Ez 17:23 - Chuj San Sebastian Bible

²³ Ata 'oj wawc te 'a sjolm lum switzl chon̈b' Israel. 'Oj laj q'uib'l sc'ab' te', ax ya'n te sat, caw niwquil c'ute 'oj 'ajoc. 'Oj jawc smasnil no noc' 'iljoc 'a yich te', ax 'a scal sc'ab' te', ata 'oj 'aj cajn smasnil no ch'ic.

Ez 17:23 ပူးပေါင်းရင်းမြစ်များ

Gn 49:10

May junc mach tztac' yi'n 'ec' a jelnal Judá; may mach tztac' yi'n 'ec' a c'occh yic opiso 'a yol a c'ab', masnto 'oj jawc yajl te c'occh cha, atn jun mach to smasnil eb' chon̈b' 'oj yiclnoc 'a 'a.

Salmos 80:8

Mamin Jehová, a 'a Egipto 'ix 'ej cot jun te snun uva; 'ix a pechn 'el jun tzo'n̈ chuc nacion̈al 'a sat slu'um, ax 'a slum eb' chi 'ix awj can pax te uva cha.

Cantares 5:15

A yoc na, lajn yilx 'icha junc piral b'ob'il 'a q'uen mármol, te'n 'ejm q'uen 'a yib'n̈ sb'achnub'al nab'a oro, lajn pax yilx ni 'icha te c'ute niwc stel 'ay 'a Líbano.

Is 2:2

A 'a jun slajb' c'ul cha, a lum switzl Sión 'aj 'ay yatut Jehová, 'oj q'ue wan lum 'a cha'an̈, 'oj 'ec' stel lum 'a jun tzo'n̈ lum niwc witz 'a stz'ey cha. Ax smasnil eb' 'anma 'a junjn nacion̈, 'oj c'och b'uln eb' 'a 'a.

Is 27:6

'Ay jun c'ual 'oj yi'x eb' yin̈tl Jacob yip jun 'ejm xo. Yuj eb' ax ya'n cot Dios syaxilal 'a yolyib'n̈q'uinl tic jun 'ejm xo. Lajn eb' 'icha junc snun uva to tz'ejm schan̈l yib', tzwolni, tznichni, caw niwn sat tzyac'a.

Is 49:18

'Ixc q'ueln 'a smasnil a tz'ey, wan laj syamnc pax sb'a smasnil eb' 'ijxnac 'at 'icha presoal, yic tzjapx eb' 'ayach. An Jehová in, mun tzin loc in b'i, tzwac' in ti 'ayach, to caw 'oj a b'an̈ a b'a yuj eb' a chon̈ab', atn eb' wan sjapx 'aych cha. 'Icha wal swach'l yilx tz'aj junc 'ix cob's 'ix yuj yixtal spichul yic tznupni, 'ixta wal 'oj aj yuj eb'.

Jeremías 31:12

'Oj jawc eb', ax sb'itnan eb' b'it 'a tzaljc'ojlal 'a tzaln Sión, ax ya'n tzaljoc eb' sc'ojl yet' tas wach' 'oj wac' 'a 'a, atn 'ixm trigo, yal uva, aceite, no calnelu, yet' pax no wacax. Lajn 'oj 'ajcn eb' 'icha jun tzo'n̈ 'awb'ente caw 'aychn̈ej yalil, man̈x 'oj 'el yip eb' jun 'ejm xo.

Ez 20:40

An Jehová Yajl in, an tzwal 'ixtc 'a smasnil eb' israel: A lum niwquil tzaln wic yaj 'a chon̈b' Israel, ata 'oj wul eya'x 'ejm e b'a 'ayin. 'Oj ex in cha ta', 'oj in c'an jun tzo'n̈ ofrenda 'ayx ta', ax eyi'n cot sb'ab'l sat tas 'awb'il eyu'uj, yet' smasnil tas to wic xon yaji.

Ez 31:6

A smasnil no ch'ic, tzlaj c'och junjn c'aj no sb'o so 'a scal sc'ab' te', ax e no calte'al noc', tzlaj 'alj yune e no 'a yich te', til wal nacion̈ tztac' scan cajn 'a yen̈l te cha.

Ez 36:8

A lum jolmctac witz 'a yol e macb'en, til wal te niwc 'awb'ente 'oj yac' sat 'a jun tzo'n̈ lugar cha, sec a te 'oj e lo sat, yujto jab'xoj e meltzji.

Dn 4:8

Ax 'a slajb' xoj 'ix jaw Daniel 'a wojltac, win tzcuch pax Beltsasar, 'icha wal sb'i in diosal. A sjelnal jun tzo'n̈ dios 'aych 'a 'a, 'ix waln in waych chi 'a 'ixtic:

Dn 4:9

Ach Beltsasar, syajlil ach eb' tztac' snan 'el junc paxti', wojtac to a sjelnal jun tzo'n̈ dios 'aych 'ayach. A smasnil tas c'ultac yaji, caw tznachjn̈ej 'el o'oj. Maclj wal ab' jun tzo'n̈ in waych chi 'ix wil cha, ax aln 'ayin tas tzyal 'el'chi.

Os 14:7

'Oj in ya'ch eb' yipc sc'ojl jun 'ejm xo. Wach' 'oj 'aj sq'uib' eb' 'icha sq'uib' 'ixm trigo, 'icha to 'oj nichnc eb' 'icha te uva, caw 'oj b'inaxc eb' 'icha te yal uva tzcot 'a Líbano cha.

Os 14:8

Ex 'aj Efraín, toc 'ay jac yopiso jun tzo'n̈ e comn diosal cha. An 'oj in ta'w 'ayex, ax ex in tan̈wni paxi. 'Icha jun c'uyc te te pim xi'il, 'ixta waj 'ayex. Wu'uj tzex niwtj pax cha'an̈, xchi Dios.

Miqueas 4:1

A yic 'oj jawc jun slajb' tiempoal, a lum tzaln 'aj 'ay yatut Jehová ticnec. A jun tzaln cha, yel xo chan̈ 'oj 'ajb't 'a yib'n̈ jun tzo'n̈ xo lum tzalan. Ax smasnil eb' nacion̈ 'oj jawc eb' 'a 'a.

Mt 13:32

Yujto a jun 'in̈t cha, yel xo yune 'a yib'n̈ smasnil jun tzo'n̈ xo 'in̈at. Palta a yic tzq'uib'i, yel xo niwquil tz'aj 'a yib'n̈ jun tzo'n̈ xo te te tz'awx 'a junjn ab'il. Lajn tz'aj 'icha jun tzo'n̈ niwc te', ax no ch'ic, tzc'och no 'a sc'ab' te', tzway no ta', xchi Jesús.

Mr 4:32

palta yic tox x'awxi, tzq'uib'i, yel xo wal niwquil tz'aj 'a yib'n̈ smasnil jun tzo'n̈ xo te tz'awx 'a junjn ab'il. Caw niwc tz'aj sc'ab', tztac' tz'och wan no ch'ic 'a yen̈ul, xchi Jesús 'a eb'.

Lc 13:19

A eb' cha, lajn eb' 'icha junc 'in̈t rechiwo tzyawj junc winc 'a slu'um. A jun 'in̈t cha, tzpaq'ui, tzq'uib'i. Lajn tz'aj 'icha jun tzo'n̈ te niwctac, ax no ch'ic, tztac' tzway no 'a sc'ab', xchi.

Jn 12:24

Wal yel tzwal 'ayex, q'uinloc 'ay junc 'in̈t trigo tzcan 'a yib'n̈ lu'um. Ton̈j tzcann̈j 'ixta'. Toto tzmucxi, 'icha to tzchami, palta a yic tzpaq'ui, caw niwn sat tzyac'a.

Gl 3:28

Man̈x 'a yel'chi, toto israel on̈, mto griego on̈. Wach'xam 'ayn̈ 'och mosoal to man̈ quico'oc qui b'a, wach'xam mun quic qui b'a, toxn̈ej winac, toxn̈ej 'ix, may yel'chi, yujto junxn̈ej cajc qui masnil yet' Cristo. 'Icha to junxn̈ej 'anmal cajc qui masnil.

A Scarta San Pablo D'a Eb' Aj Colosas 3:11

Yuj cha, may yel'chi, toto israel on̈, mto man̈ on̈ israeloc. Wach' cab' 'ay mach 'ac'b'il circuncidar, wach' cab' 'ay mach ma'ay. Wach'xam chuc chon̈b'al, wach'xam cab'nal 'anma', mto moso to man̈ yico'oc sb'a, toxn̈ej yicn̈ej sb'a, may yel'ch jun tzo'n̈ tic. Cojxn Cristo 'ay yel'chi, yujto a 'aych 'a qui pixn junjn on̈ec.

Apoc 11:15

'Ix yutz'n jun yucl ángel pax strompeta. Xlajw cha, x'och jun tzo'n̈ paxti 'a satcha'an̈. Caw 'ip 'ix yal 'ixtic: A eb' yajl yaj 'a yolyib'n̈q'uinal, wal ticnec tzcan yopiso eb' yico'oc Dios Cajlil, tzcan pax yico'oc Cristo. A 'oj 'a'nc Yajlil 'a jun 'ejmn̈ej, xchi eb'.