Ez 17:20 - Chuj San Sebastian Bible

²⁰ 'Icha to 'oj wa't 'in ch'an̈ yal 'a yib'an̈, ax scan 'a yojol. 'Oj wi' cot 'a Babilonia tic, ax 'a tic 'oj in b'eyc'ojloc, yujto tenmtac xyutj sb'a 'ayin.

Chuj San Mateo Bible

²⁰ Ichato ol vac'b'at junoc ch'an̈ yaal d'a yib'an̈ vin̈, ol can vin̈ d'a yol ch'an̈, ol vac' ic'joccot vin̈ d'a Babilonia tic. Ol vac'och yaelal d'a yib'an̈ vin̈, yujto te pit ix yutej sb'a vin̈ d'ayin.

Ez 17:20 ပူးပေါင်းရင်းမြစ်များ

A Ch'an̈ Schab'l Libro Samuel 18:9

Ax win Absalón cha, 'ix schaj sb'a win yet' eb' soldado yic David, 'ay q'ue win 'a yib'n̈ schej. Ax x'aji, 'ix yecn 'ec' sb'a no chej chi 'a yaln̈ sc'ab' jun te ma'ach'. Ax 'a scal sc'ab' te chi 'ix can locn sjolm win Absalón cha. 'Ix 'emt can t'un̈n winac, ax no chej cha, 'ix 'atcn no'.

2 Cr 33:11

Yuj wal cha, xya'n cot Jehová eb' syajlil eb' soldado yic sreyl Asiria, 'ix yamchj Manasés yuj eb', xya'n 'och eb' q'uen gancho 'a sn̈i', sjaln eb' yet' cadena to nab'a bronce, xyi'n 'at eb' 'a chon̈b' Babilonia.

Job 10:16

Toto cob' tzwij chan̈ in b'a, ax am tz'aji, 'icha spechn b'ey no león junc noc' tzyam schib'joc, 'ixta am tzin otej; 'ay smay a b'on junc tas satjub'tac yilx 'a in patquil.

Ec 9:12

An̈ 'anman̈ec tic, man̈ cojcoquec jantc qui q'uinal; 'icha tzyac' no chay tzcan 'a yojl ch'an̈ chim, mto 'icha no ch'ic tzcan 'a ya'al, 'ixta 'on̈ec, may tas nan cujec, ax tz'aji, ata tz'el-l tza'n̈joc junc tas 'a quib'n̈ec.

Jeremías 2:35

Wach'xam 'ixta tze b'o'o, palta tzeyal 'ixtic: An̈ tic, caw wach' on̈, may qui mul, man̈ 'ayc cot yowl sc'ojl Dios 'a quib'an̈, xe chi. An xo an Jehová in tic, 'oj wa' cot yailal 'a eyib'an̈, yujto matz eyojquej 'el e mul.

Jeremías 2:9

'Ix yaln pax Jehová 'ixtic: Yuj cha, an Jehová in, an tzwala: Caw 'oj wa'n̈j owl eyet'oc, yet' pax eb' eyin̈til.

Jeremías 34:21

An 'oj wac' 'ajxoc ganar Sedequías sreyl Judá, yet' smasnil eb' 'aych yajlil yet'oc, caw 'oj 'em eb' yuj eb' 'ajc'ojl yajch 'a cha, atn eb' tznib'n xon milnc cham eb'. 'Oj 'ajxoc ganar eb' yuj eb' soldado yic Babilonia, wach'xam tox xcob' 'actx can eb' yuj eb'.

Jeremías 37:17

Ax win rey Sedequías chi in 'a'n 'ijxoc 'at 'a sdespacho. A yic in c'och 'a yojltac win rey cha, 'ix sc'ultac c'anb'n win 'ixtc 'ayin: —¿'Aym junc spaxti Jehová tzal wab'i'? xchi winac. In ta'w 'ixtc 'a winac: —N', 'ay toni, 'ixtc wal yaln 'ixtic: Ach tic mamin rey, 'oj ajx 'och 'a yol sc'ab' win sreyl Babilonia, xin chi.

Jeremías 50:44

'Oj in jaw 'icha wal junc no león tz'elt 'a swaymtacl sti a Jordán, wal 'a yajn̈ej tzq'ue'ch no 'a junc lum pan̈n 'a'lic 'aj wach' swa no calnelu, tzsactzic can 'at e no yuj no'. 'Ixta wal 'oj 'aj s'at eb' 'aj Babilonia chi 'elc wuj ta', ax jun mach sic'b'il 'el wu'uj, a 'oj wa'cn 'och yajlilc ta'. ¿Mach junc 'oj stac' slajb'tzan sb'a yip wet'oc? ¿Mach wal 'oj stac' sten sb'a wet'oc? ¿Mach wal junc yajl 'oj stac' ste'wtzan sb'a 'a wojltac?

Lm 1:13

'Icha wal junc c'ac', 'ixta xyutj Jehová ya'n cot qui yailal 'a satcha'an̈, caw wal tzc'ux lajwc qui b'acl tzcab'i. 'Icha pax junc ch'an̈ yal tz'ejm 'a cojltac 'ixta 'on̈ yutj yet' qui yailal on̈, yuj cha, on̈ meltzj 'a qui patic. On̈ yactj can qui ch'ocoj, 'a junjn rato tzcab'n syal on̈.

Lm 4:20

A jun qui reyl cob' yipc'ojlal yaj cuj on̈, atn jun sic'b'il 'el yuj Jehová, tox 'ix yamchj win yuj eb' 'ajc'ojol. An̈ tic on̈, xqui na cob'i', to 'oj on̈ scol win 'a jun tzo'n̈ xo nacion̈.

Ez 12:13

An xo 'oj wa't in ch'an̈ yal 'a yib'an̈, ax scan 'a yojol, ax yijx cot 'icha presoal 'a Babilonia tic, atn lum slum ewin caldeo. Palta ma'oj yil xon jun chon̈b' tic, a pax a tic 'oj chamoc.

Ez 15:8

An tzwala to 'oj wa'ch can jun nacion̈ chi 'a cusltaquil, man̈x 'a 'anma 'oj can 'a 'a, yujto tenmtac xyutj sb'a eb' 'ayin, xchi Dios.

Ez 17:19

Yuj cha, an Jehová Yajl in, an tzwal 'ixtic: Yujto ma'ix yac' 'el'choc win rey sti cha, may yel'ch jun strato chi 'a sat, 'ix yac' 'es 'ayin, yuj cha, 'oj wac' jawc yailal 'a yib'an̈.

Ez 18:24

Palta a mach tojl xon sb'eyb'al, q'uinloc tzjuw 'el sb'eyb'al cha, ax smasnil tas yajb'entac tzb'o eb' maysch'olnil sb'eyb'al, a chi tzb'o'o, ¿tom 'oj to wac' sq'uinl jun 'anma chi tze na'a? Wach'xam niwn tas wach' 'ix cob' sb'o', palta man̈x 'oj in na cot jun tzo'n̈ cha, cojn to tzcham yuj smul cha.

Ez 32:3

An Jehová in, an tzwal 'ixtic: 'Oj wac' syam sb'a jun tzo'n̈ 'anma 'a sti a cha, ax in juln 'at in chim 'a eb'an̈, 'oj a can 'a yojl in chim cha, ax eb' 'anma chi 'oj a to'n q'uet 'a sti a'.

Os 2:2

'Ix yaln Jehová 'ayin to an tzwa'ch in b'a ch'oxnb'ilal yet' eb' wunnal yet' pax snun eb', yuj cha, xwaln 'ixtic: —Wach'xam a e nun cha, man̈x wistziloc, man̈x in yichmilc paxi, palta alc 'a 'a, man̈x cab' ya'ch sb'a 'ajmulal, tzyactn can pax 'ix eb' winc nib'b'il yuj cha.

Os 7:12

Palta a yic 'oj 'atx eb' ta', 'oj in julb't in ch'an̈ yal 'a yib'n̈ eb'. 'Oj 'em eb' 'icha tz'aj yem junc no ch'ic. 'Oj wa'ch yailal 'a yib'n̈ eb' 'icha x'aj yalx 'a scal eb'.

Miqueas 6:2

'Icha cab' to tzyab' pax eb' lum witz, yet' stzatzl yich lum lum tic, tas 'oj wal yuj e mul ex israel, caw 'oj wac' owl eyet'oc.

Lc 21:35

Yujto 'icha wal junc ya'al, 'ixta 'oj 'aj sjaw 'a yib'n̈ eb' 'anma smasnil 'a yolyib'n̈q'uinl tic.