Ez 17:14 - Chuj San Sebastian Bible

¹⁴ sec 'ixta tz'aj yelcn yip yopiso winac, man̈xtzac stac' yi'n chan̈ sb'a, tzcann̈j 'ixta', sec tz'el'ch jun strato cha.

Chuj San Mateo Bible

¹⁴ yic man̈xalaj tz'aj yelc'och smacb'en Judá chi', yic maxtzac yal yic'anq'ue vaan sb'a, vach'n̈ej yajeq'ui yacb'an sc'anab'ajej jun sti' ix yac' chi'.

Ez 17:14 ပူးပေါင်းရင်းမြစ်များ

Jeremías 38:17

Yuj cha, 'ix waln 'ixtc 'a win rey cha: —A Jehová tztac' yuj smasnil, atn qui Diosalec, a tzaln 'aych 'ixtic: Toto tza'ch a b'a 'a yol sc'ab' eb' general yic sreyl Babilonia, to 'ixta', 'oj a colchj yet' smasnil eb' cajn 'a yol atut, ax jun chon̈b' tic, ma'oj n̈usxoc.

Lm 5:10

Caw wal tz'a qui tz'umal yuj c'ac' tzpitzw chan̈ 'ayn̈ yuj wejl on̈.

Ez 17:6

'Ix pac' jun te sc'ab' 'ix 'awx cha, ax 'ix 'aj 'el'chi, snun uva xo xyutj sb'a. Til wal x'ajl sc'ab'. Yunen̈ej x'aj ste'il, ax te sc'ab' cha, a 'a stojlal no salt'iw chi x'at t'in̈n eb' te'. 'Ix pac' 'elt sch'an̈l yib' yic tz'em 'a yol lu'um, snun uva xyutj sb'a. 'Ix wolni, til wal x'ajl sc'ab'.

Ez 29:14

A eb' 'aj Egipto 'icha presoal yajcn 'at cha, 'oj wi'x meltzjoc eb' 'a stojlal sur yic Egipto 'a slum 'aj 'aljnac smam yichm eb'. Ata 'oj ya'ch sb'a eb' chon̈b'al, palta may wal ste'nal jun chon̈b' cha.

Ez 29:15

Man̈x 'a b'a'n̈ 'oj 'ec' 'a yib'n̈ jun tzo'n̈ xo nacion̈. Caw man̈x 'a yel'ch 'oj 'ajcni, yujto an tzwij can 'ejmi. Man̈x 'a pax 'aj 'oj yixtc jun tzo'n̈ xo yit nacion̈al.

Dt 28:43

A eb' chuc chon̈b'al 'ayc' 'a yol e chon̈ab', caw 'oj wach' jelnb'oc eb', ax xo tic, 'ipn slajw can 'ejm e jelnal cha.

A Ch'an̈ B'ab'el Libro Samuel 2:30

Yuj cha, an Jehová e Diosal in ax israel ex tic, an waljnac 'ixtic: Ach tic yet' eb' en̈tl b'aq'uin̈, ax tzin eyac' servil, xin chi. Ax ticnec tzwaln can paxi, to man̈x 'ixta'oc 'oj 'ajoc. A eb' 'ay wel'ch 'a sat, 'ay pax yel'ch eb' 'a in sat. Ax eb' may wel'ch 'a sat, may pax yel'ch eb' 'a in sat. An Jehová in, an tzwala.

A Ch'an̈ B'ab'el Libro Samuel 2:7

Mamin Jehová tzac' meb'a'il, tza'n pax ricoal. 'Ay mach tzej 'ejmi, 'ay pax mach tzej cha'an̈.