Ez 18:23 - Chuj San Sebastian Bible

²³ An Jehová Yajl in, an tzwal 'ixtic: Matz in nib'j to tzcham eb' maysch'olnil sb'eyb'al, palta to tzin nib'j to tzjel eb' sb'eyb'al cha, sec 'ay sq'uinl eb'.

Chuj San Mateo Bible

²³ A in Jehová in svala': Malaj in gana scham eb' chuc sb'eyb'al, palta in gana to sq'uex sb'eyb'al eb' yic snajatb'i sq'uinal eb'.

Ez 18:23 ပူးပေါင်းရင်းမြစ်များ

A Ch'an̈ Schab'l Libro Samuel 14:14

Yujto an̈ 'anman̈ tic, toxn 'oj qui chami. Lajn on̈ 'icha a a tztob' 'a sat lu'um, man̈xtzac stac' smolb'tzaxi. Ax pax Dios jun, may mach tzyij 'ec' sq'uinal, a yico', to tzsay tas tz'aj smeltzj junc mach to 'aycn 'at 'elc 'a 'a.

Job 37:23

Matz tac' cojcanec 'eli jantc wal spoder Dios tztac' yuj smasnil, yujto man̈x yalnb'ilc sjelnal. Caw tojl paxi, wach' snab'en, may junc mach tzcomn 'ixtej.

Salmos 147:11

palta 'a eb' yiclum tzyutj sb'a 'a 'a, eb' tzya'ch sc'ojl 'a schamc'ojlal yic tzcoln 'el eb', caw 'ay yel'ch eb' 'a 'a.

Jeremías 31:20

An Jehová in, an tzwala to a eb' 'aj Efraín tic, 'icha to wunnal yaj eb', caw xajn eb' wu'uj, yel xo chamc'ojlb'il eb' wu'uj. Wach'xam tzwac' cuenta eb', palta matz wactj in nani, caw ya tzwab' yuj eb', yujto caw niwn tz'o'ch in c'ojl 'a eb'.

Lm 3:33

Wal yel, matz nib'j to tzon̈ ya'c 'och 'a cusc'ojlal mto 'a yailal.

Ez 18:32

Yujto an tic, matz in nib'j to tzex comn chami. 'Actjec e b'on maysch'olnil, sec 'ay e q'uinal. An Jehová in, an tzwala, xchi Dios.

Ez 33:11

An Jehová in, an tzwal 'ixtc 'a eb': Matz in nib'j to tzcham eb' tz'och smul, palta to tzin nib'j to tzjel eb' sb'eyb'al, sec pitzn eb'. Ex israel, 'actjec can jun tzo'n̈ e b'eyb'al cha, sec ma'oj e chami, xchi Dios.

Os 11:8

¿Tas wal 'oj wutc ex wactn can ex 'aj Efraín, atn ex yin̈tl can Israel? ¿Tom 'oj ex in satl 'icha wutjnac chon̈b' Admá, mto 'icha wutjnac chon̈b' Seboím? Caw ya tzwab' eyu'uj, caw tzcusch pax in c'ojl ex wiln 'ochi.

Miqueas 7:18

Mamin Jehová, may junc xo Dios lajn et'oc, yujto ach tic, ach tzac' niwnc'ojlal smul jaywn̈ xo eb' a chon̈b' tic xcani, tz'atcn satc'ojlal stenmtacl eb' o'oj. Man̈ 'ayc 'ec' yowl a c'ojl 'a smasnil tiempo, yujto tz'el 'a a c'ojl a ch'oxn pax a chamc'ojlal.

Lc 15:10

Yuj cha, tzwal 'ayex, toto 'ay junc maysch'olnil sb'eyb'al tzna sb'a yuj smul, caw tzalj eb' yángel Dios yu'uj, xchi Jesús.

Lc 15:32

Palta a ticnec, smoj xwa'ch jun q'uin̈ tic, sec tzon̈ tzaljec. Yujto a jun o'tac tic, 'icha to chamnc xo, palta ax ticnec, 'icha to xpitzw paxi. Satnc ton 'ati, palta xjapx 'ayin, xchi smam win chi 'a 'a, xchi Jesús.

1 Ti 2:4

Yujto tznib'ej, tzcolchj can 'el eb' 'anma smasnil. Tznib'j tzyojquej 'el eb' jun cuynb'il caw yel.

Santiago 2:13

Toto matz 'o'ch qui c'ojlec 'a eb' quit 'anma'il, ax Dios, ma'oj 'o'ch sc'ojl 'ayn̈ec jun xo, yic 'oj on̈ sb'oncyaji. Palta toto tz'o'ch qui c'ojlec 'a eb' quit 'anma'il, to 'ixta', 'oj 'o'ch pax sc'ojl Dios 'ayn̈ec yic 'oj on̈ sb'oncyaji.

A Schab'il Carta San Pedro 3:9

'Ay eb' tznani, to caw tz'ec' tiempo yuj Cajlilec cha. Ma'ix 'el'ch 'icha yaj ya'n can sti snan eb'. Palta man̈ 'ichcta tz'aj 'icha tzna eb' cha. Mantzac jawi, yujto caw 'ay sniwnc'ojlal 'ayn̈ec 'a yolyib'n̈q'uinl tic. Tznib'j to may junc 'oj satcn 'eli. Tznib'j to tzna sb'a eb' 'anma smasnil.