Ez 16:50 - Chuj San Sebastian Bible

⁵⁰ Caw b'an̈quintac xyutj sb'a, sb'on tas yajb'entac 'a wojltac; yuj wal jun tzo'n̈ cha, xin satn 'eli.

Chuj San Mateo Bible

⁵⁰ A snaani to an̈ej te nivan yelc'ochi, ochnacpax ijan sb'eyb'alan juntzan̈ tas tzin yaja', yuj chi' in satnaqueli, icha val tz'aj eyilanoch ticnaic.

Ez 16:50 ပူးပေါင်းရင်းမြစ်များ

Gn 13:13

A 'a jun chon̈b' cha, caw maysch'olnil sb'eyb'al eb' 'anma', til wal maysch'olnil tzb'o eb' 'a sat Jehová.

Gn 18:20

Xlajw cha, 'ix yaln Jehová 'a Abraham 'ixtic: —A smasnil eb' 'anma 'a Sodoma yet' 'a Gomorra, caw wal tu yalx speclal eb'. Yel xo wal caw xniwtj smaysch'olnilal eb'.

Gn 19:24

Ax 'a satcha'an̈, ata 'ix ya' cot Jehová c'ac' yet' azufre 'a yib'n̈ chon̈b' Sodoma yet' Gomorra.

Gn 19:25

'Ix satl jun tzo'n̈ chon̈b' chi yet' smasnil tas 'ay 'a 'a, yet' smasnil tas 'ix q'uib' 'a sat lum pan̈n cha.

Gn 19:5

Syamn 'och eb' yawj 'och 'a Lot, xlaj yalnc eb' 'ixtic: —¿'Ajtil 'ay jun tzo'n̈ winc xjaw wayc 'a atut 'a jun 'ac'wl tic? 'Ij 'elt ewin 'ayn̈ on̈, yic tzquixtn eb' on̈, xchi ewinac.

A Ch'an̈ Schab'il Libro Yic Yab'ixal Eb' Rey 23:7

An̈jtona', 'ix sma'n 'ejm lan̈chjoc yet'l yic 'ajmulal, atn 'aj smuln eb' winac, jun 'aych 'a yol yatut Jehová. A pax ta tzjal eb' 'ix 'ix te pichl yic jun comn dios tzcuch Asera.

Job 18:15

A yatut cha, chucx mach 'oj cajnoc. Ax smasnil tas 'ay 'a 'a, 'oj tzicxoc can 'och azufre 'a 'a.

Pr 16:18

Toto tzqui b'an̈c qui b'a, tzon̈ 'ijxec 'ejmi; toto tzquijec chan̈ qui b'a, 'oj quijxec 'ejm 'a slajub'.

Pr 18:12

A b'an̈quinal, tzon̈ yijec 'ejmi, ax 'emmquilal tzon̈ 'ijxec chan̈ yu'uj.

Is 13:19

A chon̈b' Babilonia cha, cojxn yel wach' yilx 'a yib'n̈ jun tzo'n̈ xo nacion̈. A 'aych yi'nb'ilc chan̈ sb'i eb' cajn chi ta', palta lajn 'oj 'ajcn 'icha wutjnac can Sodoma yet' Gomorra yic in satn 'eli.

Jeremías 20:16

Sat cab' 'el jun winc cha, 'icha jun tzo'n̈ chon̈b' satnc 'el yuj Jehová 'a jun 'ejmn̈ej. 'Ab'x cab' yel 'aw yuj yailal 'a yic sq'uin̈b'ial, yet' 'aw yic 'a'j owl 'a yic chimc'ual.

Jeremías 49:18

An Jehová in, an tzwala: To caw lajn 'oj 'aj satl Edom 'icha 'ajnc satl Sodoma yet' Gomorra yet' pax jun tzo'n̈ xo eb' chon̈b' 'ay 'a stz'ey. Man̈x 'a junc mach 'oj c'ochx cajn ta', man̈x 'a pax mach 'oj b'eyc'oc 'a 'a.

Jeremías 50:40

An Jehová in, an tzwala, to lajn 'oj wutc can Babilonia 'icha Sodoma yet' Gomorra, yet' pax jun tzo'n̈ chon̈b' 'ay 'a stz'ey, c'uxn 'ix in satcn 'el 'a jun 'ejmn̈ej. Man̈x 'a mach 'oj cajnoc.

Lm 4:6

A wal yailal 'ix jaw 'a yib'n̈ eb' wit chon̈b' tic, yel xo wal niwquil 'a yib'n̈ yailal xjaw 'a yib'n̈ eb' 'aj Sodoma. A jun chon̈b' cha, yajn̈ej 'ix satli wach'xam may mach x'och oyn yac' owl 'a 'a.

Lv 18:22

May cab' mach tzb'on 'ajmulal yet' yit wincal, 'icha tzb'o yet' 'ix 'ix. A jun cha, caw wal yajb'entac.

Am 4:11

An Jehová in, an tzwala, ex wac' lajwc 'el 'icha 'ajnc slajw 'el eb' 'aj Sodoma, yet' eb' 'aj Gomorra, yuj cha, ax jaywn̈ ex cannc ex tic, lajn ex xoj 'icha junc te cux tz'ijx can 'elt 'a scal te c'ac'. Palta man̈ yujoc cha, ex meltzj paxt 'ayin.

Sofonías 2:9

Yuj cha, an wal tzwal 'ixtic: A Moab, lajn 'oj 'ajcn 'icha Sodoma, ax chon̈b' Amón, lajn 'oj 'ajcn 'icha Gomorra, 'oj pac' chan̈ te q'uix 'a 'a. 'Oj 'ochcn sminasil 'atz'am. Caw cusltac 'oj 'ajcn 'a jun 'ejmn̈ej. A eb' in chon̈b' 'oj can to 'a eb' yin̈tl Judá cha, a eb' 'oj 'i'nc 'elt smasnil tas 'ay 'a eb' 'anma cha. A eb' 'oj 'ica'anc can slum eb' cha, xchi Dios.

Dt 23:17

May cab' junc winac, mto junc 'ix quit chon̈b'ec tzya'ch sb'a 'ajmulal, yuj ya'n 'och sb'a 'emmquilal 'a jun tzo'n̈ comn dios.

Dt 29:23

'oj yil eb', chajtlto a jun lum cha, c'uxn tz'anc smasnil, cojn azufre, yet' 'atz'm 'ay 'a 'a. Man̈x 'a tas tztac' yawx 'a lu'um, man̈x 'a xon tas 'oj yac'a. Man̈x 'a sc'ultcal 'oj pac'oc 'icha wal 'ajnc slajw 'el chon̈b' Sodoma, Gomorra, Adma yet' Zeboim. Atn jun tzo'n̈ chon̈b' chi 'ix yac' Jehová lajwc 'el yet' yowl sc'ojol.

A Schab'il Carta San Pedro 2:6

An̈jtona', ya'jnac Dios yailal 'a yib'n̈ eb' 'aj Sodoma yet' eb' 'aj Gomorra. C'uxn lajwnac 'el chab' chon̈b' chi yet' c'ac'. Nab'a tan̈ xoj 'ajnc can smasnil. A eb' lajwnac 'el cha, ch'oxnb'il yaj eb' 'a jantcn̈ej mach maysch'olnil sb'eyb'al.

San Judas 1:7

An̈jtona', tze nan cot tas 'ajnc eb' 'aj Sodoma yet' eb' 'aj Gomorra, yet' eb' 'a jun tzo'n̈ xo chon̈b' 'a sla'nil. 'Icha yutjnac sb'a eb' ángel cha, 'ixta yutjnac pax sb'a eb'. Caw ya'jnac 'at sb'a eb' 'a scal 'ajmulal. An̈jtona sb'ojnac eb' jun tzo'n̈ xo 'ajmulal yet' yit wincal. A eb' cha, ch'oxnb'il yaj eb' 'a smasnil 'anma ticnec, yujto wan yab'n eb' syal 'a scal c'ac' 'a jun 'ejmn̈ej.

Apoc 18:9

Ax eb' niwc yajl 'a yolyib'n̈q'uinal, eb' xb'on 'ajmulal yet' jun tzalx 'ixl tic. Caw locn eb' yet' 'a sricoal. Palta ax yic 'oj yilnc eb' sq'ue stab'l stz'a'i, caw 'oj 'oc' eb'. 'Oj cul-loc eb' yoc' yu'uj.