Ez 16:63 - Chuj San Sebastian Bible

⁶³ 'Oj wac' niwnc'ojlal 'a yuj tas sb'o cha, palta 'oj sna coti, man̈x 'a wal b'a'n̈ 'oj sb'an̈ sb'a, to an tzwala, xchi Dios, xa chi 'a yib'n̈ Jerusalén, xchi 'ayin.

Chuj San Mateo Bible

⁶³ Ol vac' nivanc'olal masanil tas ix sc'ulej Jerusalén chi', palta yovalil ol snacot juntzan̈ sb'eyb'al chi', ol q'uixvoc yuuj, yuj chi' man̈xa b'aq'uin̈ ol yic'chaan̈ sb'a, a in Jehová in svala', xchi Jehová, xa chi d'a eb', xchi d'ayin.

Ez 16:63 ပူးပေါင်းရင်းမြစ်များ

Esdras 9:6

Xwaln 'a 'ixtic: Ach in Diosal, caw wal tzin q'uixw wi'n chan̈ in sat 'ayach, man̈xtzac nachj wu'uj tas tzwutj waln in b'a 'ayach. Yujto x'ec' 'a yib'n̈ yoch qui mul on̈, 'ix q'ue'ch wal qui mul 'a satchan̈ on̈.

Salmos 39:9

'Icha to matz tac' in paxtini, 'ixta xwutj in b'a, may tas xwala, yujto ach xa'ch jun tzo'n̈ yailal tic 'ayin.

Salmos 65:3

A wal qui maysch'olnilal on̈, a chi tzon̈ 'a'n telwc on̈, palta ach xo tzac' lajwc qui mul chi 'on̈.

Salmos 78:38

Palta a Dios, caw tz'o'ch sc'ojl 'a eb', tzyac' lajwc smul eb', matz satx 'el eb' yu'uj. Til wal 'ejm tzyij 'ec' yowl sc'ojl 'a yib'n̈ eb', matz yac' 'el'choc yowl sc'ojl 'a eb'.

Salmos 79:9

Ach qui Diosal on̈, qui Colmal aji, colwjan̈ quet' on̈, tza'n lajwc qui mul on̈, sec matz b'uchx a b'i.

Salmos 85:3

Yelc'ojlal 'ix ej 'och wan yowl a c'ojl 'a quib'n̈ on̈ yet' a c'a'lc'ojlal.

Is 33:24

May junc mach cajn 'a Sión chi 'oj alnc 'ixtic: Ya 'ayn an tic, man̈ xchioc. A eb' cajn ta', 'oj 'ajxoc niwnc'ojlal smul eb'.

Is 44:22

An 'ix wac' satl e maysch'olnilal yet' e mul, 'icha tz'aj satchan̈ xob' lum lu'um. Meltzjan̈c pax cot 'ayin, yujto 'oj ex wa'l 'a libre, xchi Dios.

Lm 3:39

¿Tas yuj tzcot cowlec 'a Dios, toto yuj qui mulec tz'och qui yailal?

Ez 16:61

Tzlajw cha, ax snan cot sb'a yuj sb'eyb'al, ax yecn q'uixwc sb'a yic 'oj wa'nc pax meltzjoc chab' chon̈b' chi 'a 'a. 'Icha to yune 'oj 'aj eb', wach'xam to may yaln eb' yic a 'in trato yet' Jerusalén cha.

Ez 17:1

'Ix yaln pax Jehová 'ayn 'ixtic:

Ez 20:43

Axta 'oj e na coti, to caw maysch'olnil e b'eyb'al, 'oj eyojcoc 'eli to 'ix 'och e mul. 'Oj syaj sb'a e c'ojl yuj tas xe b'o cha.

Ez 39:26

An 'oj in molb'tzoc cot eb' 'a jun tzo'n̈ nacion̈ 'ajc'ojl yajch 'a eb' cha. Ax scanx cajn eb' 'a sat slum 'a tzaljc'ojlal, man̈x 'a mach 'oj xib'tnoc eb'. 'Ixta wal 'oj wutc in ch'oxni to cojn in ton Dios in. Til wal jun tzo'n̈ xo nacion̈ 'oj 'ilnoc jun cha. 'Ixta to b'i'an, ax yecn q'uixwc sb'a eb' israel yuj stenmtacl x'och 'ayin.

Ez 43:10

Ach 'anma', a ticnec al yab' smasnil eb' israel yuj tas 'ix el tic, ch'ox yil eb' yechl watut yet' tas yaj sb'o'i, sec 'oj yec q'uixwc sb'a eb' yuj smul.

Ez 44:13

Matz tac' yajx yopiso eb' ya'n 'och e ti 'ayin, matz tac' pax scomn yamn eb' jun tzo'n̈ tas to niwn yel'chi, yet' jun tzo'n̈ tas to cojn in 'ay wico'. Yowlal 'oj yec q'uixwc sb'a eb' yuj tas yajb'entac xlaj sb'o cha.

Ro 2:1

Tzann̈j junc on̈c tzqui b'eyc'ojlej junc xo mach, matz tac' calnec, to may qui mul, yujto a yic tzqui b'eyc'ojlanec cha, wan qui'nec cot yailal 'a quib'an̈. Yujto lajn tas tz'el qui b'onec yet'oc.

Ro 3:19

Cojquec, jantcn̈ej tas tz'ib'b'il can 'a ley, a tzaln 'a eb' 'aych 'a yol sc'ab', sec wach' may junc mach 'oj stac' scoln sb'a. Yuj cha, smasnil 'anma 'a yolyib'n̈q'uinl tic, 'oj b'eyc'ojlaxc eb' yuj Dios.

Ro 3:27

A ticnec, ¿tom tztac' qui b'an̈nec qui b'a tze na'a? Toxn matz tac'a. Yujto man̈ yujoc qui yiclniec ley yic Moisés, tzon̈ colchjec, palta yujn̈ej to tzca'c 'och qui c'ojl 'a Jesús. Yuj cha, matz tac' qui b'an̈nec qui b'a.

Ro 6:21

Palta ¿tom 'ay jac qui ganar 'a spatc jun tzo'n̈ qui b'ojnaquec cha? Caw tzon̈ q'uixwec yuj jun tzo'n̈ chi ticnec. Yuj wal jun tzo'n̈ cha, tz'at eb' 'anma 'a chaml 'a jun 'ejmn̈ej.

1 Co 4:7

May junc on̈ tztac' qui b'an̈n qui b'a, yujto lajnn̈ej quel'chec qui masnil. Tzann̈j tas tztac' cujec, yujto a Dios tz'a'n 'ayn̈ec. Yuj cha, matz tac' qui b'an̈nec qui b'a yu'uj. Matz tac' calnec, to mun quiquec, yujto a Dios tz'a'n 'ayn̈ec.

Dt 32:43

Ex nacion̈ tzaljan̈c yet' jun schon̈b' Dios tic, yujto 'oj spactzoc Jehová schamlil eb' schecab'. 'Oj yac' spac 'a eb' 'ajc'ojl yajch 'a eb', ax ya'n lajwc smul eb' schon̈b' cha, xchi Moisés.