Ez 18:7 - Chuj San Sebastian Bible

⁷ May mach tzcomn 'ixtej, a mach 'ay sb'oc 'a 'a, tzyac' meltzjoc tas 'aycn yuj sb'oc cha. May 'aj tz'och 'elc'al; a eb' tz'och swejel tzyac' tas tzc'ux eb', tzpichn eb' 'anma may spichul.

Chuj San Mateo Bible

⁷ Max yixtej junoc yetanimail vin̈, palta to syac' meltzaj tas aycan d'a vin̈ yuj junoc anima ay sb'oc d'ay. Max elc'anvi vin̈. Syac' svael eb' ay svejel vin̈, syac'an spichul eb' malaj yico'.

Ez 18:7 ပူးပေါင်းရင်းမြစ်များ

Nehemías 5:10

An̈jtona 'in, yet' eb' 'ayt wuj in b'a yet'oc, yet' pax eb' in checab', 'ix cac' q'uen tumn smajnc eb' on̈, xca'n 'ixm trigo sjel eb' on̈. A ticnec ca'c tup jun tzo'n̈ sb'oc eb' cha.

Job 22:6

Yujto xlaj a c'anc' spichl eb' meb'a 'anma smajnub'loc junc tas tzac' smajnc cha.

Job 24:3

Tzlaj yi'nc 'ec' eb' sb'uru eb' meb'a 'unn chamnc smam, tzto'n 'ec' eb' swacx eb' 'ix 'ix chamnc yichmil yuj smajnb'ilc stumn eb'.

Job 24:9

A eb' maysch'olnil snab'en cha, tzlaj yi'cn 'ec' eb' stz'ulc 'unn eb' 'ix 'ix chamnc yichmil yuj smajnub'l junc tas tzmajnj eb'.

Salmos 112:4

Caw 'ay schamc'ojlal eb', wach' snab'en eb', tojl tas tzb'o eb', yuj cha, 'icha junc cantil checl yoc 'a scal q'uic'q'uinal, 'ixta yaj Dios 'a eb' 'anma tojl snab'en.

Salmos 112:9

Tzyac' eb' siylab' 'a eb' meb'a', ax swach' nab'enal eb' cha, 'oj naxoc cot 'a smasnil tiempo. Til wal 'aj 'oj b'inaxc eb' yuj swach'l cha.

Salmos 41:1

Wach' yic eb' tznan eb' meb'a', yujto a Jehová a 'oj colnc 'el eb' 'a yic stiempoal 'ay yailal.

Ex 22:25

Toto tzeyac' e tumn majnil 'a junc meb'a 'anma', mto 'a junc eyit chon̈b' 'ayc' eyet'oc, man̈ e c'an yune 'e tumn cha.

Ex 22:26

Toto a jun 'anma cha, tzya'cn junc spichl 'ayx yuj smajn tumn cha, a yic mantzac 'em c'u, tzeya'n can pax meltzjoc 'a 'a,

Ex 23:9

Man̈ eyixtc eb' 'anma chuc schon̈ab', yujto ax tic najtl 'e'nc ex cajn 'a Egipto, tox 'ix eyila chajtlto yet' yailal ex 'aj eyec' cajn 'a chuc chon̈b'al.

Pr 14:31

Toto tzquixtjec eb' meb'a', caw tzqui patquiljec can 'el Dios, atn jun mach b'ojnac eb'. Palta toto tz'o'ch qui c'ojlec 'a eb', wan qui ch'oxnec 'eli to 'ay yel'ch Dios 'a qui satec.

Pr 28:27

A mach tzcolwj 'a eb' meb'a', ma'oj yil meb'a'il; ax mach matz colwj 'a eb', til wal eb' 'oj alnc tu 'a spatquil jun cha.

Pr 28:8

A mach tzniwtj sricoal yuj yune stumn tzyac' majnil, tzmolb'tzej wal sricoal cha, palta ax 'a eb' tz'o'ch sc'ojl 'a eb' meb'a', axta tzcani.

Pr 3:31

Man̈ a nib'c 'och ricoal 'icha tzyutj sb'a eb' matz 'o'ch sc'ojl 'a yit 'anma'il, man̈ ach 'och tza'n 'a sb'eyb'al eb' cha.

Is 1:17

Cuyc e b'a e b'on swach'il, a cab' stojlal tze sayq'ui, colwjan̈c 'a eb' 'anma tz'ixtxi, b'oc yaj eb' meb'a 'unin, colwjan̈c 'a eb' 'ix 'ix chamnc yichmil, xchi Dios.

Is 33:15

A eb' caw yel tzb'ey 'a stojlal, matz nib'j eb' tz'och ricoal yuj schan q'uen c'ultac tumin, matz ya'ch sb'a eb' yaln yic 'a junc milj cham 'anma', atn eb' tzyij 'el sb'a 'a maysch'olnil.

Is 5:7

'Icha win cha, 'ixta wal yaj Jehová yet' eb' yin̈tl Israel, 'icha to yawb'ente yaj eb', yet' pax eb' 'aj Judá. A Dios tztac' yuj smasnil, 'ix cob' stan̈woc to wach' tzyutj sb'a eb' 'a sley, palta ax x'aji, a milj 'anma sb'o eb'. May jac tojlal tzb'o eb', til wal yel yaw 'anma yixtx yuj eb'.

Jeremías 22:3

A tojlal, yet' wach'il, a tze b'eylb'ej. Man̈ eyixtc eb' eyit 'anma'il, man̈ eyixtc eb' chuc chon̈b'al, yet' eb' meb'a 'unn chamnc smam, yet' eb' 'ix 'ix chamnc yichmil. An̈jtona', man̈ e mil cham eb' 'anma may smul.

Ez 16:49

Yaj jun tzo'n̈ smul chon̈b' Sodoma yet' yaldeail. Caw wal sb'an̈ sb'a yet' tas 'ay 'a 'a. Til wal tas tzc'uxu, caw wach' yaji, palta ma'ix colwj jac 'a eb' meb'a', yet' 'a eb' 'anma may tas tzc'uxu.

Ez 18:12

Tzyixtj win eb' meb'a 'anma', tzyel'j win eb', matz yac' meltzj tas tzyactjcan junc mach yuj tas tzmajnj 'a winac, a 'a jun tzo'n̈ yechl comn dios 'aj tzya'ch snab'en, a tas yajb'entac a tzb'o'o.

Ez 18:16

May mach tzcomn 'ixtej; toto 'ay mach tz'och majn 'a 'a, may tas tzc'an yuj smajnub'al junc cha. May tas tzyelq'uej. A eb' 'ay swejel, tzyac' tas tzc'ux eb', tzya'n 'och spichl eb' may spichul.

Ez 18:18

A smam cha, 'ixtm 'anma winac, caw wal 'elc'um, maysch'olnil tas sb'o 'a scal yit chon̈ab', yuj cha, mun 'oj cham yuj smul cha.

Ez 33:15

Tzya'n meltzjoc junc tas 'aycn 'a yuj q'uen majn tumin, toto 'ay tas 'elc'b'il yu'uj, tzyac' meltzjoc paxi, tzb'ey pax 'a wach' b'eyb'al 'icha tzyal ley tz'a'n q'uinal. A jun 'anma cha, ma'oj chamoc, 'oj 'ajxoc sq'uinal.

Ez 7:23

'Ac' b'o jaye'oc q'uen cadena, yujto a 'a jun nacion̈ tic, til wal eb' ma'm cham 'anma 'oj jalxoc yet' q'ue'en. Caw wal b'ut'jnac 'el jun chon̈b' tic yuj maysch'olnil.

Dn 4:27

Yuj wal cha mamin rey, chaj ab' jun tzo'n̈ tzwal 'aych tic. Wach' cab' tzotj a b'a, man̈x 'och a mul. Comnoc wal tzactj can a b'on maysch'olnil, colwjan̈ 'a eb' tz'ixtxi. Toto 'ixta', tecn 'oj a can 'a junc'ojlal, ax a q'ue'ch yet' tas 'ay 'ayach, xchi Daniel 'ayin, xchi win rey cha.

Lv 19:13

Man̈ eyixtc eyit 'anma'il, man e comn to'c 'ec' tas 'ay 'a 'a. Man̈ e macch wan stojl eb' e munljum, man̈octo 'a junc xo c'u tzeyac' stojl cha.

Lv 19:15

Man̈ e b'o tas man̈ tojloc, yic tze b'onyaj junc mach; man̈ eya'ch e b'a yet' eb' meb'a', mto yet' eb' niwn yel'chi. Tojln̈ej tzeyutj e b'onyaj eyit 'anma'il.

Lv 25:14

Yuj cha, toto 'ay mach tzchon̈o mto tzman slum 'a junc xo mach, man̈ sna' to yicn̈ej yaj lum 'a jun 'ejmn̈ej.

Am 2:6

A Jehová tzaln 'ixtic: A wal eb' israel tic, man̈x jantcoc maysch'olnil sb'o eb', yuj cha, yowlal 'oj wa'ch yailal 'a yib'n̈ eb'. A eb' meb'a wach' snab'en 'a scal eb', 'in tzchon̈x 'el eb' yuj eb', yujn̈ej to matz techj stojn eb' sb'oc 'a eb', wach'xam yujn̈ej jun mojn̈oc xan̈ab'.

Am 2:8

A te pichl tzchaj eb' smajnnub'loc stumin, a 'a yib'n̈ te' ata tz'ec' c'otn eb' smuln 'a yojltac yet'l xajmb'al sdiosal eb'. Tzc'uxn eb' schib'l wal tz'ajx 'a jun tzo'n̈ comn dios cha. A yet' q'uen tumn tzchaj eb' multail, a chi tzyac' eb' manc yan̈, tzlajw cha, tz'u'w 'an̈ eb' 'a yol yatutal sdiosal cha.

Am 3:10

A Jehová a tzaln 'ixtic: Caw man̈ yojcoc eb' sb'on jac tas tojol. A 'a yol yatut eb', ata molb'il tas ton̈j tzyij 'ec' eb' 'a eb' 'anma', xchi.

Am 6:3

Ax tic matz e na wal jab'oc, toto wan sjaw jun c'u yic yailal. Palta yuj tas tze b'o'o, yuj cha, tzla'nb'i e q'uinal.

Miqueas 2:1

'Oltac wal eb' waync cob'i', palta xoj smitz'tz'ec' snab'en eb' snani tas maysch'olnilal 'oj sb'o eb', ax yic tzsacb' 'eli, tzyamn 'och eb' sb'on tas tzna cha, yujto 'ayc' 'a yol sc'ab' eb' sb'oni.

Miqueas 3:2

Palta tu tzeyutej, to tzeyajcn 'el tas wach', ax tas tu a tze chamc'ojlej. 'Icha to tze jitl eb' quit chon̈ab', man̈x 'a tas tzeyactj can 'a eb'.

Sofonías 1:9

An̈jtona', 'oj wa'ch pax syailal eb' cob' tz'a'n 'emmquilal 'ayin, 'icha tzyutj eb' chuc chon̈b'al ya'n 'emmquilal 'a sdiosal, to tz'och eb' 'a yol yet'l sdiosal chi yet' siylab', atn tas tzyij eb' 'a spatquil 'elc'al yet' 'a 'ixtj 'anma'il.

Malaquías 3:5

An Jehová tztac' wuj smasnil, an tzwal 'ixtic: 'Oj in jaw 'a e cal wul ex in b'eyc'ojloc. An wal 'oj wac' testigoal in b'a yuj jun tzo'n̈ eb' tic: atn eb' 'ajchum, eb' tzb'on 'ajmulal, eb' tz'a'n 'es, eb' man̈ tz'acnoc tzyutj stojn smajan, eb' tz'ixtn eb' 'ix chamnc yichmil yet' eb' meb'a 'unn chamnc smam, eb' matz b'onyaj eb' chuc chon̈b'al, yet' pax smasnil eb' may jac wel'ch 'a sat.

Lc 3:11

—Ax to 'ay cha'chb'oc e camix, tzeyac' junc 'a junc mach may yico'; yet' ex 'ay tas tze c'uxu, tzeyac' pax ja'jb'oc 'a eb' may yico', xchi 'a eb'.

Dt 24:17

Man̈ e b'o tas man̈ tojloc 'a eb' chuc chon̈b'al 'ayc' a e cal, yet' 'a eb' meb'a 'unn chamnc smam, yet' pax 'a eb' 'ix 'ix chamnc yichmil. Man̈ eyi'c spichl eb' 'ix yuj smajnub'loc junc tas.