Ez 18:13 - Chuj San Sebastian Bible

¹³ Tzyac' tumn majnil, tzc'ann yune q'uen tumn cha. A junc winc 'ixta sb'eyb'al cha, man̈ najtloc 'oj yila', yujto yajb'entac tas tzb'o'o, yuj cha, mun tzyij cot chaml 'a yib'an̈.

Chuj San Mateo Bible

¹³ A stumin syac' majanil te nivan yune' sc'ana'. A junoc anima icha chi' sb'eyb'al, ol tzapanb'oc sq'uinal. Yujto ix sc'ulej juntzan̈ tastac tzin yaj chi', man̈ ol ec'b'atlaj schami. A schamel chi', a d'a yib'an̈ scani.

Ez 18:13 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 2:37

Toto tzach 'el 'a tic, tza'n pural ec' 'a yojl a Cedrón, toto 'ixta', yowlal tzach chami, mun wal ach tzej cot chaml 'a eb'an̈, xchi Salomón 'a 'a.

Job 34:11

A tz'a'n spac yic junjn mach, a tzyala tas tz'el sb'on junjn 'anma'; junjn mach 'oj scha spac smoj schani.

Ex 22:25

Toto tzeyac' e tumn majnil 'a junc meb'a 'anma', mto 'a junc eyit chon̈b' 'ayc' eyet'oc, man̈ e c'an yune 'e tumn cha.

Ez 18:17

Matz yixtj eb' meb'a', matz c'an yune q'uen majn tumin. A yico' to tzyiclj tas tzwala, tzb'eylb'an in checnb'il. A jun mach 'ixta tzb'o cha, ma'oj cham yuj smul smam, to 'oj najtxb'oc sq'uinal.

Ez 18:24

Palta a mach tojl xon sb'eyb'al, q'uinloc tzjuw 'el sb'eyb'al cha, ax smasnil tas yajb'entac tzb'o eb' maysch'olnil sb'eyb'al, a chi tzb'o'o, ¿tom 'oj to wac' sq'uinl jun 'anma chi tze na'a? Wach'xam niwn tas wach' 'ix cob' sb'o', palta man̈x 'oj in na cot jun tzo'n̈ cha, cojn to tzcham yuj smul cha.

Ez 18:28

Yujto tzyil cot sb'a to maysch'olnil tas tzb'o'o, yuj cha, 'oj colchjoc can 'eli.

Ez 18:32

Yujto an tic, matz in nib'j to tzex comn chami. 'Actjec e b'on maysch'olnil, sec 'ay e q'uinal. An Jehová in, an tzwala, xchi Dios.

Ez 18:8

May 'aj tzyac' tumn majnil yic tzc'ann yune'; may mach tzyixtej, tojl tzyutj sb'on yaj eb' 'anma 'ay yowal.

Ez 3:18

A yic 'oj walnc 'a junc maysch'olnil snab'en 'ixtic: Wal yel 'oj a cham yuj a mul, 'oj in chic 'a 'a. Ach xo tic, toto ma'oj al yab'i', to tzyactj can stu b'eyb'al cha, sec tzyil jacx tiempo, a jun cha 'oj cham xon yuj smul cha, palta a schamlil cha, eb'n̈ tzcan wu'uj.

Ez 33:8

A yic 'oj walnc 'a junc maysch'olnil snab'en 'ixtic: Wal yel 'oj a cham yuj a mul, 'oj in chic 'a 'a. Toto ach tic, ma'oj al yab'i', to tzyactj can stu b'eyb'al cha, sec tzyil jacx tiempo, a jun cha 'oj cham xon yuj smul cha, palta a schamlil cha, eb'n̈ tzcan wu'uj.

Lv 20:27

Toto 'ay junc winac mto junc 'ix 'ix tzyal to tzc'umj spixn eb' chamnc 'anma', mto tzyalch sb'a 'ajchumal, a jun 'anma cha, yowlal tzjulx cham yet' q'uen q'ue'en, mun a tzyij cot chaml 'a yib'an̈, xchi Dios.

Lv 20:9

Tzann̈j mach tzb'aj smam snun, a jun cha, yowlal tzchami, mun wal a tzyij cot chaml 'a yib'an̈.

A Tas Sc'ulejnac Eb' Schecab' Jesús Hechos 18:6

Palta ton̈j xcot yowl eb' 'a 'a. Caw xlaj b'uchwj eb' 'a 'a. Yuj cha, 'ix stzicb'tan̈n spichl yil eb', yic tzch'oxn senyail 'a eb', chajtlto ye'xn̈ej tzyij 'el sb'a 'a scal eb'. 'Ix yaln can 'a eb' 'ixtic: —Ax tic, mun tzeyij cot eyailal 'a eyib'n̈ 'a jun 'ejmn̈ej. An xo tic, man̈x 'a waln wic 'ayex. A ticnec, 'oj in 'at wal-l 'a eb' man̈ israeloc, xchi can 'a eb'.