj yiclnoc 'a 'a.

A Ch'an̈ Schab'il Libro Yic Yab'ixal Eb' Rey 24:20

Yuj cha, 'ix cot yowl sc'ojl Jehová 'a Jerusalén yet' 'a Judá, masnto 'ix yij 'el eb' 'a yojltac. 'Ix meltzj 'och Sedequías 'ajc'ojlal 'a sreyl Babilonia.

2 Cr 36:13

An̈jtona', 'ix yac' tenmtacl sb'a 'a Nabucodonosor, atn jun 'aj 'ix yac' sti 'a sat Dios, to junxn̈ej tzyutj snab'en yet'oc. Jun 'eln̈ej 'ix yac' pitb'oc 'el snab'en, man̈xtoc 'ix yal sc'ojl xmeltzj 'a Jehová sDiosal chon̈b' Israel.

Nehemías 9:37

A wal sat 'awb'ente caw wach', a tzyij 'ec' eb' rey 'ayn̈ on̈, atn eb' xa'ch reyl 'a quib'n̈ yuj qui mul on̈, eb' tzyac' yajlil 'a quib'n̈ yet' qui cajb'en noc' on̈. Sb'o eb' 'icha tas tznib'j 'ayn̈ on̈, yuj cha, caw tzcab' syal yuj eb' on̈.

Salmos 110:2

A Jehová 'oj yac' a c'occh yic opiso 'a lum Sión, ach xo 'oj ac' yajlil 'a yib'n̈ eb' 'ajc'ojl yajch 'ayach.

Salmos 79:7

Yujto on̈ smil cham eb' an̈ yin̈tl on̈ Jacob tic. Ax jun qui chon̈b' tic on̈, 'ix satcn 'el yuj eb'.

Jeremías 38:23

Smasnil eb' 'ix estzil, yet' eb' onnal mamin rey, 'oj 'ajxoc 'och eb' 'a yol sc'ab' eb' 'aj Babilonia. Ach xo, ma'oj stac' a 'at 'elc 'a eb', palta to 'oj ajx 'och 'a yol sc'ab' win sreyl Babilonia cha, ax sn̈usn can eb' jun chon̈b' tic, xin chi.

Jeremías 52:3

Caw tenmtac xyutj sb'a 'a win sreyl Babilonia. A eb' 'aj Judá yet' eb' 'aj Jerusalén caw 'ix stzuntzj cot eb' yowl Jehová, yuj cha, 'ix yi'n 'el eb' 'a yojltac. Yuj jun tzo'n̈ cha, tz'ec' jun tzo'n̈ niwc yailal tic 'a yib'n̈ eb'.

Lm 4:20

A jun qui reyl cob' yipc'ojlal yaj cuj on̈, atn jun sic'b'il 'el yuj Jehová, tox 'ix yamchj win yuj eb' 'ajc'ojol. An̈ tic on̈, xqui na cob'i', to 'oj on̈ scol win 'a jun tzo'n̈ xo nacion̈.

Ez 15:4

May xon yopiso te', ¿tom at wal 'a c'atztzil 'aj wach' sc'anxi? 'In a yic tz'a te', tz'och te 'ac'alil, ¿tom 'ayt 'aj wach' sc'anxi?

Ez 17:10

Wach'xam 'oj cob' 'awxoc paxi, palta man̈x 'oj wolnoc, ax 'ic' 'oj cot 'a stojlal 'aj tzq'uel c'u, a 'oj ma'nc tacjoc. 'Oj tacjoc chan̈ 'a yet'l 'aj 'awb'il cha, xa chi 'a eb', xchi Dios 'ayin.

Ez 19:1

Ach 'anma', b'itnej jun b'it yic cusc'ojlal tic 'a yib'n̈ eb' sreyl chon̈b' Israel, tzaln 'ixtic:

Ez 19:11

Caw wal ch'ijmtac x'aj eb' te sc'ab', ax te x'och sc'occhoc eb' rey, yel xo wal xq'uib' te si'mb'il. 'Ix 'ec' stel 'a yib'n̈ jun tzo'n̈ te niwc te', caw wal 'ay xo smay yilx yuj ste'il yet' pax yuj te sc'ab' 'ix q'uib'l cha.

Ez 20:47

Tzalni to an Jehová in an tzwal 'ixtic: An Jehová in, an 'oj wa'ch sc'a'l lum calcte 'ay 'a Neguev, 'oj sn̈us jun c'ac' chi eb' te te yax xi'il yet' eb' te tacn̈ xo. A jun c'ac' cha, ma'oj tupoc, 'oj sn̈us jun c'ac' chi sat eb' 'anma 'ay 'a stojlal sur masnto 'oj c'och 'a eb' 'ay 'a stojlal norte.

Ez 20:48

Ax yojcan 'el eb' 'anma chi smasnil, to an Jehová in, an 'ix wa'ch jun c'ac' cha, yuj cha, may tz'aj stupi, xchi Dios.

Ez 26:17

'Oj sb'o eb' jun sb'it yic chamel, ax yaln eb' 'ixtic: Ach Tiro tas ach 'aj a lajw 'ejmi, ach sat 'ejm 'a et'l 'a sti a mar, caw wal b'inab'il ach, caw jeln eb' 'anma chi smasnil, caw tzxiw jun tzo'n̈ xo eb' chon̈b' cajn 'a sti a mar cha.

Os 10:3

Yuj cha, ax yaln eb' chon̈b' tic 'ixtic: An̈ tic, may xon cab' qui reyal, 'intax to matz on̈ xiw 'a Jehová. Ax pax junc rey cha, ¿tas to wal tz'och cu'uj? 'oj schic eb'.

Os 3:4

'Ixta pax eb' wit israelal, to najtl tiempo 'oj can eb' 'a may sreyal, may syajlil eb' tztan̈wni, man̈x 'a xajmb'al eb' 'oj yac' 'a Dios, man̈x 'a eb' q'uen q'uen wach' yilx tzsay eb', man̈x 'a te spichl eb' ya'mal 'och sti eb' 'a Dios tzb'o'o, man̈x 'a pax yechl junc comn dios 'ayc' 'a yol yatut junjn eb'.

Am 9:11

'Ix yaln pax Jehová 'ixtic: A yopiso David, satnc 'ejmi, 'icha junc n̈a lan̈chjnac 'ejmi, palta 'ay jun c'ual 'oj in b'ox chan̈ jun 'ejm xo, ax wa'n pax jun 'opiso chi 'a yin̈til, 'icha xon 'a yic yaln̈taxi.

Lc 19:41

Ax yic wan sc'och Jesús 'a sla'nil Jerusalén, xyiln 'at jun chon̈b' cha. 'Ix 'oc' yu'uj.

Jn 19:15

Palta 'ix laj 'awj pax chan̈ eb' jun 'ejm xo: —Cham cab' winac. 'Och cab' win 'a spenc sulus, xchi pax eb'. —¿Tom tzwa'ch jun e reyl tic 'a spenc culs cha? xchi win 'a eb'. Ax ewin sat ya'mal 'och sti eb' 'a Dios, 'ix ta'w pax ewin 'ixtic: —An̈ tic on̈, cojn win yajl 'a Roma qui reyl on̈, may junc xo, xchi ewinac.

Jueces 9:15

Xta'w te snun q'uix chi 'ixtic: Toto yel tzeyala to tze nib'j tzin 'och e reyloc, cotn̈ec, c'ub'jec 'el e b'a 'a yaln̈ wen̈ul. Toto matz e nib'j an tzin 'och e reyloc jun, 'elt cab' n̈iln̈joc c'ac' 'ayin, ax stz'acn eb' te c'ute 'a Líbano wu'uj, xchi te'.