Ez 18:31 - Chuj San Sebastian Bible

³¹ 'Actjec can smasnil maysch'olnil xe b'o cha, ax jun 'ac' nab'en yet' jun 'ac' espíritu tze chaj 'och 'ayex. Ex israel, ¿tas yuj tzeyij cot chaml 'a eyib'an̈?

Chuj San Mateo Bible

³¹ Ex israel, ¿tom tze nib'ej cham e b'a yuj chi' max e q'uex e pensar yed' e b'eyb'al? Palta actejeccan masanil chucal tze c'ulej chi' yic man̈ ol ex chamoc.

Ez 18:31 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 17:13

Xlajw cha, schecn 'at Jehová eb' schecb' 'at yal 'ixtc 'a chon̈b' Israel yet' 'a Judá: 'Actjec can e tu b'eyb'al, tzeyiclni in checnb'il, in ley yet' smasnil in cuynb'il 'ix wac' yal eb' in checb' 'a eb' e mam eyicham, xchi.

Salmos 34:14

'Ijec 'el e b'a 'a scal tu'al, ax tas wach' a tze b'o'o; a cab' junc'ojlal tze sayq'ui, tze b'eylb'ani.

Salmos 51:10

Ach in Diosal, a wal junc nab'en caw wach' a tzac' 'ayin. Tza'n 'a'tb'oc wespíritu sec yiclum in 'ayach.

Pr 8:36

A pax eb' matz chan 'ab'nc paxti yic jelnal, mun a eb' tzyij cot yailal 'a yib'an̈. A eb' tzpatquiln can 'el jelnal, a chaml wan yi'n cot eb' 'a yib'an̈.

Is 30:22

'Oj e patquilc can 'el jun tzo'n̈ yechel, man̈x wach'c 'oj 'aj eb' 'a e sat, yet' jun tzo'n̈ e comn diosal b'ob'il eyu'uj, atn jun tzo'n̈ b'ob'il yet' q'uen plata yet' q'uen oro, ax e juln can 'eli, 'icha xoj c'alem 'oj 'ajcn eb' 'a e sat.

Is 31:6

Ex yin̈tl can Israel, meltzjan̈c 'a jun mach 'ajtil caw tenmtac xeyutj e b'a.

Is 55:7

Ex maysch'olnil e b'eyb'al yet' ex tu 'e nab'en, nac e b'a, meltzjan̈c 'a Jehová, 'oj 'o'ch sc'ojl 'ayex; 'oj ex yac' niwnc'ojlal qui Diosal.

Is 59:20

A 'ix alni to 'oj jawc wul scol 'elt eb' 'aj Sión 'a yol sc'ab' syailal, atn smasnil eb' yin̈tl Jacob to tzna sb'a yuj smul.

Jeremías 21:8

Al-l pax 'a scal eb' chon̈b' tic, to an Jehová in, an tzwala: Tzwac' e si'loc 'aja b'e 'aj tzex 'ati, 'ay b'e yic q'uinal, 'ay pax b'e yic chamel.

Jeremías 27:13

¿Tas yuj 'oj ac' cham a b'a yet' eb' a chon̈b' yuj owal, yuj wejel, yuj pax yab'il? Yujto 'ix yal Jehová to 'oj jawc jun tzo'n̈ tic 'a yib'n̈ smasnil nacion̈ to ma'oj ya'ch sb'a 'a yaln̈ schecnb'il sreyl Babilonia cha.

Jeremías 27:15

A Jehová 'ix alni, to man̈oc tz'a'n yal eb' jun tzo'n̈ cha, caw 'esn̈j tas tzyal-l eb' 'a sb'i Jehová. Toto tza yiclj tas tzyal eb', 'oj ejx 'el 'a tic yet' eb' tzyalch sb'a checb'al cha, eb' tz'a'n 'es 'aych cha, ax a cham yet' eb', xin chi 'a win rey cha.

Jeremías 32:39

Junxn̈ej 'oj 'aj snab'en eb' wu'uj, jun lajnxoj 'oj yutc eb' in ya'n servil 'a smasnil tiempo, yic tz'och swach'loc eb', yet' swach'loc yin̈tl eb'.

Jeremías 4:4

Ex 'aj Judá yet' ex 'aj Jerusalén, yicljec in trato. 'A'c 'och wal 'a e c'ojl eyiclni yechl in trato cha. 'Ojquejec 'eli to an ton Jehová in. Ax to laj x'aji yuj e mul cha, ax wa'n cot yowl in c'ojl 'a eyib'n̈ 'icha te c'ac' caw ow sn̈ilchji, man̈x 'a mach tztac' sma'n tupoc.

Jeremías 44:4

Til wal 'ejm 'ix wa't eb' in checab', yic tzyaln eb' to matz e b'eylb'ej jun tzo'n̈ cha, yel tzwala, to caw matz chaj in c'ojol.

Ez 11:19

'Oj wac' jun e nab'en caw wach', caw 'a'to, ax wi'n can 'el jun e nab'en to caw wal tzatz 'icha q'uen q'ue'en,

Ez 20:7

Xlajw cha, xwaln 'a eb' 'ixtic: Junjn mach, sjul cab' 'el jun tzo'n̈ yechl sdiosal yajb'entac yilx cha. Man̈ eyixtc 'el e b'a yet' jun tzo'n̈ yechl sdiosal eb' 'aj Egipto, yujto an Jehová in, an e Diosal in, xin chi 'a eb'.

Ez 33:11

An Jehová in, an tzwal 'ixtc 'a eb': Matz in nib'j to tzcham eb' tz'och smul, palta to tzin nib'j to tzjel eb' sb'eyb'al, sec pitzn eb'. Ex israel, 'actjec can jun tzo'n̈ e b'eyb'al cha, sec ma'oj e chami, xchi Dios.

Ez 36:26

A jun nab'en caw wach', a 'oj wac' sjelc e tu nab'enal, ax yiclumal a chi 'oj wac' sjelc e pital.

Ez 43:9

Ax ticnec, toto tzyactj can eb' jun stenmtacl cha, ax yactn eb' smucn eb' sreyl chi 'a stz'ey watut, toto 'ixta', 'oj waj cajn 'a scal eb' 'a jun 'ejmn̈ej.

Mt 12:33

Nac si'mb'il, toto 'ay junc snun te wach', wach' sat tzyac'a. Toto 'ay junc te maysch'olnil, maysch'olnil sat tzyac'a. Yuj sat cha, tzcojcan 'eli, tas yaj te snun cha.

Mt 23:26

Ax fariseo ex tic, 'icha to matz uj eyiln jab'oc. Comnoc a tas matz eyelq'uej, an̈j tzeyac' 'ejm 'a yol e vaso, yet' 'a yol eyuc'ab'. Toto 'ixta', sac yojol yet' spatc 'a sat Dios.

A Tas Sc'ulejnac Eb' Schecab' Jesús Hechos 13:46

Yuj cha, 'ix ste'wtzan sb'a Pablo chi yet' Bernabé. 'Ix yaln eb' 'ixtic: —Yowlal a 'ayx quit israelal tzqui b'ab'l alj 'el spaxti Dios on̈. Palta 'in matz e nib'j tzeya'ch e c'ojl 'a 'a. Am tze na'a, to man̈ smojc tze chaj e q'uinl 'a jun 'ejmn̈ej. Yuj cha, a ticnec, 'oj cal-l jun 'ab'x tic 'a eb' man̈ israeloc on̈.

A Tas Sc'ulejnac Eb' Schecab' Jesús Hechos 3:19

Yuj cha, nac e b'a. Jelc e b'eyb'al, 'a'c 'och e nab'en 'a Dios, sec wach' 'oj sucxoc sat e mul. Toto 'ixta', 'ay jun tiempoal 'oj jawoc, ax ya'n Dios tzaljc'ojlal 'ayn̈ an̈ israel on̈c tic.

Ro 12:2

Caw man̈x lajnoc tzcutjec qui b'eyb'al yet' eb' yic yolyib'n̈q'uinl tic. Yowlal tzqui chajec jelxc qui nab'en, sec 'oj wach' b'o qui b'eyb'alec 'a jun 'ejmn̈ej. Toto 'ixta tzcutjec qui b'a, 'oj wach' nachjc 'el cujec, tas tznib'j Dios 'ayn̈ec, atn tas wach', caw tzalj Dios yu'uj, may jac spaltail 'a 'a.

Ro 8:13

Toto an̈ja qui b'eylb'anec 'icha tznib'j qui tu nab'enal, 'oj qui chamc yuj 'a jun 'ejmn̈ej. Palta toto yuj spoder Yespíritu Dios tzcactnec can qui b'on jun tzo'n̈ maysch'olnil yet' qui niwnalec tic, to 'ixta', 'oj qui chac qui q'uinl 'a jun 'ejmn̈ej.

Dt 30:15

A ticnec, tic wal tzwac' e si'loc 'aj 'ay tas tze nib'ej: ¿tom a e q'uinal yet' swach'ilal mto a maysch'olnil yet' chamel?

Dt 30:19

Wal 'a jun c'u tic, tzwa'n can 'och satcha'an̈ yet' lum lum tic testigoal to 'ix wa'cn e si'loc tas tze nib'ej, ¿am q'uinal, mto a chamel? ¿am yaxilal, mto a catab'? Palta a cab' e q'uinl tze si'cn 'eli, sec wach' 'oj eyaj e b'ey yet' eb' eyin̈tl 'a eyojltac b'aq'uin̈.

Santiago 1:21

Yuj cha, 'actjec can jantcn̈ej tas tu 'a sat Dios, yet' smasnil maysch'olnil. Caw tze wach' 'a'j 'och e c'ojl 'a spaxti Dios 'a 'emmquilal, atn jun alb'ilx can 'ayex, yujto a spaxti tic, tztac' tzon̈ colchjec yu'uj.

Santiago 4:8

Qui nitzc 'och qui b'a 'a stz'ey Dios. To 'ixta', 'oj snitzch sb'a 'a qui tz'eyc jun xo. Palta ax xo maysch'olnil e nab'en, b'oc e b'eyb'al. Ax chab'c'ojlal eyaji, tojlb'tzejc e nab'en.

A Sb'ab'el Carta San Pedro 1:14

Ax xo, yunnal ex xo Dios wet'oc, yiclum ex 'a 'a. A 'a yic yalan̈, til wal tas e nib'jnac 'ochi, yujto mant eyojcoc Dios ta'. Al ticnec, caw man̈x e b'eylb'oc 'ixta'.

A Sb'ab'el Carta San Pedro 1:22

A ticnec, [yuj Yespíritu Dios] xqui yiclniec jun cuynb'il caw yel. 'Ixta xcutjec qui tojlb'tzan qui b'eyb'al, sec caw yel 'ay qui chamc'ojlalec 'a eb' quit creyenteal. Yuj cha, yowlal tzlaj qui chamc'ojloquec qui b'a 'a smasnil qui c'ojol, yet' 'a smasnil quip.

A Sb'ab'el Carta San Pedro 2:1

Yuj cha, yowlal tze wach' 'actj can jantcn̈ej tas maysch'olnil. Man̈x eyixtc paxti junc 'anma'. Man̈x chab'satoc tzeyutj e b'a. Man̈ ex chichnc 'och 'a junc mach yuj tas 'ay 'a 'a. Man̈ ex b'uchwjc 'a spatc junc xo mach.