Ez 18:6 - Chuj San Sebastian Bible

⁶ Man̈ comnoc tzwa yet' eb' 'anma tz'at wac 'a lum jolmctac witz 'aj 'ay jun tzo'n̈ yechl comn dios yic eb' yit israelal; matz b'o 'ajmulal yet' yistzil yit wincal, man̈ comnoc tz'och 'a eb' 'ix 'ix 'aj stiempoal yel a a'.

Chuj San Mateo Bible

⁶ Max och vin̈ yed' eb' tz'ac'anoch q'uin̈ d'a jolomtac vitz yic tz'och eb' ejmelal d'a juntzan̈ comon dios. Max yac'och juntzan̈ scomon diosal eb' yetisraelal vin̈ chi' yipoc sc'ool. Max mulan vin̈ yed' ix yetb'eyum junoc yetanimail, max yil-laj sb'a vin̈ yed' ix yetb'eyum ayic ayoch ix d'a sb'islab' uj.

Ez 18:6 ပူးပေါင်းရင်းမြစ်များ

Salmos 121:1

A yic tzin laj 'at q'ueln 'a lum jolmctac witz, tzwaln 'ixtic: ¿'Aj wal 'oj cot mach tzin colni? xin chi.

Ex 34:15

Yuj cha, may wal junc trato tztac' e b'on yet' eb' 'anma cajn 'a sat lum lum cha. A yic tzlaj ya'noc 'ejm sb'a eb' 'a sdiosal cha, yic tzlaj ya'nc eb' xajmb'al chi 'a 'a, toq'ue tzex yawtj eb' yic tze c'uxn jun tzo'n̈ xajmb'al chi yet' eb', caw man̈ e cha'.

Pr 6:29

'Icha jun tzo'n̈ tic, 'ixta tz'aj junc mach tzmuln yet' yistzil junc xo winac, yowlal tzjaw yailal 'a yib'an̈.

Ez 18:15

tzyal 'el'chi, matz nib'j tz'at sb'a wac yet' eb' 'anma chi 'a lum jolmctac witz, matz ya'ch pax snab'en 'a jun tzo'n̈ yechl comn dios 'ayc' 'a scal eb' yit israelal, matz comn b'oj 'ajmulal yet' yistzil junc xo yit wincal.

Ez 18:5

A mach tojl snab'en, wach' ton tas tzb'o'o:

Ez 20:24

Yujto ma'ix sb'eylb'ej eb' in ley yet' in checnb'il, ma'ix syiclj eb' sc'ul 'iljelal to wic yaji, 'ix ya'n 'och eb' snab'en 'a jun tzo'n̈ sdiosal smam yicham,

Ez 20:28

A yic xwi'n 'och eb' 'a sat lum lum 'aj wa'jnac in ti wa'n 'a eb', cojn wal yic x'och eb' 'a lu'um, 'ix yiln 'och eb' lum tzalctac, eb' te te pim xi'il. Axta 'ix laj sn̈us eb' xajmb'al, xlaj ya'nc eb' yofrenda 'a jun tzo'n̈ sdiosal, atn jun tzo'n̈ chi tzuntzn cot yowl in c'ojl 'a yib'n̈ eb'. 'Ix ya'n tz'a eb' jun tzo'n̈ incienso, xlaj stob'n q'ue eb' jun tzo'n̈ yal uva 'a yib'n̈ jun tzo'n̈ cha.

Ez 20:7

Xlajw cha, xwaln 'a eb' 'ixtic: Junjn mach, sjul cab' 'el jun tzo'n̈ yechl sdiosal yajb'entac yilx cha. Man̈ eyixtc 'el e b'a yet' jun tzo'n̈ yechl sdiosal eb' 'aj Egipto, yujto an Jehová in, an e Diosal in, xin chi 'a eb'.

Ez 6:13

A yic 'oj yilnc eb', t'occtac yaj eb' 'anma chi scham 'a scal jun tzo'n̈ yechl comn dios cha, 'a stz'ey yet'l xajmb'al eb', 'a lum tzalctac, 'a lum jolmctac witz, 'a yich eb' te ma'ach', atn 'aj tzlaj sn̈us eb' incienso 'a sdiosal cha, ata 'oj yojcoc 'el eb' to an Jehová in tic, to cojn in ton Dios in.

Lv 20:10

Toto 'ay mach tzb'o 'ajmulal yet' yistzil junc yit wincal, yowlal tzcham jun winc chi yet' 'ix 'ix cha.

Lv 20:18

Tzann̈j junc winc tzway yet' junc 'ix 'ix 'aj stiempoal yel a a', tzmuln win yet' 'ix, may yel'ch jun chi 'a winac. An̈jtona', tzyal sc'ojl 'ix sch'oxn 'el syailal cha. A eb' cha, yowlal tz'ijx 'el eb' schawn̈il 'a e cal.

Nm 25:2

'Ix monchj 'at eb' winc chi yuj eb' 'ix 'a 'aj 'aych sq'uin̈ eb' yuj xajmb'al tzyac' 'a sdiosal, ax eb' winc israel cha, schi eb' no schib'jal no xajmb'al cha, xya'n pax 'ejm sb'a ewin 'a sdiosal eb' 'ix.

Mt 5:28

Palta an tzwal 'ayex, tzann̈j mach tz'och q'ueln 'a junc 'ix, tznib'n 'ochi, a jun cha, tox x'och 'ajmulal yet' 'ix 'a snab'en.

1 Co 10:20

Palta a jun tzwal tic. A yic tzya'n eb' man̈ israeloc xajmb'al, man̈oc 'a Dios tzyac' eb'. A 'a jun tzo'n̈ demonio tzyac' eb' xajmb'al cha. Palta tzin nib'ej, caw man̈ junc tzex 'aj yet' ewin demonio cha.

Dt 4:19

A yic tzex q'ue q'ueln 'a satcha'an̈, tzeyiln q'ue c'u, 'uj, c'anal yet' smasnil tas 'ay 'a satchan̈ cha, xeya't wal somchjoc e nab'en yic tzeyaln e b'a 'a jun tzo'n̈ cha, yujto a Jehová qui Diosalec, a b'ojnac jun tzo'n̈ cha, sec tz'och swach'loc smasnil chon̈b' 'ay 'a sat lum lum tic.

A Ch'an̈ Carta D'a Eb' Hebreo 13:4

A yic tzqui'nec qui b'a yet' quistl junjn on̈ec, 'ay cab' yel'ch jun 'ijb'al chi 'a qui satec. Yowlal cojn 'a quistl junjn on̈, cojn ta tzca'c 'och qui nab'en. Yujto a Dios 'oj b'eyc'ojlanc eb' tzb'on 'ajmulal. Wach'xam eb' 'ayx yitb'eyum, wach'xam eb' manto, 'oj 'ajxcn̈ej 'och 'a yib'n̈ eb'.