Ez 18:30 - Chuj San Sebastian Bible

³⁰ Ex israel, e Yajlil waji, an 'oj ex in b'eyc'ojloc yuj tas maysch'olnil tze b'o'o. An tzwala to tzeyactj can smasnil e tu b'eyb'al, sec man̈oc 'oj e satn 'eli.

Chuj San Mateo Bible

³⁰ A in Jehová Yajal in svala': Ol ex in ch'olb'itej junjun ex icha tas tze c'ulej. Yuj chi' naec e b'a, actejeccan e chuc b'eyb'al chi' d'a juneln̈ej. Tato maay, yuj e chuc b'eyb'alil chi' ol ex sateloc.

Ez 18:30 ပူးပေါင်းရင်းမြစ်များ

Esdras 10:11

A ticnec 'ojquejec 'eli to x'och e mul 'a Jehová qui Diosalec yet' eb' qui mam quichmec, yicljec 'icha wal tznib'ej. Pojc 'el e b'a 'a scal eb' 'anma chuc chon̈b'al, tzeyactn can eb' 'ix 'ix cha, xchi Esdras 'a eb'.

Ec 12:14

A Dios, 'oj sc'anb'c 'ayn̈ec yuj smasnil tas xlaj qui b'o'ec, toto wach', mto man̈ wach'oc, wach'xam c'ultacl xqui b'o'ec.

Ec 3:17

Yuj cha, tzin nan 'ixtic: A Dios 'oj qui b'eyc'ojlanec an̈ 'anman̈ec tic, wach'xam wach'n̈ec mto may qui ch'olnilec, yujto a smasnil tas yet' tas tzlaj uji, 'ay sc'ul 'oj b'eyc'ojlaxoc, xin chi.

Is 21:12

In ta'w 'a 'a: Wan sacb'i, palta 'oj jawc pax 'ac'wl jun 'ejm xo. Toto tza nib'j tza c'anb'j pax jun 'ejm xo, meltzjan̈, wul c'anb'j jun 'ejm xo, xin xchi 'a 'a.

Is 59:20

A 'ix alni to 'oj jawc wul scol 'elt eb' 'aj Sión 'a yol sc'ab' syailal, atn smasnil eb' yin̈tl Jacob to tzna sb'a yuj smul.

Jeremías 25:5

'Ix yal eb' 'ayex, chajtlto tzeyactj can e maysch'olnilal, yet' pax e tu b'eyb'al, sec wach' 'oj eyaj cajn 'a lum lum 'ix yac' Jehová 'a eb' qui mam quicham.

Jeremías 3:22

Ex 'anma to caw tenmtac, cotn̈ec pax 'ayin, 'oj in b'o jun e nab'en caw tenmtac cha, xchi Dios. 'Ix ta'w eb' israel 'ixtic: Caj on̈, tzca'ch qui b'a 'a yol a c'ab' on̈, yujto ach tic, Jehová qui Diosal ach on̈.

Jeremías 35:15

Til wal eb' in checb' in checjnac cot 'ayex, yic tzyaln eb' 'ayex, to tzeyactj can e tu nab'enal, yet' e maysch'olnilal. Matz ex 'och tza'n yuj jun tzo'n̈ xo comn dios, matz eyal e b'a 'a 'a, yic wach' tzex 'aj cajnn̈ej 'a lum lum 'ix wac' 'ayex, yet' 'a eb' e mam eyicham. Palta ax xo tic, jun 'ejmn̈ej ma'ix e chaj eyab'i', ma'ix eyiclj tas xwala.

Jeremías 7:3

A Jehová tztac' yuj smasnil, atn qui Diosalec an̈ israel on̈c tic, a tzaln 'ixtic: Toto 'oj e b'o e b'eyb'al, to 'ixta', 'oj ex wa'x can cajn 'a sat lum lum tic.

Ez 14:6

Yuj cha, al 'a eb' to an Jehová in, an tzwal 'ixtic: Meltzjan̈c cot 'ayin, tzeyactn can jun tzo'n̈ yechl comn dios cha, tzeyactn e b'on tas yajb'entac.

Ez 18:21

Toto 'ay mach maysch'olnil sb'eyb'al, palta tznib'j tzyactjcan jun maysch'olnil cha, syiclc cab' in ley, tzb'eylb'an tas tojol, a jun 'anma cha, ma'oj cham muc'uc.

Ez 18:29

Ex israel tecn 'ayx tzeyal 'ixtic: A Dios man̈ tojloc tas tzb'o'o, xe chi. A 'in, tojln̈ej tas tzin b'o'o, palta ax man̈ tojloc e b'eyb'al.

Ez 24:14

An Jehová in, an tzwala, xc'och stiempoal wa'n 'och a yailal, man̈x 'oj wi'ch wa'an, man̈x 'oj 'o'ch in c'ojl 'ayach, man̈x 'oj ach in na'. 'Oj wa'ch a yailal yuj tas tz'el a b'oni, yujto an Jehová Yajl in, an tzach in b'eyc'ojlej, xchi Dios, xa chi, xchi 'ayin.

Ez 33:11

An Jehová in, an tzwal 'ixtc 'a eb': Matz in nib'j to tzcham eb' tz'och smul, palta to tzin nib'j to tzjel eb' sb'eyb'al, sec pitzn eb'. Ex israel, 'actjec can jun tzo'n̈ e b'eyb'al cha, sec ma'oj e chami, xchi Dios.

Ez 33:20

'In tzeyal 'ixtic: A Dios man̈ tojloc sb'eyc'ojlwji, xe chi. Palta junjnal 'oj ex in b'eyc'ojloc ax israel ex tic, a tzyala tastc tze b'o junjn ex, xchi Dios.

Ez 33:9

Palta toto 'oj al yab'i', ax tz'aji ma'oj yactj can stu b'eyb'al cha, 'oj ton cham yuj smul chi bi'an, ach xo tic, libre ach 'a jun 'anma cha, xchi Dios.

Ez 34:20

Yuj cha, an Jehová in, an tzwala: An 'oj in b'eyc'ojloc eb' yajl tz'ixtn eb' in chon̈ab'.

Ez 36:19

Yuj stu b'eyb'al eb' cha, xwa'n 'och syailal eb', sactzic can 'at eb' 'a scal jun tzo'n̈ xo nacion̈.

Ez 43:9

Ax ticnec, toto tzyactj can eb' jun stenmtacl cha, ax yactn eb' smucn eb' sreyl chi 'a stz'ey watut, toto 'ixta', 'oj waj cajn 'a scal eb' 'a jun 'ejmn̈ej.

Ez 7:27

A win rey yet' eb' 'aych yajlil yet'oc, 'oj 'och eb' 'a cusc'ojlal, ax eb' 'anma smasnil, 'oj laj 'ib'xoc eb' yuj xiwlal. 'Oj wa'ch syailal eb' yuj smul cha. 'Icha wal xyutj eb' yixtn eb' yit 'anma'il, 'ixta pax 'oj wutc eb'. 'Ixta to b'i'an, ax in yojcan 'el eb', to an ton Jehová in, to cojn in ton Dios in, xchi Dios 'ayin.

Ez 7:3

Ax israel ex tic, xc'och sc'ul e lajw 'eli, wal scot yowl in c'ojl 'a eyib'n̈ tic. 'Oj ex in b'eyc'ojloc yuj tas maysch'olnil tzlaj e b'o'. 'Oj wa'ch eyailal yuj e b'eyb'al yajb'entac.

Dn 9:13

Smasnil jun tzo'n̈ yailal tz'ib'b'il can 'a ch'an̈ libro yuj Moisés, 'ix jaw 'a quib'n̈ on̈. Mamin Jehová ach qui Diosal, ma'on̈ 'och tza'n o'oj. Axn̈ej 'a spatquil maysch'olnilal on̈ 'atcn on̈, man̈x 'ic qui yiclj a paxti'.

Os 12:6

Ex israel, meltzjan̈c 'a qui Diosal. Yiclum tzeyutj e b'a 'a 'a, tojlb'tzejc e b'eyb'al. 'Aychn̈ej cab' Dios yipc e c'ojol.

Zacarías 1:4

Man̈ e pitc e b'a 'icha yutjnac spitn sb'a eb' e mam eyichm cha. Yaljnac eb' in checb' ixtc 'a eb': A Jehová tztac' yuj smasnil, a tzaln 'ayx 'ixtic: Nac wal e b'a yuj e tu b'eyb'al, yet' yuj smasnil maysch'olnilal tze b'o'o, xchi Dios, xchi eb' in checb' cha, palta ma'ix chaj eb' yab'i', ma'ix syiclj eb'.

Malaquías 3:18

Atta 'oj nachjoc 'el eyuj ax tic, chajtlto chuc spac yic eb' wach' sb'eyb'al tzin 'a'n servil, chuc pax spac yic eb' maysch'olnil sb'eyb'al matz in 'a'n servil, xchi Dios.

Mt 16:27

Yujto an 'Ochnc in 'Anmal tic, a yet' spoder in Mam 'oj in jaw yet' eb' wángel. Ax wa'n spac 'a junjn 'anma', a tzyala tastc 'ix sb'o eb'.

Mt 25:32

Ax junjn nacion̈al eb' 'anma', 'oj jawc eb' 'a wojltac. 'Icha junc 'ilm calnelu tzpoj 'elt no calnelu 'a scal no chiwo, 'ixta 'oj wutc in pojn snan̈l eb'.

Mt 3:2

'Ix yaln 'a eb' 'ixtic: —Nac e b'a yuj e mul, yujto jab'xoj 'oj wach' 'och jun 'aj satchan̈ Yajlil, xchi.

Mt 3:8

Nac e b'a yuj e mul, yowlal wach' tzeyutj e b'eyb'al, sec tzcheclj 'eli, chajtlto yel tzeyala.

Lc 13:3

An tzwal 'ayex, caw ma'ay. Palta ax xo tic, toto matz e na e b'a yuj e mul, c'uxn 'oj e cham pax junx 'icha ewin cha.

Lc 13:5

An tzwal 'ayex, caw ma'ay. Palta ax xo tic, toto matz e na e b'a yuj e mul, c'uxn 'oj e cham pax junx 'icha eb' cha, xchi Jesús 'a eb'.

A Tas Sc'ulejnac Eb' Schecab' Jesús Hechos 26:20

Yuj cha, a 'a Damasco chi in b'ab'l aljnac 'el spaxti Dios. Xlajw cha, x'ec' walnc 'el 'a Jerusalén yet' 'a junjn chon̈b' 'a yol yic Judea cha. Xwaln pax 'a eb' man̈ israeloc, chajtlto tzna sb'a eb', tzya'n 'och eb' snab'en 'a Dios. Waln pax 'a eb' to yowlal wach' tzyutj eb' sb'eyb'al, sec chequel to yel tzna sb'a eb'.

Ro 2:5

Palta 'ayx pit ex, matz e na e b'a. Yuj cha, wan eya'n niwtjoc yowl sc'ojl Dios 'a eyib'an̈. Ax 'a yic 'oj jawc jun c'u yic yailal, ax yajx can 'och 'a eyib'n̈ ta'. At wal 'a jun c'ul cha, 'oj checljoc 'el sb'eyc'ojlal Dios caw yel.

Santiago 1:15

Ax 'a yic tzqui b'on jun tzo'n̈ maysch'olnil tzqui nib'j 'och cha, tzwach' 'och qui mul. Ax yic tzwach' juw 'el qui nab'en yuj qui mul cha, yujn̈ej cha, ax qui cham 'a jun 'ejmn̈ej.

A Sb'ab'el Carta San Pedro 1:17

A Dios, 'oj sb'eyc'ojloc junjn 'anma', a tzyala tas sb'eyb'al jun jun. Yuj cha, toto tzcalc qui Mamoc, caw xiw coyc 'a 'a, ya' sb'a 'ayn̈ect 'ec' 'a yolyib'n̈q'uinl tic.

Apoc 2:16

Yuj cha, nac e b'a. Toto ma'ay, 'oj in c'och 'ayx muc'uc. Ax wa'n owl eyet' ax 'ixta tzeyutj e b'a, atn yet' jun espada 'ay 'elt 'a yol in ti'.

Apoc 2:5

Yuj cha, nac coti chajtl eyaj 'a yic mantzac juw 'el e nab'en. Nac e b'a, b'oc e b'eyb'al 'icha 'a yic yalan̈. Toto matz e na e b'a, 'oj in c'och 'ayx muc'uc, ax wi'n 'el e cantil 'a yet'ul.

Apoc 20:12

Ax xwiln eb' chamnc smasnil, eb' niwn yel'chi, yet' eb' may yel'chi, lin̈n 'ec' eb' 'a yojltac Dios smasnil. Xlajw cha, xjacw jun tzo'n̈ ch'an̈ libro. 'Ay pax junx 'ix jacwi, atn jun libro yic q'uinl 'a jun 'ejmn̈ej. 'Ix b'eyc'ojlax eb' yuj tastc sb'ojnac jun jun. A tzyala, tastc tz'ib'b'il 'a jun tzo'n̈ libro cha.

Apoc 22:12

'Ix yaln Jesucristo 'ixtic: 'Ab'ec, jab'xoj wal 'oj in c'ochxi. 'Oj wi't spac yic junjn mach 'oj wac'a', a tzyala tastc tzb'o jun jun.