Ez 16:9 - Chuj San Sebastian Bible

⁹ Xin b'icl yet' a a', xin b'icl schic'l cha, xlajw cha, xwa'n 'och perjuma 'a 'a.

Chuj San Mateo Bible

⁹ Ix in b'iquel schiq'uil ix, ix in sacb'itej ix, ix vac'anoch perfume d'a ix.

Ez 16:9 ပူးပေါင်းရင်းမြစ်များ

Salmos 23:5

Lajn ach 'icha junc mach tz'a'n 'och sq'uin̈. A tas yel xo wach' a tzyac' sc'ux junc swach'c'ojol. Tzch'oxn 'eli to niwn yel'ch jun swach'c'ojl chi 'a 'a. Tzya'n sobra tas tzyac' yuc'. 'Icha jun swach'c'ojl cha, 'ixta tzin otj 'a yojltac eb 'ajc'ojl yajch 'ayin. Til wal a yaxilal tzac' 'a wib'an̈.

Salmos 51:7

'Ijcan 'el in mul, sec tzin b'ox can 'el'chi. B'icn can 'eli, sec yel xo sac tzin 'ajcn 'icha q'uen sacb'acum.

Is 4:4

A yic 'oj sb'eyc'ojlanc Dios eb' schon̈ab', ax ya'n 'och yailal 'a yib'n̈ eb', ata 'oj sacb'tzoc eb' 'aj Jerusalén yuj smilm 'anma'il, ax sacb'tzax can pax eb' 'aj Sión yuj stu'al.

Ez 16:10

'Ix wa'ch jun spichl tz'ib'quintac yilxi, xwa'n 'och xan̈ab', xwa'n 'och sjal-l to b'ob'il a te lino ch'al, caw sera pichl xwac' ya'chi.

Ez 16:4

A yic yalj cha, ma'ix lot'x 'el smuxuc', may mach xb'icn 'eli, may mach x'a'n 'och 'atz'm 'a 'a, ma'ix 'ajx 'och spichul.

Ez 36:25

'Oj ex in sacb'tzoc can yuj smasnil tas maysch'olnil 'ix e b'o'o, 'icha tzyac' junc tas tzb'icx 'el yet' a a caw wal yaxt'ujnac yilxi. 'Oj wi'cn 'el e mul 'aych 'ayex, atn yic xeya'n 'ejm e b'a 'a jun tzo'n̈ comn dios.

1 Co 10:2

'Icha to 'ajxnac bautisar eb' 'a jun 'asn cha, yet' 'a a mar cha. 'Icha to 'ajxnac 'och eb' yico'oc Moisés 'a jun tiempoal cha.

1 Co 6:11

'Ayn̈ec 'ixta cutjnaquec qui b'a 'a yic yalan̈. Al ticnec, 'ic'b'ilx 'el qui mul 'ayn̈ec. 'Ac'b'iln̈ec xo yico'oc Dios. A tzalni, to wach'n̈ec 'a sat ticnec. 'Ixta tzon̈ 'ajc yuj Cajlil Jesucristo ticnec, yet' pax yuj Yespíritu qui Diosalec.

2 Co 1:21

A Dios tz'a'n ste'nal e nab'en quet' on̈, yujto 'ayn̈ecx 'och 'a yol sc'ab' Cristo. A Dios on̈ si'nec 'och yico'oc.

1 Jn 2:20

Palta a Cristo 'a'jnac Yespíritu Dios 'ayx quet' on̈. Yuj cha, cojquec qui masnil jun cuynb'il caw yel.

1 Jn 2:27

A Jesucristo 'a'jnac Yespíritu 'ayn̈ junjn on̈ec. Yuj cha, man̈ yowlalc chuct junc 'anma tzon̈ cuynec, yujto a Yespíritu tzon̈ cuynec 'a smasnil tas. A jun tzo'n̈ cuynb'il tzyac' 'ayn̈ec, caw yel, may junc 'es 'aych 'a scal. Yuj cha, yowlal junn̈j tzon̈ 'ajc yet' Cristo, yujto 'ixta yaj yaln Yespíritu 'ayn̈ec.

1 Jn 5:8

Atn Yespíritu yet' chab' xo tas 'icha testigo. Atn yic yajx bautisar, yet' pax yic yel schiq'uil. A 'oxe tic, lajnn̈ej yutjnac sch'oxni, to a Jesucristo Yunnal Dios.

Rt 3:3

Yuj cha, 'oj a yiclj smasnil tastc 'oj wal 'aych tic: 'Achnan̈, tza'n 'och perjuma 'ayach, tza'n 'och a pichl caw wach', tzlajw cha, tzach 'at 'a 'aj 'ayc' win cha, palta man̈ a comn ch'oxc a b'a 'a yic mantzac lajw swa winac.