Ez 16:57 - Chuj San Sebastian Bible

⁵⁷ yujto mantzac checlj smul. Ax ticnec, a eb' edomita, eb' filistea yet' eb' cajn 'a stz'ey, caw wal 'oj sb'uch eb'.

Ez 16:57 ပူးပေါင်းရင်းမြစ်များ

Salmos 50:21

Atn smasnil e mul tic, an xo ton̈j tzin 'och q'ueln 'ayex. Am wal e nani to lajn in eyet'oc. Q'uelc'mb'a 'oj waj eyet'oc, ax waln 'och e mul 'a e sat.

Is 14:28

A 'a jun ab'il 'aj chamnc win rey Acaz, ata xyalcn 'el Isaías jun tzo'n̈ tic 'ixtic:

Is 7:1

A yic 'aych win Acaz reyl 'a Judá, win yunnal Jotam, yixchicn Uzías, ata x'och jun owl 'a Jerusalén yuj win Rezín sreyl Siria, yet' yuj win Peka, yunnal Remalías, sreyl chon̈b' Israel. Snib'j ewin to xyac' 'ejm chon̈b' Jerusalén, palta ma'ix stac' yuj ewinac.

Jeremías 33:24

¿Tom matz nachj 'el o'oj, tas tzyal eb' 'anma'? Tzyal eb' chajtlto xin patquilj can 'el chab' 'in̈tal eb' 'anma tic sic'b'il 'el wu'uj, atn eb' 'aj Israel yet' eb' 'aj Judá. Yuj cha, man̈x 'a yel'ch eb' in chon̈b' 'a sat eb', man̈x nacion̈oc eb' 'a eb'.

Lm 4:22

Ex 'aj chon̈b' Sión, 'ix 'el'ch smasnil yailal 'ix 'ajx 'och 'a eyib'an̈. Ma'oj eyajx 'at 'icha presoal 'a jun 'ejmn̈ej yuj Jehová. Ax xo ex 'aj Edom, yuj e maysch'olnilal ax ya'n cot Jehová yailal 'a eyib'an̈, 'ixta wal 'oj 'aj scheclj 'eli, to 'ay pax e mul, xchi winac.

Ez 16:27

Yuj wal cha xcot wowal, xwa'n 'och syailal, xwi'n 'emt yoc tas tzc'uxu, xwa'n 'a yol sc'ab' eb' 'ix filistea, eb' 'ajc'ojl yajch 'a 'a. Caw wal tzq'uixw eb' 'ix yiln 'och sb'eyb'al.

Ez 16:56

A yic sb'an̈n sb'a Jerusalén, spatquiln can 'el Sodoma,

Ez 21:24

Yuj cha, an Jehová Yajl in, an tzwal 'ixtc 'a eb': A wal e mul, yet' tas maysch'olnil xlaj e b'o', caw wal checl yaji; ax ticnec, 'ix nax cot e mul, yuj cha, to 'oj eyamchji.

Ez 22:4

Yuj a milm 'anma'il 'ix 'och a mul, 'ix laj a b'o jun tzo'n̈ yechl comn dios, 'ix extn 'el a b'a yu'uj. Atn yuj jun tzo'n̈ tic, tzjaw slajb' sc'ul eco'. 'Oj ach wac' sb'aj jun tzo'n̈ xo nacion̈, ax ach wa'n sb'uch eb' 'anma 'ay 'a sat lum lum tic.

Ez 23:32

An Jehová Yajl in, an tzwal 'ixtic: A tas xyu'j 'ix a nul'j cha, a pax 'oj wac' oc' ach tic. A jun vaso 'oj a c'an cha, caw niwquil, xab' pax yich. Ata 'oj b'ut'joc 'ejm sb'uchwal paxti eb' nacion̈ 'ayach.

Ez 27:16

A eb' 'aj Edom, til wal tas tzwul sman eb' 'ayach: A tas tzya'cn eb' stojloc, atn q'uen granate, te nip jalb'il 'a te ch'al púrpura, te yelwnub'l pichul, te nip jalb'il 'a te lino ch'al, q'uen coral yet' q'uen rubí tz'och ton̈al.

Ez 5:14

Sictac 'oj 'ajcn e chon̈b' tic, ax yic 'oj laj 'ec' eb' 'anma cajn 'a stz'ey, 'oj laj stzetzc eb'.

Ez 5:15

A yic 'oj wa'nc 'och yailal 'a eyib'n̈ yuj yowl in c'ojol, ax eb' 'anma 'a jun tzo'n̈ xo chon̈b' 'a e la'nil, caw wal 'oj ex stzetzc eb', ax ex sb'uchn eb'.

Os 2:10

Q'ueln 'och wal jun tzo'n̈ nacion̈ 'ix mont 'at 'a sdiosal, ax wa'n yac' sq'uixwloc. May xon junc comn dios chi 'oj stac' scoln 'a yol in c'ab'.

Os 7:1

ata tznachj 'el smul eb' wu'uj, yet' smaysch'olnilal eb'. Yujto jun lajn xoj tzb'eylb'ej eb' 'a'm 'esal. 'Elc'm eb' smasnil. Tojln̈ej yoch eb' 'a yoltc n̈a. Tzlaj 'elc'w pax eb' 'a yoltc caye 'a eb' 'anma'.

Sofonías 3:19

A 'a yic jun tiempoal cha, 'oj wac' yowlal 'a jun tzo'n̈ eb' ex 'ixtni. 'Oj in colwj 'a eb' 'anma 'aych syailal yet' 'a eb' sactzicnac yajcn 'ati. 'Oj wi' chan̈ e b'inab'ilal 'a 'aj ex patquilx can 'el 'a smasnil yolyib'n̈q'uinal.

Nm 23:7

Xlajw cha, 'ix syamn 'och Balaam yaln 'ixtic: Atta 'ayn 'ec' 'a jun lum witz 'a stojlal 'aj tzq'uel c'u, 'a yol yic Aram, yic in ya'n 'ijxoc cot Balac sreyl Moab. 'Ix yaln 'ixtc 'ayin: Lem, cotn̈ muc'uc, wul catb'tzej can eb' israel tic, alcn 'el tu paxti 'a yib'n̈ eb' yin̈tl Jacob, xchi 'ayin.

1 Co 4:5

Yuj cha, man̈x e b'eyc'ojloc junc xo mach ticnec. To tze tan̈wj sjaw Cajlilec, yujto a 'oj ch'oxnc 'el smasnil tas. 'Icha junc tas c'ub'b'il 'el 'a q'uic'q'uinal, ax tzc'och sacq'uinl 'a 'a, c'uxn tzcheclj 'eli, 'ixta 'oj 'aj scheclj smasnil tas ta'. A Cajlilec chi 'oj 'a'nc checljoc 'el tas 'ay 'a qui nab'enec qui masnil. At wal ta 'oj yal Dios qui wach'lec, a tzyala tas qui munljel junjn on̈ec.