Ez 19:10 - Chuj San Sebastian Bible

¹⁰ A 'e nun chi ex rey, lajn pax 'icha junc te snun uva 'awb'il 'a sti a', til wal sat tzyac'a, caw niwquil tz'aji, til wal swol, yujto 'ay a a chi 'aj 'awb'il.

Chuj San Mateo Bible

¹⁰ A e nun chi' ex rey, lajan pax icha junoc ib' te' uva avab'il d'a stitac junoc a a', te nivan ix aji, man̈xo jantacoc sat ix yac'a', tzijtum svol ix q'uib'i yujto ayn̈ejoch yalil.

Ez 19:10 ပူးပေါင်းရင်းမြစ်များ

Salmos 1:3

Smasnil tas tzb'o eb', caw wach' tz'aj 'el'chi. A eb' cha, lajn wal eb' 'icha junc te te 'ayc' 'a sti junc a a', tzyac' sat 'a stiempoal, may pax b'a'n̈ tzpucl xi'il.

Salmos 128:3

A yistzil eb' winac, lajn wal eb' 'ix 'icha junc te snun uva tzsatn 'a stz'ey yatut eb'; ax yunnal eb' tzlaj 'och oyn 'a sti smexa, lajn eb' 'icha swol te olivo.

Ez 17:6

'Ix pac' jun te sc'ab' 'ix 'awx cha, ax 'ix 'aj 'el'chi, snun uva xo xyutj sb'a. Til wal x'ajl sc'ab'. Yunen̈ej x'aj ste'il, ax te sc'ab' cha, a 'a stojlal no salt'iw chi x'at t'in̈n eb' te'. 'Ix pac' 'elt sch'an̈l yib' yic tz'em 'a yol lu'um, snun uva xyutj sb'a. 'Ix wolni, til wal x'ajl sc'ab'.

Ez 19:13

Ax ticnec, ata xcob' 'awxc pax te 'a lum cusltac lu'um, 'a 'aj may xon a a'.

Ez 19:2

A 'a jun 'el 'ay jun no nun león x'ajx can 'och 'a scal no mam león. Ax 'a scal no mam león cha, ata sq'uib'tzej no yune'.

Os 2:2

'Ix yaln Jehová 'ayin to an tzwa'ch in b'a ch'oxnb'ilal yet' eb' wunnal yet' pax snun eb', yuj cha, xwaln 'ixtic: —Wach'xam a e nun cha, man̈x wistziloc, man̈x in yichmilc paxi, palta alc 'a 'a, man̈x cab' ya'ch sb'a 'ajmulal, tzyactn can pax 'ix eb' winc nib'b'il yuj cha.

Os 2:5

A e nun tic, xya'ch sb'a 'ajmulal. 'Ix yixtj 'el sb'a, yuj cha yaln 'ixtic: 'Oj 'at in sayc' eb' nib'b'il wu'uj, atn eb' tz'a'n tas tzin c'uxu, yet' tas tzwuq'uej, eb' tz'a'n in lana, yet' in lino, tzya'n pax eb' waceite yet' yal wuva, xchi.

Jn 15:1

'Ix yaln pax Jesús 'ixtc 'a eb' scuywum: —An tzin sch'ox cot jun te snun uva. Ax junc winc tzlaj mesn 'el sc'ab' te', a in Mam tzch'ox coti.

Dt 8:7

Yujto a Jehová qui Diosalec, a 'oj eyi'n 'och 'a sat lum lum caw wach'. Til wal a a 'a lum ch'olctac, 'ay a spac'b'a', 'ay pax a niwc a tzcot 'a lum jolmctac witz.

Dt 8:9

A 'a jun lugar cha, may tas 'oj e na yuj tas tze c'uxu, may pax tas 'oj e na yuj junc xo tas. A 'a scal q'uen q'ue'en, ata 'oj 'ilchjoc q'uen hierro eyu'uj, ax 'a eb' lum jolmctac witz, ata 'oj eyic' 'elt q'uen cobre.